ଖୁବଶୀଘ୍ର ଭାରତରେ ଲଞ୍ଚ ହେବ Vivo V29 ଏବଂ V29 Pro, ରହିଛି ଭଲ ବ୍ୟାଟେରୀ ଓ ଫିଚର
ଖୁବଶୀଘ୍ର Vivo V29 5G ଏବଂ V29 Pro 5G ଭାରତରେ ଲଞ୍ଚ ହେବ ବୋଲି ଆଶା କରାଯାଉଛି । ଏହା ସହିତ ଫୋନର ମୂଲ୍ୟ ମଧ୍ୟ ଜଣା ପଡ଼ିଛି । ଏନେଇ ଏକ ନୂଆ ରିପୋର୍ଟ ସାମ୍ନାକୁ ଆସିଛି ।
Vivo V29 5G ଏବଂ V29 Pro 5G ଲଞ୍ଚ ହେବା ନେଇ ଗତ କିଛି ଦିନ ଧରି ଚର୍ଚ୍ଚା ଲାଗି ରହିଛି । ତେବେ ଏହି ସ୍ମାଟଫୋନର ଫିଚର ସାମ୍ନାକୁ ଆସିଛି । ଖୁବଶୀଘ୍ର Vivo V29 5G ଏବଂ V29 Pro 5G ଭାରତରେ ଲଞ୍ଚ ହେବ ବୋଲି ଆଶା କରାଯାଉଛି । ଏହା ସହିତ ଫୋନର ମୂଲ୍ୟ ମଧ୍ୟ ଜଣା ପଡ଼ିଛି । ଏନେଇ ଏକ ନୂଆ ରିପୋର୍ଟ ସାମ୍ନାକୁ ଆସିଛି । ଏଥିରେ ଅପକମିଂ ସ୍ମାର୍ଟଫୋନର ଡିଟେଲ୍ସ ମିଳିଛି । ଏହା ପୂର୍ବରୁ Vivo ଭାରତୀୟ ବଜାରରେ Vivo V29e ସ୍ମାର୍ଟଫୋନ ଲଞ୍ଚ କରିଥିଲା । ଏହି ମୋବାଇଲର ଡିଜାଇନ୍ ଦମଦାର ଥିଲା । ତେବେ ଆସନ୍ତୁ ଜାଣିବା Vivo V29 5G ଏବଂ V29 Pro 5G ଭାରତରେ କେବେ ଲଞ୍ଚ ହେବ ।
91 ମୋବାଇଲ ରିପୋର୍ଟ ଅନୁସାରେ Vivo V29 5G ଏବଂ V29 Pro 5G କୁ ଚଳିତ ମାସ ଶେଷ ସୁଦ୍ଧା ଭାରତରେ ଲଞ୍ଚ କରାଯିବ । ଏବଂ ଗ୍ରାହକଙ୍କ ପାଇଁ ଏହା ଆକର୍ଷଣୀୟ କଲର ଅପ୍ସନରେ ଆସିବ ବୋଲି ଆଶା କରାଯାଉଛି । ତେବେ Vivo ତରଫରୁ Vivo V29 ସିରିଜର ଲଞ୍ଚିଂକୁ ନେଇ କୌଣସି ସୂଚନା ଦିଆଯାଇ ନାହିଁ ।
Vivo V29 5Gରେ ମିଳିବ ଏହି ଫିଚର :
Vivo V29ରେ 1.5K ରିଜୋଲ୍ୟୁସନ ସହିତ ଏକ AMOLED ଡିସପ୍ଲେ ରହିବ । ଏହାର ରିଫ୍ରେସ ରେଟ 120Hz ରହିବ । ଏହି ଫୋନରେ ସ୍ନାପଡ୍ରାଗନ୍ 778G ଚିପସେଟ, 12GB RAM ଏବଂ 256 GB ଷ୍ଟୋରେଜ୍ ମିଳିବ ବୋଲି ଆଶା କରାଯାଉଛି । ଏହା ବ୍ୟତୀତ ହ୍ୟାଣ୍ଡସେଟରେ 50MPର ଟ୍ରିପଲ ରିୟର କ୍ୟାମେରା ସେଟଅପ୍ ମିଳିବାର ଆଶା କରାଯାଉଛି । ଏହି ମୋବାଇଲର ବ୍ୟାଟେରୀ 4,600mAh ରହିବ ଏବଂ ଏହା ଆଣ୍ଡ୍ରଏଡ୍ 13 ବେସଡ୍ FunTouch OS 13 ରେ କାମ କରିବ ।
ସେହିପରି ଭିଭୋ V29 Pro 5G ସ୍ମାର୍ଟଫୋନରେ 6.78 ଇଞ୍ଚର କର୍ଭଡ AMOLED ଡିସପ୍ଲେ ଦିଆଯିବ ବୋଲି କୁହାଯାଉଛି । ଏହାର ରିଜୋଲ୍ୟୁସନ 2800 x 1260 ପିକ୍ସେଲର ରହିବ । ଫଟୋଗ୍ରାଫି ପାଇଁ OIS ସପୋର୍ଟ କରୁଥିବା 50MP କ୍ୟାମେରା ମିଳି ପାରିବ । କିନ୍ତୁ ଫ୍ରଣ୍ଟ କ୍ୟାମେରାର ସୂଚନା ମିଳିନାହିଁ ।
ବ୍ୟାଟେରୀ ଡିଟେଲ୍ସ :
Vivo V29 Pro ସ୍ମାର୍ଟଫୋନରେ 4,600mAh ବ୍ୟାଟେରୀ ଦିଆଯାଇପାରିବ, ଯାହା 80Wର ଫାଷ୍ଟ ଚାର୍ଜିଂକୁ ସପୋର୍ଟ କରିବ । ଏହା ବ୍ୟତୀତ ଫୋନରେ ୱାଇ-ଫାଇ, ଜିପିଏସ୍, ବ୍ଲୁଟୁଥ୍ ଏବଂ USB ଟାଇପ୍-ସି ପୋର୍ଟ ଭଳି ଫିଚର ରହିବ ।
ନିକଟରେ ଆସିଥିବା ମିଡିଆ ରିପୋର୍ଟ ଅନୁଯାୟୀ, ଭିଭୋ V29 5Gର ମୂଲ୍ୟ ପ୍ରାୟ ୩୨,୦୦୦ ଟଙ୍କା ରଖାଯିବ ବୋଲି ଆଶା କରାଯାଉଛି । ଏଥି ସହିତ ଏହାର ପ୍ରୋ ଭାରିଆଣ୍ଟ V29 Pro 5G ର ମୂଲ୍ୟ 50 ହଜାରରୁ କମ୍ ହେବ ବୋଲି କୁହାଯାଉଛି ।
