ନୂଆ ବର୍ଷ ପାଇଁ ସଜେଇ ହେଉଛି ପୁରୀ ଓ ଶ୍ରୀମନ୍ଦିର, ମହାପ୍ରଭୁଙ୍କ ଦର୍ଶନ ପାଇଁ ସ୍ୱତନ୍ତ୍ର ବ୍ୟାରିକେଡ୍ ବ୍ୟବସ୍ଥା
ପୁରୀ (କେନ୍ୟୁଜ୍) : ନୂଆ ବର୍ଷ ପାଇଁ ସଜେଇ ହେଉଛି ପୁରୀ ଓ ଶ୍ରୀମନ୍ଦିର । ଶ୍ରୀମନ୍ଦିର ଚତୁପାର୍ଶ୍ୱ ୭୫ ମିଟର ସୁରକ୍ଷା ଜୋନ୍ରେ ଏଥିପାଇଁ ଚାଲିଛି ସୌନ୍ଦର୍ଯ୍ୟକରଣ କାର୍ଯ୍ୟ । ଲକ୍ଷ ଲକ୍ଷ ଭକ୍ତଙ୍କ ଆଗମନକୁ ଦୃଷ୍ଟିରେ ରଖି ସ୍ୱତନ୍ତ୍ର ବ୍ୟାରିକେଡ୍ ନିର୍ମାଣ ସହ ଦର୍ଶନ ପାଇଁ ହୋଇଛି ବିଶେଷ ବ୍ୟବସ୍ଥା । ସିଂହଦ୍ୱାର ସମ୍ମୁଖ ପୁରୁଣା ବ୍ୟାରିକେଡ୍ ହଟାଯାଇ ନୂଆ ବ୍ୟାରିକେଟ୍ ମଧ୍ୟ ଦେଇ ଭକ୍ତମାନେ ଦର୍ଶନ କରିପାରିବେ । ଏପଟେ ସିଂହଦ୍ୱାର ଓ ଶ୍ରୀମନ୍ଦିର ଚାରିପାଖକୁ ସବୁଜିମାରେ ଭର୍ତ୍ତି କରାଯିବା ସହ ଆକର୍ଷଣୀୟ ଗଛ ଲଗାଯାଇଛି ।
