ଭୁବନେଶ୍ବର: ଆଜି କାର୍ତ୍ତିକ ମାସର ପ୍ରଥମ ସୋମବାର । ଚଳିତ ବର୍ଷ କରୋନା ଯୋଗୁ ଭକ୍ତଙ୍କ ପାଇଁ ବନ୍ଦ ରାଜ୍ୟର ସମସ୍ତ ଶୈବ ପୀଠ । ଭକ୍ତ ଓ ଭଗବାନଙ୍କ ମଧ୍ୟରେ ମହାମାରୀ ଲକ୍ଷ୍ମଣରେଖା ଟାଣିଛି । ମହାଦେବଙ୍କ ଦର୍ଶନରୁୁ ବଞ୍ଚିତ ହୋଇଛନ୍ତି ଶ୍ରଦ୍ଧାଳୁ । କେତେକ ସ୍ଥାନରେ ମନ୍ଦିର ଆଗରେ ଦୀପ ଜାଳି ମହାଦେବଙ୍କ ଆଶୀର୍ବାଦ ଭିକ୍ଷା କରୁଛନ୍ତି ଭକ୍ତ ।
ପ୍ରତିବର୍ଷ କାର୍ତ୍ତିକ ମାସ ପ୍ରଥମ ସୋମବାରରେ ଶୈବପୀଠରେ ଭକ୍ତଙ୍କ ଗହଳି ଲାଗେ । ବିଶ୍ୱାସ ରହିଛି, ଏହି ମାସରେ କାର୍ତ୍ତିକ ବ୍ରତ ରଖିଲେ ମନସ୍କାମନା ପୂରଣ କରି ଥାଆନ୍ତି ମହାଦେବ । ଆଜିଠାରୁ କାର୍ତ୍ତିକ ବ୍ରତ ରଖିବା ସହ ପଞ୍ଚୁକ ବଡ଼ଓଷା ପାଳନ କରି ଥାଆନ୍ତି ଶ୍ରଦ୍ଧାଳୁ ।