ବାପା ନାଁରେ କଳଙ୍କ: ବେଶ୍ୟା ବୃତ୍ତି ପାଇଁ ନାବାଳିକା ଝିଅକୁ କରୁଥିଲା ବାଧ୍ୟ
ବାପା ବୁଝିଲାନି ସମ୍ପର୍କର ମାନେ ? କାମନା ଲୋଭରେ ଭୁଲିଗଲା ହିତାହିତ ଜ୍ଞାନ ଆଉ ସମ୍ପର୍କ ରେ ଲଗାଇଲା କଳଙ୍କର ଛିଟା । ଏଭଳି ଏକ ଘଟଣା ଦେଖିବାକୁ ମିଳିଛି ରାଜସ୍ଥାନର ଯୋଧପୁର ଅଂଚଳରେ । ଜଣେ ନାବାଳିକାକୁ ତାର ପିତା ଓ ସାବତ ମା ବେଶ୍ୟା ବୃତ୍ତି କରିବାକୁ ବାଧ୍ୟ କରିବା ପରେ ସେହି ନାବାଳିକା ଜଣକ ୪ ଜଣଙ୍କ ଦ୍ୱାରା ଗଣଦୁଷ୍କର୍ମ ର ଶିକାର ହୋଇଥିବା ଜଣାପଡିଛି । ପୋଲିସର ସୂଚନାନୁସାରେ, ନାବାଳିକାର ପିତା ଜଣେ କ୍ରୋନିକ୍ ମଦ୍ୟପ, ତାଙ୍କ ଝିଅକୁ ଗତ ସାତ ମାସ ଧରି ଲଙ୍ଗା ମାଙ୍ଗାନିୟର୍ (ଲୋକ ଗାୟକ) ଙ୍କ ସହ ପାର୍ଟୀକୁ ପଠାଉଥିଲା , ଯେଉଁଠାରେ କିଛି ଲୋକ ତାଙ୍କୁ ନାଚିବା ପାଇଁ ନେଇ ଯୌନ ଶୋଷଣ କରୁଥିଲେ।
ପୋଲିସର କହିବା ଅନୁସାରେ ଯେତେବେଳେ ନାବାଳିକା ଏହି ପାର୍ଟୀରେ ଯୋଗଦେବାକୁ ମନା କରିଦେଲା, ସେତେବେଳେ ତା ପିତା ତାକୁ ମାଡ ମାରି ଏବଂ ଏହି ଘଟଣା ବିଷୟରେ କାହାକୁ ନ କହିବାକୁ ଧମକ ଦେଇଥିଲା ଓ ତାକୁ ୫୦୦୦ ରୁ ୮୦୦୦ ଟଙ୍କା ମିଳିବ ବୋଲି କହିଥିଲା । ଗତ ୫ ରୁ ୬ ବର୍ଷ ଧରି ନାବାଳିକାକୁ ତା ଭଉଣୀ ଏବଂ ମା’ଙ୍କୁ ଦେଖା କରିବାକୁ ବାରଣ କରାଯାଇଥିଲା ବୋଲି ପୋଲିସ କହିଛି।
ଅନ୍ୟ ପଟେ ଅଭିଯୁକ୍ତ ପିତା ନାବାଳିକାକୁ ଜୁନ୍ ୨୧ ରେ ସୂଚନା ଦେଇଥିଲା ଯେ ତାଙ୍କୁ ଆଉ ଦୁଇ ଦିନ ପାଇଁ ହୋଟେଲକୁ ଫେରିବାକୁ ପଡିବ ଏବଂ ଯଦି ସେ ତାଙ୍କ ନିର୍ଦ୍ଦେଶ ପାଳନ ନକରେ ତେବେ ତାଙ୍କୁ ହତ୍ୟା କରାଯିବ ବୋଲି ଧମକ ଦେଇଥିଲା । ଏହା ପରେ ପୀଡିତା ଜଣଙ୍କ କେଲାଭା କାଲାରେ ଥିବା ତାଙ୍କ ଜେଜେମା’ଙ୍କ ନିକଟକୁ ପଳାଇଥିଲା । ଏବଂ ଝିଅର ବାପା ତାକୁ ଫେରାଇ ଆଣିବାକୁ ଅନ୍ୟମାନଙ୍କୁ ପଠାଇ ଧମକ ଦେବା ଆରମ୍ଭ କରିଥିଲା ।
ନାବାଳିକା ଜଣକ ଏହି ଘଟଣାକୁ ନେଇ ପୋଲିସ ଆଗରେ ଅଭିଯୋଗ କରିଥିଲେ ଯେ ସେ ଗ୍ୟାଙ୍ଗ ରେପ ହେବା ପରେ ଗର୍ଭବତୀ ହୋଇଥିଲା , କିନ୍ତୁ ବାପାକୁ ଭୟ କରି କିଛି ଦିନ ଚୁପ୍ ରହିଲା । ଯେତେବେଳେ ସେ ତାଙ୍କ ସାବତ ମା’ଙ୍କୁ ଏହି ଅସୁବିଧା ବିଷୟରେ କହିଥିଲା , ଶେଷରେ ତାଙ୍କୁ ବିଷ ଦେବାକୁ କହିଥିଲା ଏବଂ ତାଙ୍କୁ ବିକ୍ରୟ କରିବାକୁ ଧମକ ଦେଇଥିଲା । ଏହା ପରେ ମାଥାନିଆ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି ।
