ମେଟା ଫେସବୁକ୍ ପ୍ଲାଟଫର୍ମ ଦ୍ୱାରା ଏକ ନୂଆ ସିକ୍ୟୁରିଟି ଫିଚରକୁ ରୋଲଆଉଟ କରିଛି । ଯାହା ଫେସବୁକ୍ ପ୍ରୋଟେକ୍ଟ ଭାବରେ ଜଣାଶୁଣା। ଫେସବୁକ କହିଛି ଯେ ଏହା ଏକ ସିକ୍ୟୁରିଟି ପ୍ରୋଗ୍ରାମ । ଯାହା ୟୁଜର୍ସଙ୍କ ଫେସବୁକ ଆକାଉଣ୍ଟକୁ ସୁରକ୍ଷିତ ରଖିବାରେ ସାହାଯ୍ୟ କରିଥାଏ। ଏହି ଫିଚର ସେହି ଲୋକଙ୍କ ପାଇଁ ସ୍ୱତନ୍ତ୍ର ଭାବରେ ରୋଲଆଉଟ ହୋଇଛି ଯେଉଁମାନଙ୍କୁ ହ୍ୟାକର୍ସ ମାନେ ଟାର୍ଗେଟ୍ କରିଥାନ୍ତି। ଏଥିମଧ୍ୟରେ ସାମ୍ବାଦିକ, ସରକାରୀ କର୍ମଚାରୀ ଏବଂ ମାନବାଧିକାର କର୍ମୀ ପରି ଲୋକ ଅନ୍ତର୍ଭୁକ୍ତ।
ଗତ ବର୍ଷ ସେପ୍ଟେମ୍ବରରେ, ଫେସବୁକ୍ ଏହାକୁ ଟେଷ୍ଟଟିଙ୍ଗ ଫେଜରୁ ବାହାର କରି ଫେସବୁକ୍ ପ୍ରୋଟେକ୍ଟ ଫିଚରକୁ ସର୍ବଭାରତୀୟ ସ୍ତରରେ ରୋଲଆଉଟ କରିଥିଲା। ନୂତନ ଫେସବୁକ୍ ପ୍ରୋଟେକ୍ଟ ଫିଚର ବିଶେଷ କରି ସେହି ଆକାଉଣ୍ଟକୁ ବନ୍ଦ କରୁଛି ଯେଉଁମାନେ ଫେସବୁକ୍ ପ୍ରୋଟେକ୍ଟ ଚାଲୁ କରିନାହାନ୍ତି। କିଛି ଦିନ ପୂର୍ବରୁ କମ୍ପାନୀ ଫେସବୁକ୍ ପ୍ରୋଟେକ୍ଟ ଅନ୍ କରିବାକୁ କିଛି ଉପଭୋକ୍ତାଙ୍କୁ ମେଲ୍ ପଠାଇଥିଲା। କିନ୍ତୁ ଅଧିକାଂଶ ଉପଭୋକ୍ତା ଏହି ମେଲକୁ ଅଣଦେଖା କରି ଫେସବୁକ୍ ପ୍ରୋଟେକ୍ଟକୁ ଚାଲୁ କରିନଥିଲେ। ଏହିପରି ବ୍ୟବହାରକାରୀଙ୍କ ଫେସବୁକ୍ ଆକାଉଣ୍ଟ ବନ୍ଦ କରିଦିଆଯାଇଛି । ରିପୋର୍ଟ ଅନୁଯାୟୀ ଉପଭୋକ୍ତାମାନେ ଫେସବୁକ୍ ଆକାଉଣ୍ଟକୁ ସେହି ସ୍ଥିତିରେ ଚାଲୁ କରିପାରିବେ ଯେତେବେଳେ ଫେସବୁକ୍ ପ୍ରୋଟେକ୍ଟ ଫିଚର ଟର୍ନ୍ କରିବେ।
କେମିତି ଚାଲୁ କରିବେ Facebook Protect
ଯଦି ଆପଣ ଫେସବୁକ୍ ପ୍ରୋଟେକ୍ଟ ଟର୍ନ୍ ଅନ୍ କରିନାହାଁନ୍ତି, ତେବେ ଆପଣ କିଛି ପଦକ୍ଷେପ ଅନୁସରଣ କରି ଏହାକୁ ଆକ୍ଟିଭ କରିପାରିବେ।
ୟୁଜର୍ସମାନଙ୍କୁ ପ୍ରଥମେ ଫେସବୁକ୍ ଆକାଉଣ୍ଟ୍ ସେଟିଂକୁ ଯିବାକୁ ପଡିବ।
ଯେଉଁଠାରେ ଆପଣ Security and Loginର ବିକଳ୍ପ ପାଇବେ ।
ଏହା ଉପରେ ଟ୍ୟାପ୍ କରିବା ପରେ, ଆପଣ ଲିଷ୍ଟରେ Facebook Protect ପାଇବେ।
ଏହା ଉପରେ କ୍ଲିକ୍ କରି, ଆପଣ ସ୍କ୍ରିନରେ ଥିବା ଷ୍ଟେପଗୁଡିକ ଅନୁସରଣ କରି ଏହାକୁ ଅନ୍ କରିପାରିବେ।
ଏହିପରି, ଆପଣଙ୍କର ଫେସବୁକ୍ ପ୍ରୋଟେକ୍ଟ ଫିଚର ଅନ୍ ହେବ ।
ତେବେ ଫେସବୁକ ଆକାଉଣ୍ଟ ବ୍ୟବହାର କରିବାରେ କୌଣସି ଅସୁବିଧା ହେବ ନାହିଁ ।