ରାୟବରେଲି : ନିର୍ବାଚନୀ ହିଂସା ଏବେ ଚରମ ସୀମାରେ ପହଞ୍ଚିଛି । କଂଗ୍ରେସ ବିଧାୟିକା ଆଦିତି ସିଂହଙ୍କ ସମର୍ଥକଙ୍କ ଉପରେ ମରଣାନ୍ତକ ଆକ୍ରମଣ ହୋଇଛି । ସୋନିଆ ଗାନ୍ଧିଙ୍କ ରାୟବରେଲି ଆସନରେ ବିଧାୟିକା ଆଦିତି ସିଂହ ତାଙ୍କ ସମର୍ଥକଙ୍କୁ ସହ ଯାଉଥିବା ବେଳେ ତାଙ୍କ ଉପରେ ଆକ୍ରମଣ ହୋଇଥିଲା ।
ଦୁର୍ବୃତ୍ତମାନେ ତାଙ୍କ ରାଲି ଉପରକୁ ଟେକା ପଥର ମାଡ଼ କରିବା ସହ ଗୁଳି ମଧ୍ୟ ଚଳାଇଥିଲେ । ଫଳରେ ରାଲିରେ ଥିବା ଦୁଇଟି ଗାଡ଼ି ରାସ୍ତା ମଝିରେ ଓଲଟି ପଡ଼ିଥିଲା । ତେବେ ବିଧାୟିକା ଆଦିତି ସିଂହ ଅଳ୍ପକେ ବର୍ତ୍ତି ଯାଇଥିଲେ ମଧ୍ୟ ଆହତ ହୋଇଛନ୍ତି ।
ବିଜେପି ପ୍ରାର୍ଥୀ ଦୀନେଶ ସିଂହଙ୍କ ଭାଇ ଏହି ଆକ୍ରମଣ କରିଥିବା କଂଗ୍ରେସ ଅଭିଯୋଗ କରିଛି । ଆଦିତି ହେଉଛନ୍ତି ରାୟବରେଲିର ପୂର୍ବତନ ବିଧାୟକ ତଥା ବାହୁବଳି ନେତା ଅଖିଳେଶ ସିଂହଙ୍କ ଝିଅ ।