କୋରାପୁଟ: ନିଶାଶକ୍ତ ଅବସ୍ଥାରେ ସ୍ତ୍ରୀର ଗଳାକାଟି ବୀଭତ୍ସ ହତ୍ୟା କଲା ସ୍ବାମୀ
କୋରାପୁଟ: କୋରାପୁଟରେ ବୀଭତ୍ସ ହତ୍ୟା। ସ୍ତ୍ରୀର ଗଳାକାଟି ଦେଲା ମଦ୍ୟପ ସ୍ୱାମୀ। କୋରାପୁଟ ସଦର ଥାନା ଧୌଡାପଦର ଗାଁରେ ଘଟିଛି ଏହି ବୀଭତ୍ସ ହତ୍ୟା।
ମୃତ ମହିଳା ପାର୍ବତୀ କମାର। ଘଟଣାରେ ପୋଲିସ ସ୍ୱାମୀ କାର୍ତ୍ତିକ ଟାକିରିକୁ ଗିରଫ କରିଛି । ଅଭିଯୋଗ ଅନୁଯାୟୀ କାର୍ତ୍ତିକଙ୍କ ଏକ ଚିକେନ୍ ଦୋକାନ ରହିଛି। ଗତକାଲି ସେ ନିଶାଶକ୍ତ ଅବସ୍ଥାରେ ଘରକୁ ଫେରିବା ପରେ ପତ୍ନୀ ପାର୍ବତୀଙ୍କ ସହ ଝଗଡ଼ା ହୋଇଥିଲା। କାର୍ତ୍ତିକ ଉତ୍କ୍ଷିପ୍ତ ହୋଇ ଚିକେନ୍ କଟା ଛୁରୀରେ ପାର୍ବତୀଙ୍କ ମୁଣ୍ଡକୁ ଶରୀରୁ ଅଲଗା କରିଦେଇଥିଲେ।
