ଆଳି : କୋଭିଡ ନିୟମ ନମାନି ବିବାହ ଆୟୋଜନ ପଡ଼ିଲା ମହଙ୍ଗା, ୭ ଗିରଫ
ଆଳି : କେନ୍ଦ୍ରାପଡ଼ା ଆଳିରେ କରୋନା ନିୟମ ଉଲଂଘନ କରି ବିବାହ ଆୟୋଜନ ପଡ଼ିଲା ମହଙ୍ଗା। ସାତ ଜଣଙ୍କୁ ଗିରଫ କରିଛି ପୋଲିସ । ଟ୍ଵିଟ୍ କରି ଏହି ସୂଚନା ଦେଇଛନ୍ତି କେନ୍ଦ୍ରାପଡ଼ା ଜିଲ୍ଲାପାଳ । ସେମାନଙ୍କ ବିରୋଧରେ କୋଭିଡ୍ ନିୟମ ଉଲ୍ଲଂଘନ ଓ ଲୋକଙ୍କୁ ଏକାଠି କରିବା ନେଇ ଅଭିଯୋଗ ହୋଇଛି । ମିଳଥିବା ସୂଚନା ଅନୁଯାୟୀ କେନ୍ଦ୍ରାପଡ଼ା ଜିଲ୍ଲା ଜୁଆଣିଆ ପଞ୍ଚାୟତରେ ଜଣେ କଣ୍ଟ୍ରାକ୍ଟରଙ୍କ ବିବାହ ଉତ୍ସବରେ ଏକାଠି ହୋଇଥିଲେ ପାଖାପାଖି ପାଞ୍ଚ ଶହରୁ ଅଧିକ ଲୋକ ।
contd..
Total five persons have been arrested in these cases including bride groom and forwarded to court. Everyone is requested to abide by rules and not to organize any program without approval from police. pic.twitter.com/CIODODNvEi
— SP kendrapara (@spkendrapara) July 13, 2020
ଡିଜେ, ବ୍ୟାଣ୍ଡ ଓ ବାଜାରେ ଯାଇଥିଲା ବରଯାତ୍ରୀ । ଲୋକଙ୍କ ମଧ୍ୟରେ ନଥିଲା ସାମାଜିକ ଦୂରତା । ୧୫ ଦିନ ତଳେ ଏହି କଣ୍ଟ୍ରାକ୍ଟରଙ୍କ ବିବାହ ହୋଇଥିଲା । ତେବେ ସୋସିଆଲ ମିଡିଆରେ ଏହି ଭିଜୁଆଲ ଭାଇରାଲ ହେବାପରେ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯାଇଛି ।
