ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ସହ ଜଡିତ ଡ୍ରଗ୍ସ ମାମଲାର ତଦନ୍ତ କରୁଛି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି)। ଏନସିବି ଅନୁସନ୍ଧାନରେ ପ୍ରତିଦିନ ନୂଆ ଖୁଲାସା ହେଉଛି । ଡ୍ରଗ୍ସ ମାମଲାରେ ସାରା ଅଲି ଖାନ, ରାକୁଲ ପ୍ରୀତ ସିଂ, ଶ୍ରଦ୍ଧା କପୁରଙ୍କ ପରେ ଏବେ ଦୀପିକା ପାଦୁକୋନ, ସୋନାକ୍ସି ସିହ୍ନା ଓ ଦିୟା ମିର୍ଜାଙ୍କ ନାମ ମଧ୍ୟ ବାହାରକୁ ଆସୁଛି । ଏହି ପ୍ରସଙ୍ଗରେ ନୀରବତା ଭାଙ୍ଗି ଅଭିନେତ୍ରୀ ରବିନା ଟଣ୍ଡନ୍ ନିଜର କ୍ରୋଧ ପ୍ରକାଶ କରିଛନ୍ତି । ବଲିଉଡରେ ସଫା କରିବାର ସମୟ ଆସିଛି ବୋଲି କହିଛନ୍ତି ରବିନା ।
ରବିନା ଟ୍ୱିଟରରେ ଲେଖିଛନ୍ତି- “ବର୍ତ୍ତମାନ ସଫା କରିବାର ସମୟ ଆସିଛି । ସ୍ୱାଗତ ! ଆମର ଆଗାମୀ ପିଢ଼ିକୁ ଏହା ସାହାଯ୍ୟ କରିବ । ପ୍ରଥମେ ଏଠାରୁ ଆରମ୍ଭ କରନ୍ତୁ, ତାପରେ ଅନ୍ୟ କ୍ଷେତ୍ରକୁ ଯାଆନ୍ତୁ । ମୂଳରୁ ଉପାଡି ଫୋପାଡ଼ି ଦିଅ । ଦୋଷୀ, ଉପଭୋକ୍ତା, ଡିଲର, ଯୋଗାଣକାରୀ ସମସ୍ତଙ୍କୁ ଦଣ୍ଡ ଦିଅ । ବଡ ଲୋକ ଯେଉଁମାନେ ଏହାର ଫାଇଦା ନେଉଛନ୍ତି ସେମାନେ ଟାର୍ଗେଟରେ ଅଛନ୍ତି । ଯେଉଁମାନେ ଅନ୍ୟମାନଙ୍କୁ ମଧ୍ୟ ଦେଖନ୍ତି ନାହିଁ ଏବଂ ଏହାକୁ ଦେଇ ସେମାନଙ୍କ ଜୀବନ ନଷ୍ଟ କରନ୍ତି ।”
Twas high time for clean up to happen.Very welcome!Will help our young/future generations.Start from here,surely,proceed to all sectors.Uproot it from its core.Punish th Guilty,users,the dealers/suppliers.The profiting Big Guys on the take,who give it a blind eye and ruin people.
— Raveena Tandon (@TandonRaveena) September 22, 2020
ଡ୍ରଗ୍ସ ଚାଟରେ ନାମକରଣ ହେବା ପରେ ଏନସିବି ମଙ୍ଗଳବାର ଅଭିନେତ୍ରୀ ଦୀପିକା ପାଦୁକୋନଙ୍କ ମ୍ୟାନେଜର କରିସ୍ମା ପ୍ରକାଶ ଏବଂ ଟ୍ୟାଲେଣ୍ଟ ମ୍ୟାନେଜମେଣ୍ଟ ଏଜେନ୍ସିର ସିଇଓ ଧ୍ରୁବ ଚିତଗୋପେକରଙ୍କୁ ଡକାଇଥିଲେ । ଏହାପୂର୍ବରୁ ଏନସିବି ସୋମବାର ସୁଶାନ୍ତଙ୍କ ଟ୍ୟାଲେଣ୍ଟ ମ୍ୟାନେଜର ଜୟା ସାହାଙ୍କୁ ପଚରାଉଚୁରା କରିଥିଲା ।