ଦୁନିଆର ସବୁଠାରୁ ଦ୍ରୁତତମ ଶିଶୁର ଫଟୋ ସେୟାର କଲେ ଆନନ୍ଦ ମହିନ୍ଦ୍ରା, ଆଉ ଲେଖିଲେ ଆମ ଦେଶରେ ଏଭଳି ପ୍ରତିଭା ବି ଅଛନ୍ତି; ଦେଖନ୍ତୁ ଭାଇରଲ ଭିଡିଓ
‘ସେ ଏକ ମେସିନ ପରି..ତାଙ୍କର ଗୋଡ଼ କେବେ ସ୍ପଷ୍ଟ ଦେଖିବାକୁ ମିଳେନି।’ ଏହିପରି ଭାବେ ମହିନ୍ଦ୍ରା ଗ୍ରୁପର ଚେୟାରମ୍ୟାନ ଆନନ୍ଦ ମହିନ୍ଦ୍ରା ତାଙ୍କର ଟ୍ୱିଟ ଆରମ୍ଭ କରିଛନ୍ତି ଏହି ବିସ୍ମୟ ବାଳକକୁ ନେଇ । ବର୍ତ୍ତମାନ ଆପଣ ଭାବୁଥିବେ କିଏ ଏହି ବାଳକ ..? ସେ ଆଉ କେହିନୁହଁନ୍ତି ସେ ହେଉଛନ୍ତି ରୁଦ୍ରଲ୍ଫ ଇନଗ୍ରାମ । ଯାହାଙ୍କ ବୟସ ମାତ୍ର ଆଠ ବର୍ଷ । ସେ ଆମେରିକାରେ ରୁହନ୍ତି । ସେ ବ୍ଲେଜ ନାମରେ ଜଣାଶୁଣା । ଇନଗ୍ରାମଙ୍କ ଦକ୍ଷତା ଅନେକଙ୍କ ଦୃଷ୍ଟି ଆକର୍ଷଣ କରିପାରିଛି । ଦୁନିଆର ସବୁଠାରୁ ଫାଷ୍ଟେଷ୍ଟ ଶିଶୁ ବା ‘the fastest kid in the world’ କୁହାଯାଉଥିବା ଇନଗ୍ରାମ ଆପଣଙ୍କୁ ଆଶ୍ଚର୍ଯ୍ୟ କରିଦେଇପାରେ ।
He’s like a machine. His legs are a blur when he runs. Undoubtedly will become the fastest man in the world. But there must be such talent hidden in our country of 1.2billion people? Surely there’s someone out there waiting to be discovered? Keep your cellphones ready… pic.twitter.com/WIoC5n6soz
— anand mahindra (@anandmahindra) December 13, 2020
ଆନନ୍ଦ ମହିନ୍ଦ୍ରା ସେୟାର କରିଥିବା ଇନଗ୍ରାମଙ୍କର ଏହି ଭିଡ଼ିଓଟିକୁ ଦେଖିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ । ଏହି ଭିଡିଓରେ ସେ 100 ମିଟର ରେସକୁ ମାତ୍ର 13.48 ସେକେଣ୍ଡରେ ପୁରା କରିଥିବା ଦେଖିବାକୁ ମିଳିଛି । ଏହାପୂର୍ବରୁ ମଧ୍ୟ 2019ରେ ସେ ମାତ୍ର 8.69 ସେକେଣ୍ଡରେ 60 ମିଟର ଦୌଡ଼ିଥିଲେ । ତେବେ ଆନନ୍ଦ ମହିନ୍ଦ୍ରା ସେୟାର କରିଥିବା ଏହି ଭିଡ଼ିଓଟିକୁ ଲୋକମାନେ ବହୁତ ପସନ୍ଦ କରିଛନ୍ତି । ଆମ ଦେଶରେ ଏଭଳି ପ୍ରତିଭା ବି ଲୁଚିରହିଛନ୍ତି ବୋଲି କହିଛନ୍ତି ଆନନ୍ଦ ମହିନ୍ଦ୍ରା ।
