ସନ୍ତୋଷଙ୍କ ଆତ୍ମହତ୍ୟା ପରେ ମିଳିଲା ସୁଇସାଇଡ୍ ନୋଟ୍: ବାପା, ମାଆ, ଭଉଣୀ ଓ ରଶ୍ମିଙ୍କୁ ଭଲ ପାଇବା କଥା ଲେଖିଛନ୍ତି
ରାଉରକେଲା(କେନ୍ୟୁଜ୍): ସନ୍ତୋଷଙ୍କ ଆତ୍ମହତ୍ୟା ପରେ ମିଳିଲା ସୁଇସାଇଡ୍ ନୋଟ୍ । ଚିଠିରେ ଲେଖିଛନ୍ତି, ତାଙ୍କ ମୃତ୍ୟୁ ପାଇଁ କେହି ଦାୟୀ ନୁହଁନ୍ତି । ନିଜ ଇଚ୍ଛା ଓ ସୁସ୍ଥ ମାନସିକତାରେ ଆତ୍ମହତ୍ୟା କରିଛନ୍ତି । କାହା ଚାପରେ ନୁହେଁ । ଏହାସହ ଚିଠିରେ ତାଙ୍କ ବାପା, ମାଆ, ଭଉଣୀ ଓ ରଶ୍ମିଙ୍କୁ ଭଲ ପାଇବା କଥା ମଧ୍ୟ କହିଛନ୍ତି ।
ତେବେ କଣ ପାଇଁ ଆତ୍ମହତ୍ୟା କଲେ ସନ୍ତୋଷ ? ରଶ୍ମୀରେଖାଙ୍କ ଆତ୍ମହତ୍ୟା ପରେ ଦୁଃଖରେ ଭାଙ୍ଗିପଡିିଥିଲେ କି ସନ୍ତୋଷ? ଜୀବନ ପ୍ରତି ବିତୃଷ୍ଣା ଭାବ ଆସିଥିଲା କି ? ପୋଲିସର କାର୍ଯ୍ୟାନୁଷ୍ଠାନ ପରେ ଚାପରେ ଥିଲେ କି ? ଚାକିରୀ ଛାଡିବା ପରେ ମାନସିକ ଚାପରେ ଥିଲେ କି? ଏସବୁକୁ ନେଇ ଚର୍ଚ୍ଚା ଲାଗିରହିଛି ।
ରାଉରକେଲା ବାସନ୍ତୀ କଲୋନୀ ଘରୁ ଝୁଲନ୍ତା ଅବସ୍ଥାରେ ସନ୍ତୋଷଙ୍କ ମୃତଦେହ ଉଦ୍ଧାର ହୋଇଛି । ରଶ୍ମିରେଖାଙ୍କ ଆତ୍ମହତ୍ୟାର ୧୮ ଦିନ ପରେ ସନ୍ତୋଷ ବି ଆତ୍ମହତ୍ୟା କଲେ। ଉଦିତ ନଗର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ବ୍ୟବଛେଦ ପାଇଁ ପଠାଇଛି। ସାଇଣ୍ଟିଫିକ୍ ଟିମ୍ ଘଟଣାର ତଦନ୍ତ କରୁଛି।
