ଗାଧୋଇବାକୁ ଯାଇଥିବା ସମୟରେ ପୋଖରୀରେ ବୁଡି ୨ ଯୁବକ ମୃତ
ଗଜପତି(କେନ୍ଯୁଜ୍): ପୋଖରୀରେ ବୁଡି ଦୁଇ ଯୁବକ ମୃତ। ଏଭଳି ଏକ ଅଘଟଣ ଘଟିଛି ଗଜପତି ଗାରବନ୍ଧ ଥାନା ଅନ୍ତର୍ଗତ ଗାରବନ୍ଧ ଗ୍ରାମରେ । ମୃତ ଯୁବକ ଦୁଇ ଜଣ ହେଉଛନ୍ତି ଏ.ସନ୍ତୋଷ(୨୪), ଜେ.ସାଇ (୨୮) । ଉଭୟ ଆନ୍ଧ୍ରପ୍ରଦେଶର ଶ୍ରୀକାକୁଲମ ଜିଲ୍ଲାର।
ସୂଚନା ମୁତାବକ, ଗାରବନ୍ଧ ଗ୍ରାମରେ ଘରୋଇ ପର୍ବ ପାଇଁ ଆସିଥିଲେ ସାଇ ଓ ସନ୍ତୋଷ। ତେବେ ଆଜି ପୋଖରୀକୁ ଗାଧୋଇବାକୁ ଯାଇଥିବା ସମୟରେ ହଠାତ୍ ଉଭୟ ବୁଡି ଯାଇଥିବା ସୂଚନା ମିଳିଛି। ଘଟଣାସ୍ଥଳରେ ପୋଲିସ୍ ପହଁଚି ତଦନ୍ତ ଆରମ୍ଭ କରିଛି।
