ଆଜି କିଟ୍କୁ ଆସୁଛନ୍ତି ଜଣାଶୁଣା ସାହିତ୍ୟିକ ଅନୀଲ ସ୍ୱରୂପ, ଆଲୋଚନାଚକ୍ରରେ କରିବେ ଅଂଶଗ୍ରହଣ
ଭୁବନେଶ୍ୱର: ଆଜି କିଟ୍ ସ୍କୁଲ ଅଫ୍ ମ୍ୟାନେଜମେଣ୍ଟକୁ ଆସୁଛନ୍ତି ପୂର୍ବତନ ସଚିବ ତଥା ବିଶିଷ୍ଟ ସାହିତ୍ୟିକ ଅନୀଲ ସ୍ୱରୂପ। ଶନିବାର ଅପରାହ୍ନରେ ତାଙ୍କୁ କିଟ୍ ସ୍କୁଲ ଅଫ୍ ମ୍ୟାନେଜମେଣ୍ଟର କୁଳପତି ସ୍ୱାଗତ କରିବେ। ପରେ ଉଭୟ କୁଳପତି ଓ ଅନୀଲ ସ୍ୱରୂପ କ୍ୟାମ୍ପସ ୭ରେ ସଭାସ୍ଥଳକୁ ଯିବେ। ସେଠାରେ ଶ୍ରୀ ସ୍ୱରୂପ ପ୍ରଦୀପ ପ୍ରଜ୍ୱଳନ ପୂର୍ବକ ସଭା କାର୍ଯ୍ୟ ଆରମ୍ଭ କରିବେ। ଏହି ସଭାରେ ଦେବରାଜ ପ୍ରଧାନ ଓ ଏସ୍ଏନ୍ ମିଶ୍ର ଯୋଗ ଦେବା କାର୍ଯ୍ୟକ୍ରମ ରହିଛି। କିଟ୍ ସ୍କୁଲରେ ଆୟୋଜିତ ହେଉଥିବା ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଅତିଥି ଭାବେ ଯୋଗ ଦେଉଛନ୍ତି ସାହିତ୍ୟିକ ଅନୀଲ।
Eagerly look forward to this conversation with a dear friend and batchmate @pradhan_debraj at Bhubaneshwar on 6th of August at the School of Management, KIIT pic.twitter.com/4ckHlN1vWO
— Anil Swarup (@swarup58) July 28, 2022
ପ୍ରକାଶ ଯେ ଅନୀଲ ସ୍ୱରୂପ ହେଉଛନ୍ତି ଜଣେ ଜଣାଶୁଣା ସାହିତ୍ୟିକ। ସେ ସିଭିଲ ସର୍ଭାଣ୍ଟଙ୍କ ଉପରେ ଏକାଧିକ ପୁସ୍ତକ ରଚନା କରି ଲୋକପ୍ରିୟତା ହାସଲ କରିଛନ୍ତି। ତାଙ୍କ ଲିଖିତ ପୁସ୍ତକ ମଧ୍ୟରେ ନୋ ମୋର୍ ଏ ସିଭିଲ ସର୍ଭାଣ୍ଟ, ନଟ୍ ଜଷ୍ଟ ଏ ସିଭିଲ ସର୍ଭାଣ୍ଟ, ଏଥିକାଲ ଡାଲିମାସ୍ ଅଫ୍ ଏ ସିଭିଲ ସର୍ଭାଣ୍ଟ ଆଦି ପ୍ରମୁଖ।
