ପ୍ରଥମେ ସ୍ତ୍ରୀ ବନାଇଲେ ପ୍ରେମିକା ଆଉ ତାପରେ ସ୍ୱାମୀ କିନ୍ତୁ ଶେଷରେ..
ନିକଟରେ ଏକ ଚଳଚ୍ଚିତ୍ର ରିଲିଜ ହୋଇଛି ଯାହାର ନାମ ହେଉଛି ‘ପତି ପତ୍ନୀ ଔର ୱ’ କିନ୍ତୁ ରିୟଲ ଲାଇଫରେ ଆପଣ କେବେ ଏପରି ଦେଖିଛନ୍ତି ଯେଉଁଠି ପତି ପତ୍ନୀ ଓ ତୃତୀୟ ଲୋକ ମିଶି ଖୁସିରେ ରହୁଛନ୍ତି । ଶୁଣିଲେ ଆଶ୍ଚର୍ଯ୍ୟ ଲାଗୁଥିବ ନିଶ୍ଚୟ କିନ୍ତୁ ଏହା ସତ । କାହାଣୀର ଆରମ୍ଭ ହୋଇଥିଲା ୨୦୦୪ ମସିହାରେ ଯେବେ ଆମେରିକାର ଜୋୟ ଟ୍ରିପଲେଟ ନାମକ ଜଣେ ଯୁବକ ବିବାହ କରିଥିଲେ କ୍ରିଷ୍ଟାଲ ଟ୍ରିପଲେଟଙ୍କୁ । ସୂଚନା ଅନୁଯାୟୀ ଜୋୟଙ୍କ ବୟସ ୩୭ ବର୍ଷ ହୋଇଥିବା ବେଳେ କ୍ରିଷ୍ଟାଲଙ୍କ ବୟସ ୩୫ ବର୍ଷ । ଦୁଇଜଣଙ୍କ ବୈବାହିକ ଜୀବନ ହସଖୁସିରେ ଚାଲିଥିଲା କିନ୍ତୁ ହଠାତ ଏପରି କିଛି ଘଟିଲା ଯାହା ଦୁଇଜଣଙ୍କ ଜୀବନରେ ଏକ ନୂଆ ମୋଡ଼ ଆଣିଲା ।
ଦିନେ ଜୋୟଙ୍କ ପତ୍ନୀ କ୍ରିଷ୍ଟାଲ ଏକ କ୍ଲବ ମିଟିଂକୁ ଯାଇଥିଲେ ଯେଉଁଠାରେ ସେ ଜଣେ ମହିଳାଙ୍କୁ ଦେଖିଲେ । କେବଳ ସେତିକି ନୁହେଁ ତାଙ୍କୁ ଯେମି ନାମକ ଏହି ମହିଳାଙ୍କ ସହ ପ୍ରେମ ହୋଇଯାଇଥିଲା । ନିଜର ଏହି ନୂଆ ପ୍ରେମ ବିଷୟରେ କ୍ରିଷ୍ଟାଲ ପ୍ରଥମେ ଜୋୟଙ୍କୁ ଜଣାଇଥିଲେ କିନ୍ତୁ ଆଶ୍ଚର୍ଯ୍ୟ ଓ ରାଗିବା ବଦଳରେ ଜୋୟ ଏହି ସମ୍ପର୍କକୁ ସ୍ୱୀକାର କରିଥିଲେ । ତେବେ ଏଇଠି ଶେଷ ହୋଇନଥିଲା ଘଟଣା । ଧୀରେ ଧୀରେ ଜୋୟଙ୍କୁ ମଧ୍ୟ ନିଜ ସ୍ତ୍ରୀ’ର ପ୍ରେମିକା ଯେମି ବହୁତ ପସନ୍ଦ ଆସିଥିଲେ । ଶେଷରେ ଜୋୟ, କ୍ରିଷ୍ଟାଲ ଓ ଯେମି ତିନିଜଣ ମିଶି ଗୋଟିଏ ଘରେ ରହିବାକୁ ଲାଗିଲେ ।
