ବରଗଡ(କେନ୍ୟୁଜ୍): ଆଜିଠୁ କଂସ ରାଜୁତି । ବିଶ୍ୱପ୍ରସିଦ୍ଧ ଧନୁଯାତ୍ରାରେ ଦୁଲୁକିବ ବିଶ୍ୱର ସର୍ବବୃହତ ରଙ୍ଗମଞ୍ଚ । ପ୍ରବଳପ୍ରତାପୀ କଂସଙ୍କ ପ୍ରକୋପରେ ଥରହର ମଥୁରାନଗରୀ ପାଲଟିଥିବା ବରଗଡ ସହର । ୧୧ଦିନ ଧରି ମଥୁରାଧିପତି ମହାରାଜ କଂସଙ୍କ ରାଜୁତି ଚାଲିବ ।
ଅନ୍ୟପଟେ କୃଷ୍ଣଙ୍କ ପ୍ରେମରେ ବିମୋହିତ ହେବ ଅମ୍ବାପାଲି ସାଜିଥିବା ଗୋପପୁର। ସହରର ଚତୁର୍ଦ୍ଦିଗ ଆଲୋକମାଳାରେ ଝଲସୁଛି । ଧନୁଯାତ୍ରା ପାଇଁ ସହରର ବିଭିନ୍ନ କାନ୍ଥରେ କରାଯାଇଛି ଆକର୍ଷଣୀୟ ଚିତ୍ର । ଦୁଇବର୍ଷ ପରେ ବିନା କଟକଣାରେ ଧନୁଯାତ୍ରା ହେଉଥିବାରୁ ସହରବାସୀଙ୍କ ମଧ୍ୟରେ ଉତ୍ସାହ ଦେଖାଦେଇଛି।
ନବବଧୂ ପରି ସଜେଇ ହୋଇଛି ମଥୁରା ପାଲଟିଥିବା ବରଗଡ଼ ସହର । ଏବର୍ଷ ଧନୁଯାତ୍ରା ମହୋତ୍ସବକୁ ହୀରକ ଜୟନ୍ତୀ ଭାବେ ପାଳନ କରାଯାଉଛି। ସହରର ବିଭିନ୍ନ ସ୍ଥାନରେ ମେଳା ଲାଗିବା ସହ ଯାତ୍ରାକୁ ଶାନ୍ତି ଶୃଙ୍ଖଳାର ସହ ସାରିବାକୁ ପ୍ରସ୍ତୁତି ଜୋରଦାର ଚାଲିଛି। ଏବର୍ଷ ଧନୁଯାତ୍ରାରେ ମୁଖ୍ୟ ଆକର୍ଷଣ ହେବ ଲେଜର ଲାଇଟ।