ସ୍ୱପ୍ନ ଦେଖିବ ତ ଏମିତି! IPS ହେବା ପରେ ବି ସନ୍ତୁଷ୍ଟ ନ ଥିଲେ ମହିଳା ଅଫିସର, ପୁଣିଥରେ ୟୁପିଏସ୍ସି ଦେଇ ବନିଗଲେ IAS
ପ୍ରକାଶ ପାଇଛି ୟୁପିଏସ୍ସି ସିଭିଲ ସେବା ପରୀକ୍ଷା ୨୦୨୨ର ଫଳ। ରେଜଲ୍ଟ ବାହାରିବା ପରେ ର୍ୟାଙ୍କ ଧାରୀଙ୍କ ପ୍ରେରଣାଦାୟୀ କାହାଣୀ ଧୀରେ ଧୀରେ ସାମ୍ନାକୁ ଆସୁଛି। ସେହିଭଳି ଏକ କାହାଣୀ ବିହାର ୟୁପିଏସ୍ସିର ଆଶାୟୀ ପ୍ରାର୍ଥୀ ଦିବ୍ୟଶକ୍ତିଙ୍କର, ଯିଏ ଲଗାତାର ଦୁଇଥର ପରୀକ୍ଷାରେ ସଫଳତା ଅର୍ଜନ କରି ଅନ୍ୟମାନଙ୍କ ପାଇଁ ପାଲଟିଛନ୍ତି ପ୍ରେରଣା।
ବିହାରର ଜଲାଲପୁର ଜିଲ୍ଲା ସାରଣର ବାସିନ୍ଦା ହେଉଛନ୍ତି ଦିବ୍ୟଶକ୍ତି। ସେ ଏକ ଡାକ୍ତରୀ ପରିବାରରେ ଜନ୍ମ। ପିଲା ଦିନୁ ହିଁ ସେ ଜଣେ ମେଧାବୀ ଛାତ୍ରୀ ଭାବେ ରହି ଆସିଛନ୍ତି। ପାଠପଢ଼ାରେ ତାଙ୍କର ଅଧିକ ରୁଚି ଥିଲା। ଇଣ୍ଟରମିଡିଏଟ୍ ପଢ଼ିବା ପାଇଁ ସେ ଡିପିଏସ୍ ବୋକାରୋ ଚାଲି ଯାଇଥିଲେ। ସେ ବିଟ୍ସ ପିଲାନୀରୁ କମ୍ପ୍ୟୁଟର ସାଇନ୍ସରେ ଇଞ୍ଜିନିୟରିଂ ଡିଗ୍ରୀ ହାସଲ କରିଛନ୍ତି। ସେହି କଲେଜରୁ ହିଁ ଦିବ୍ୟ ଅର୍ଥ ଶାସ୍ତ୍ରରେ ଏମ୍ଏସ୍ସି ମଧ୍ୟ କରିଛନ୍ତି। ତା’ ପରେ ସେ ୨ ବର୍ଷ ପାଇଁ ଆମେରିକାର ଏକ କମ୍ପାନୀରେ କାମ କରିଥିଲେ। ୨୦୧୯ ମସିହାରେ ସେ ୟୁପିଏସ୍ସି ସିଭିଲ ସର୍ଭିସ ପରୀକ୍ଷା ଦେଇଥିଲେ।
She didn’t settle for less than what she had always dreamt of. Kept trying, and achieved it!
Inspiring story of #Bihar‘s Divya Shakti 👇https://t.co/r5g4C0EBmD#Bureaucracy #UPSC @IASassociation @DCsofIndia
— Bureaucrats India (@BureaucratsInd) June 2, 2022
ଦିବ୍ୟ ପ୍ରଥମ ପ୍ରୟାସରେ ହିଁ ୭୯ତମ ର୍ୟାଙ୍କ ହାସଲ କରିଥିଲେ ଓ ୨୦୧୯ ମସିହାରେ ଆଇପିଏସ୍ ଅଫିସର ଭାବେ ଚୟନିତ ହୋଇଥିଲେ। କିନ୍ତୁ ତାଙ୍କ ସ୍ୱପ୍ନ ଥିଲା ବଡ଼। ସେ ଆଇଏଏସ୍ ହେବାକୁ ଚାହୁଁଥିଲେ। ଏଥି ପାଇଁ ସେ ପ୍ରସ୍ତୁତି ଜାରି ରଖିଥିଲେ। ଏଣୁ ପୁଣି ଥରେ ୨୦୨୨ ମସିହାରେ ୟୁପିଏସ୍ସି ପରୀକ୍ଷା ଦେଇଥିଲେ। ଦିବ୍ୟ ଶକ୍ତି ଆଇପିଏସ୍ର ପ୍ରଶିକ୍ଷଣ ସହ ୟୁପିଏସ୍ସି ପରୀକ୍ଷାର ପ୍ରସ୍ତୁତି ବି ଜାରି ରଖିଥିଲେ। ତେବେ ବର୍ତ୍ତମାନ ତାଙ୍କ ଚେଷ୍ଟା ସଫଳ ହୋଇଛି। ଚଳିତ ଥର ପରୀକ୍ଷାରେ ସେ ସାରା ଭାରତରେ ୟୁପିଏସ୍ସିରେ ୫୮ ତମ ସ୍ଥାନ ଗ୍ରହଣ କରିଛନ୍ତି। ଏହି ଖବର ଶୁଣିବା ପରେ ଦିବ୍ୟ ଶକ୍ତିଙ୍କ ପରିବାରର ଖୁସି କହିଲେ ନ ସରେ।
ତାଙ୍କ ବାପା ବୋତିୟାର ସରକାରୀ ମେଡିକାଲ କଲେଜ ହସ୍ପିଟାଲ (ଜିଏମ୍ସିଏଚ୍)ର ପୂର୍ବ ଅଧୀକ୍ଷକ ଥିଲେ। ସେ କହିଛନ୍ତି, ଦିବ୍ୟ ପ୍ରଥମରୁ ହିଁ ଜଣେ ପ୍ରତିଭାଶାଳୀ ଝିଅ ଥିଲା। ପରିବାର ଲୋକ ତାଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଛନ୍ତି। ସେ ଅନ୍ୟମାନଙ୍କ ପାଇଁ ପ୍ରେରଣା ସାଜିବେ ବୋଲି କହିଛନ୍ତି ଦିବ୍ୟଙ୍କ ପରିବାର ସଦସ୍ୟ।
Also Read: ସୁପ୍ରିମକୋର୍ଟସ୍ଥିତ ବ୍ୟାଙ୍କରେ ଲାଗିଲା ନିଆଁ, ଆୟତ୍ତ କରିବାକୁ ପହଞ୍ଚିଲା ୫ଟି ଅଗ୍ନିଶମ ଗାଡ଼ି