ଏବେ Whatsapp ରେ କରିପାରିବେ ଶପିଂ, ଜାଣନ୍ତୁ କେମିତି କାମ କରିବ ଫିଚର୍ସ
WhatsApp ଗତ କିଛି ଦିନ ହେବ ଲଗାତାର ଗୋଟିଏ ପରେ ଗୋଟିଏ ଫିଚର ଆଣୁଛି। ଏବେ WhatsApp ଆପ୍ରେ ଶପିଂ ବଟନ୍ ଆଡ୍ କରୁଛି। କମ୍ପାନୀ କହିବା ଅନୁସାରେ ଏହି ଫିଚର ବ୍ୟବସାୟ ପାଇଁ ଲାଭଦାୟକ ରହିବ ଏବଂ ସେମାନେ ନିଜ ସେଲ୍ ବଢ଼ାଇ ପାରିବେ।
WhatsAppର ଏହି ନୂଆ ଫିଚର ଅନୁସାରେ ୟୁଜର୍ସଙ୍କୁ ବିଜନେସ୍ WhatsApp ଆକାଉଣ୍ଟସ୍ ପ୍ରୋଫାଇଲ୍ ପାଖରେ ଶପିଂ ବଟନ୍ ଦେଖାଯିବ। ଏହି ବଟନ୍ ଷ୍ଟୋର୍ ଆଇକନ୍ ଭଳି ଦେଖାଯିବ। ଏହା ନର୍ମାଲ୍ WhatsApp ଆକାଉଣ୍ଟ ୟୁଜର୍ସ ବିଜନେସ୍ WhatsApp ଆକାଉଣ୍ଟରେ ଦେଖି ପାରିବେ। ଇନଷ୍ଟାଣ୍ଟ୍ ମେସେଜିଂ ଆପ୍ WhatsApp ମୁତାବକ, ପ୍ରତିଦିନ ୧୭୫ ମିଲିୟନ୍ ଲୋକ ହ୍ବାଟସଆପ୍ ବିଜନେସ୍ ଆକାଉଣ୍ଟରେ ମେସେଜ କରନ୍ତି। କମ୍ପାନୀ ଏହା ମଧ୍ୟ କହିଛି ଯେ, ପ୍ରତି ଦିନ ୪୦ମିଲିୟନ ୟୁଜର୍ସ ବିଜନେସ୍ କ୍ୟାଟଲଗ୍ ହ୍ବାଟସଆପରେ ଦେଖିଥାନ୍ତି।
WhatsApp ମୁତାବକ, ଶପିଂ ବଟନ୍ ବିଶ୍ବବ୍ୟାପି ହ୍ବାଟସଆପ୍ ୟୁଜର୍ସଙ୍କ ପାଇଁ ଜାରି କରାଯାଉଛି। କମ୍ପାନୀ ଏହା ମଧ୍ୟ କହିଛି ଯେ, ଏହି ବିଜନେସ୍ ଆକାଉଣ୍ଟରେ ଭଏସ୍ କଲ୍ ବଟନର ସ୍ଥାନ ଦିଆଯିବ। ଭଏସ୍ କଲ୍ ବଟନ୍ ପାଇଁ ୟୁଜର୍ସ କଲ୍ ବଟନ୍ ଉପରେ ଟ୍ୟାପ୍ କରି ଭଏସ୍ ଏବଂ ଭିଡିଓରୁ ବାଛି ପାରିବେ। WhatsApp ଶପିଂ ବଟନ୍ ବ୍ୟବହାର କରିବା ପାଇଁ ଆପଣଙ୍କୁ ହ୍ବାଟସଆପର ଯେକୌଣସି ବିଜନେସ୍ ଆକାଉଣ୍ଟକୁ ଯିବାକୁ ପଡ଼ିବ। ଏହି ଆକାଉଣ୍ଟ କାହାର ବି ହୋଇପାରେ ଯାହା ଦ୍ବାରା ଆପଣ ନିକଟରେ କୌଣସି ପ୍ରଡକ୍ଟ କିମ୍ବା ସର୍ଭିସ୍ କିଣିବା ପାଇଁ ଆପଣ ମେସେଜ ସେଣ୍ଡ କିମ୍ବା ରିସିଭ କରିଥିବେ।
ବିଜନେସ୍ ଆକାଉଣ୍ଟରେ ଏଠାରେ ଆପଣଙ୍କୁ ଶପିଂ ଆଇକନ୍ ଦେଖିବାକୁ ମିଳିବ। ଏଥିରେ ଟ୍ୟାପ୍ କରି ଆପଣ ସେହି ବିଜନେସ୍ ଦ୍ବାରା ଅଫର କରାଯାଉଥିବା ପ୍ରଡକ୍ଟର କ୍ୟାଟଲଗ୍ ଦେଖି ପାରିବେ।
