ମହିଳା କମିଶନଙ୍କ ଅଫିସରେ ସ୍ୱାମୀ ସ୍ତ୍ରୀ ମାଡ଼ପିଟ୍, ଛାଡ଼ପତ୍ରକୁ ନେଇ ମହାଭାରତ
କେନ୍ୟୁଜ୍(ବ୍ୟୁରୋ): ମହିଳା କମିଶନଙ୍କ ପାଖରେ ସ୍ୱାମୀ ସ୍ତ୍ରୀଙ୍କ ମାଡ଼ ପିଟ୍ । ଉଭୟଙ୍କ ସହମତିରେ ଛାଡପତ୍ର ନିଷ୍ପତ୍ତି ହେଇଥିଲା । ଆଜି ମହିଳା କମିଶନଙ୍କ ଆଗରେ ଛାଡ଼ପତ୍ର ଶୁଣାଣୀର ତାରିଖ ଥିଲା । ହେଲେ ମହିଳା କମିଶନଙ୍କ ଆଗରେ ଦେଖିବାକୁ ମିଳିଥିଲା ସ୍ବାମୀ ଓ ସ୍ତ୍ରୀ ଦୁଇଜଣ ମାଡ଼ପିଟ ହୋଇଥିଲା । ସ୍ବାମୀକୁ କମିଶନଙ୍କ ଅଫିସରେ ନିର୍ଧୁମ ଛେଚିଥିଲେ ସ୍ତ୍ରୀ ।
ମିଳିଥିବା ସୂଚନା ମୁତାବକ ୨୦୧୬ ଏପ୍ରିଲ୍ ୨୪ ତାରିଖରେ ଭଦ୍ରକ ଜିଲ୍ଲାର ସୁରେଶ୍ ବଳଙ୍କ ସହ ସେହି ଭଦ୍ରକର ଶ୍ରଦ୍ଧାଞ୍ଜଳି ବଳଙ୍କ ବାହାଘର ହେଇଥିଲା । କିନ୍ତୁ ବାହାଘର ପରେ ସୁରେଶଙ୍କ ଭିଣୋଇ ଶ୍ରଦ୍ଧାଞ୍ଜଳିଙ୍କ ଉପରେ ଖରାପ୍ ନଜରରେ ଦେଖୁଥିବା ଶ୍ରଦ୍ଧାଞ୍ଜଳି ଅଭିଯୋଗ କରିଥିଲେ । ଯାହାକୁ ସମର୍ଥନ କରୁଥିଲେ ଶ୍ରଦ୍ଧାଙ୍କ ସ୍ବାମୀ ସୁରେଶ । ଯାହାକୁ ନେଇ ସମ୍ପର୍କରେ ତିତ୍କତା ହୋଇଥିଲା। ଉଭୟ ଛାଡ଼ପାତ୍ର ପାଇଁ ଅପିଲ କରିଥିଲେ। କିନ୍ତୁ କୋର୍ଟରେ ଉଭୟଙ୍କୁ ଆପୋଷ ବୁଝାମଣା ପାଇଁ ପରାମର୍ଶ ଦେଇଥିଲେ। କିନ୍ତୁ ଏଥିରେ କୋଣସି ସମାଧାନ ନହେବାରୁ ଶ୍ରଦ୍ଧାଞ୍ଜଳି ମହିଳା କମିଶନଙ୍କ ଦ୍ବାରସ୍ଥ ହୋଇଥିଲେ ଓ ଛାଡ଼ପତ୍ର ପାଇଁ ଅପିଲ କରିଥିଲେ। ଆଜି ତାହାର ଶୁଣାଣି ବେଳେ ଉଭୟଙ୍କ ମଧ୍ୟରେ କଥାକଟାକଟି ହୋଇ ମାଡ଼ିପିଟ ହୋଇଥିବାର ଦେଖିବାକୁ ମିଳିଥିଲା।
