ଆସନ୍ତା କାଲି ହେବାକୁ ଯାଉଛି iPhone 11 ସିରିଜର ଲଂଞ୍ଚିଙ୍ଗ ଇଭେଣ୍ଟ, ଜାଣନ୍ତୁ କଣ ରହିଛି ଫିଚର୍ସ ଓ ଏପରି ଦେଖନ୍ତୁ ଲାଇଭ ଇଭେଣ୍ଟ
ଦୁନିଆର ପ୍ରମୁଖ ଟେକ କମ୍ପାନୀ ଆପଲ(Apple) ସେପ୍ଟେମ୍ବର ୧୦ ତାରିଖରେ ଆଇଫୋନ 11 (Apple Iphone 11)ଲଞ୍ଚ କରିବାକୁ ଯାଉଛି । Apple Iphone 11ର ଲଂଚିଙ୍ଗ ସ୍ଟିବ ଜବ୍ସ ଥିଏଟରରେ କରାଯିବ । ଲଂଚିଙ୍ଗ ଇଭେଣ୍ଟକୁ ଆପଣ ଏହାର ଅଫିସିଆଲ ୟୁଟୁବ ଚ୍ୟାନେଲରେ ମଧ୍ୟ ଦେଖିପାରିବେ ।
ସୂଚନା ଅନୁଯାୟୀ ସେପ୍ଟେମ୍ବର ୧୦ରେ ହେବାକୁ ଥିବା ଇଭେଣ୍ଟରେ ଆଇଫୋନ 11 ସିରିଜର ତିନୋଟି ଆଇଫୋନ ଲଞ୍ଚ ହେବାର ସମ୍ଭାବନା ରହିଛି । ସେଗୁଡିକ ହେଲା Iphone 11 Max Pro, Iphone 11 R ଏବଂ Iphone 11 । ଏହା ପୂର୍ବରୁ କମ୍ପାନୀ ଆଇଫୋନ XR, ଆଇଫୋନ XS ଓ ଆଇଫୋନ XS ମ୍ୟାକ୍ସକୁ ଲାଞ୍ଚ କରିଥିଲା ।
Iphone 11 ସିରିଜରେ ରହିବ ଏହି ଖାସ କ୍ୟାମେରା
ଦୀର୍ଘ ସମୟ ପରେ ଆପଲ ନିଜର ଆଇଫୋନରେ ଏକ ବଡ଼ ଧରଣର ପରିବର୍ତ୍ତନ ଆଣିଛି । ଏଥର କମ୍ପାନୀ ଆଇଫୋନ 11ରେ ଚାରିକୋଣିଆ ସେପର ରିୟର କ୍ୟାମେରା ଦେଇଛି ଯେଉଁଥିରେ ଟ୍ରିପଲ କିମ୍ବା ଡୁଆଲ କ୍ୟାମେରା ସେଟଅପ ହୋଇପାରିବ । ଆପଲ ଆଇଫୋନ 11ରେ ଓଏଲଇଡ଼ି କିମ୍ବା ଏଲସିଡ଼ି ଡ଼ିସପ୍ଲେ ଉପଲବ୍ଧ ରହିବ । ଏହାସହିତ ବଢିଆ ପର୍ଫରମାନ୍ସ ପାଇଁଜ A13 ପ୍ରୋସେସର ମିଳିପାରେ । ଏହା ବ୍ୟତୀତ ଲୋକ ମାନଙ୍କୁ ନୂଆ ଆଇଫୋନରେ ଲାଟେଷ୍ଟ ସିକ୍ୟୁରିଟି ଫିଚର୍ସ ମଧ୍ୟ ମିଳିବ ।
ରିଭର୍ସ ଚାର୍ଜିଙ୍ଗ
ଆପଲ ଆଇଫୋନ 11ରେ ସାମସଙ୍ଗ ଭଳି ରିଭର୍ସ ଚାରଜିଙ୍ଗ ଫିଚର ମଧ୍ୟ ମିଳିବ । ଏହି ଫିଚର ଦ୍ୱାରା ଆଇଫୋନ ୟୁଜର ମାନେ ଅନ୍ୟ ଫୋନ ଏବଂ ଇଅରପଡ଼ ଭଳି ଗ୍ୟାଜେଟ ମଧ୍ୟ ଚାର୍ଜ କରିପାରିବେ । କମ୍ପାନୀ ଆପଲ ଆଇଫୋନ 11ରେ 5G କନେକ୍ଟିଭିଟି ଦେବ ନାହିଁ ବୋଲି ଅନେକ ରିପୋର୍ଟରେ ଦାବି କରାଯାଇଛି ।
3D ଟଚ ଫିଚର
ଆପଲ ଆଇଫୋନ 11 ସିରିଜରେ ଆଇଫୋନ 10 ଭଳି 3D ଟଚ ଫିଚର ମିଳିବ ନାହିଁ । ଏକ ରିପୋର୍ଟ ଅନୁଯାୟୀ ଆପଲ ପୂର୍ବରୁ ଲଞ୍ଚ ହୋଇଥିବା ଆଇଫୋନ ଗୁଡିକରେ ପ୍ରେସର ସେନସିଟିଭ ଇଣ୍ଟରଫେସ ଦେଇଥିଲା କିନ୍ତୁ ବର୍ତ୍ତମାନ ସେ ଏହି ଫିଚରକୁ ବନ୍ଦ କରିବାକୁ ଯାଉଛି । ଏହା ସ୍ଥାନରେ ସେ ଇନ-ଡ଼ିସପ୍ଲେ ଫିଙ୍ଗରପ୍ରିଣ୍ଟ ସେନ୍ସର ଦେଇପାରେ ।
ଲଞ୍ଚ ଇଭେଣ୍ଟର ସମୟ ଏବଂ ସମ୍ଭାବିତ ଦର
ଏହାସହ ପଢନ୍ତୁ ସ୍ମାର୍ଟଫୋନ ପାଇଁ ମହିଳା ମାନଙ୍କ ବେକରେ ଦେଖାଦେଉଛି ଏହି ସମସ୍ୟା, ଗବେଷଣାରୁ ଜଣାପଡିଲା ଏପରି ଆଶ୍ଚର୍ଯ୍ୟକର ତଥ୍ୟ
ଆପଲ ଆଇଫୋନ 11 ସିରିଜର ପ୍ରାଥମିକ ଦର ୧,୦୧,୯୯୦ ଟଙ୍କା ରହିପାରେ । ଆଇଫୋନ11 ସିରିଜର ଲଂଚିଙ୍ଗ ଇଭେଣ୍ଟ ଭାରତୀୟ ସମୟାନୁସାରେ ରାତି ପ୍ରାୟ ୧୦.୩୦ ମିନିଟରେ ଆରମ୍ଭ ହେବ । ଯଦି ଆପଣ ମଧ୍ୟ ଆପଲର ଲାଇଭ ଇଭେଣ୍ଟ ଦେଖିବାକୁ ଚାଁହୁଛନ୍ତି ତାହେଲେ ଏହାକୁ ଅଫିସିଆଲ ୱେବସାଇଟ ଏବଂ ୟୁଟୁବ ଚ୍ୟାନେଲରେ ମଧ୍ୟ ଦେଖିପାରିବେ । ଏଥିପାଇଁ ଆପଣଙ୍କୁ କୌଣସି ଚାର୍ଜ ଦେବାକୁ ପଡିବ ନାହିଁ ।