ମହାନତାର ମସିହା ସାଜିଲା ଟାଙ୍ଗୀ ପୋଲିସ: ଟ୍ରକରୁ ଖସି ପଡିଥିବା ୩ ଲକ୍ଷ ଟଙ୍କାର ଲୁଗା ଗଣ୍ଠିଲିକୁ ଡ୍ରାଇଭରକୁ କଲା ହସ୍ତାନ୍ତର
ଟାଙ୍ଗୀ(କେନ୍ୟୁଜ୍): ଖୋର୍ଦ୍ଧା ଜିଲ୍ଲା ଟାଙ୍ଗୀ ପୋଲିସ୍ ୧୬ ନମ୍ବର ଜାତୀୟ ରାଜପଥ ଉପରେ ଟ୍ରକରୁ ଖସି ପଡିଯାଇଥିବା ୩ ଲକ୍ଷ ଟଙ୍କାରୁ ଅଧିକ ଟଙ୍କାର ଲୁଗା ପଟା ସାମଗ୍ରୀ ସୁରକ୍ଷିତ ଭାବେ ଉଦ୍ଧାର କରି ହସ୍ତାନ୍ତର କରିଛି ଟ୍ରକ୍ ଚାଳକଙ୍କୁ। ଏ ନେଇ ଟ୍ରକ୍ ଚାଳକ ଟାଙ୍ଗୀ ପୋଲିସକୁ ଜଣାଇଛି ଧନ୍ୟବାଦ। ରଣପୁର ଅଂଚଳର ଜଣେ ଡ୍ରାଇଭର ଆଇଚର ଟ୍ରକରେ ମାଲ ଲୋଡ୍ କରି ଆନ୍ଧ୍ରପ୍ରଦେଶ ଇଛାପୁରରୁ ଭୁବନେଶ୍ୱର ଯାଉଥିଲେ । ଖୋରଧା ଜିଲ୍ଲା ଟାଙ୍ଗୀ ଥାନା ଜୟ ମଙ୍ଗଳପୁର ଛକ ନିକଟରେ ଟ୍ରକରୁ ୩ଟି ଲୁଗା ଗାଣ୍ଠିଲି ଖସି ପଡିଥିଲା । ଟ୍ରକରୁ ଲୁଗା ପଟା ଖସିବା ପରେ ପଛରେ ଆସୁଥିବା ଅନ୍ୟ ଗାଡି ଚାଳକ ମାନେ ଗାଡି ଡ୍ରାଇଭରକୁ ସୂଚନା ଦେଇଥିଲେ ।
ଏହାପରେ ଡ୍ରାଇଭର ଚିଲିକା ଡ୍ରାଇଭର ମହାସଂଘକୁ ଯୋଗାଯୋଗ କରିଥିଲେ । ମହାସଂଘ ଟାଙ୍ଗୀ ପୋଲିସକୁ ଜଣାଇବା ପରେ ପୋଲିସ ସମସ୍ତ ଲୁଗା ଗାଣ୍ଠିଲିକୁ ଉଦ୍ଧାର କରିଥିଲା ।ଏହାପରେ ସମସ୍ତ ସାମଗ୍ରୀ ଗାଡି ଡ୍ରାଇଭରକୁ ଟାଙ୍ଗି ଥାନା ଅଧିକାରୀ ବିଜୟ ମଲ୍ଲିକ ହସ୍ତାନ୍ତର କରିଥିଲେ । ପୋଲିସର ତୁରନ୍ତ ହସ୍ତକ୍ଷେପକୁ ଓଡ଼ିଶା ଡ୍ରାଇଭର ମହାସଂଘ ଧନ୍ୟବାଦ ଜଣାଇଛି।
