ବିଭିନ୍ନ ଯାନବାହନ କମ୍ପାନୀ ଆସନ୍ତା ୨୦୨୦ ବର୍ଷ ଜାନୁଆରୀ ମାସରୁ ନିଜ କାର ଗୁଡିକର ଦର କମାଇବାକୁ ଘୋଷଣା କରି ସାରିଛନ୍ତି । ତେଣୁ ୨୦୧୯ ମସିହାର ଶେଷ ମାସ ଶେଷ ହେବା ପୂର୍ବରୁ ଗାଡି କିଣିଦେବା ବୁଦ୍ଧିମତାର ବିଷୟ ନିଶ୍ଚିତ । ବିଭିନ୍ନ କାର କମ୍ପାନୀ ସୁଜୁକି, ହ୍ୟୁନଡାଇ, ମହିନ୍ଦ୍ରା, ହୋଣ୍ଡା, ଟାଟା ମୋଟର୍ସ ଓ ଫିଏଟ କମ୍ପାନୀ ଗୁଡିକ ନିଜ ନିଜ ଗାଡି ଉପରେ ୧୦,୦୦୦ ରୁ ଆରମ୍ଭ କରି ୨.୦୬ ଲକ୍ଷ ଟଙ୍କା ପର୍ଯ୍ୟନ୍ତର ରିହାତି ଦେଇଛନ୍ତି । ଆସନ୍ତା ବର୍ଷ ଏପ୍ରିଲ ,ମାସରୁ ବିଏସ -୬ ମାନକ ବଢି ଯିବାର ସମ୍ଭାବନା ଅଧିକ ଅଛି । ଏହା ସହ କମ୍ପାନୀ ଗୁଡିକ ଏହି କମ୍ପାନୀ ନିଜ ପୁରୁଣା ଷ୍ଟକ ଗୁଡିକ ଶେଷ କରି ନୂଆ ଷ୍ଟକ ଆରମ୍ଭ କରିବାର ଯୋଜନା କରିଛନ୍ତି । ସୂଚନା ମୁତାବକ ବାହନ କମ୍ପାନୀ ଗୁଡିକ ବିଗତ ଏକ ବର୍ଷ ଧରି କ୍ଷତି ସହି ଆସୁଛନ୍ତି । ଯାନବାହନ କିଣା ବିକା ମଧ୍ୟ ଦ୍ରୁତ ଗତିରେ ହ୍ରାସ ପାଇଛି । ତେବେ ଆସନ୍ତୁ ପ୍ରଥମେ ଜାଣିବା କେଉଁ କମ୍ପାନୀ କେଉଁ ଗାଡିରେ କେତେ ରିହାତି ଦେଉଛନ୍ତି ।
ମାରୁତି:
ମାରୁତି ସୁଜୁକି ନିଜ ଗାଡି ଉପରେ ୬୫,୦୦୦ ଟଙ୍କାର ରିହାତି ଦେଇଛନ୍ତି । ଗତ ନଭେମ୍ବର ମାସରୁ ଏହି ଗାଡି ଉପରେ ୫୫,୦୦୦ ହଜାର ଟଙ୍କାର ରିହାତି ମିଳୁଛି ।
ଆଉ ମଧ୍ୟ କମ୍ପାନୀ ତାର ୱାଗନର ଗାଡି ଉପରେ ୩୫,୦୦୦ ହଜାର ଟଙ୍କାର ରିହାତି ଦେବାର ଘୋଷଣା କରିଛନ୍ତି । ଯେଉଁଥିରେ ୧୦,୦୦୦ ଟଙ୍କାର କ୍ୟାସ ଓ ୨୦ ହଜାର ଟଙ୍କାର ଏକ୍ସଚେଞ୍ଜ ଅଫରର ସୁବିଧା ଦିଆଯାଇଛି ।
ମହିନ୍ଦ୍ରା:
ମହିନ୍ଦ୍ରା ନିଜ SUV କାର ଉପରେ ୧.୬୭ ଲକ୍ଷ ଟଙ୍କାର ରିହାତି ଛାଡ କରିଛନ୍ତି । ଗଲା ନଭେମ୍ବର ମାସରେ ଏହି କମ୍ପାନୀ ଏହି କାର ଉପରେ ୧ ଲକ୍ଷ ପର୍ଯ୍ୟନ୍ତର ଛାଡ ଦେଇଥିଲା ।
ଏକ ବର୍ଷ ପୂର୍ବରୁ ଲଞ୍ଚ ହୋଇଥିବା ମହିନ୍ଦ୍ରା ମରାଜୋ ଗାଡି ଉପରେ କମ୍ପାନୀ ୨ ଲକ୍ଷ ୦୯ ହଜାର ଟଙ୍କାର ରିହାତି ଛାଡ କରିଛନ୍ତି ।
ହ୍ୟୁନଡାଇ:
ଏହି କମ୍ପାନୀ ନିଜ ଗାଡି ସେଣ୍ଟ୍ର ଉପରେ ୫୫,୦୦୦ ଟଙ୍କାର ରିହାତି ଦେଇଛନ୍ତି । ଯେବେକି ନଭେମ୍ବର ମାସରେ ଏହା ଉପରେ ୪୦,୦୦୦ ଟଙ୍କାର ରିହାତି ଦିଆଯାଉଥିଲା ।
ହ୍ୟୁନଡାଇ ନିଜ ଗାଡି ଏସ୍ୟୁବି କ୍ରେତା ଉପରେ ୫୦,୦୦୦ ଟଙ୍କାରୁ ଆରମ୍ଭ ୯୫,୦୦୦ ଟଙ୍କା ପର୍ଯ୍ୟନ୍ତର ଛାଡ ଦେଇଛନ୍ତି ।
ଟାଟା ମୋଟର୍ସ :
ଟାଟା ମୋଟର୍ସ ନିଜ ଏସ୍ୟୁବି ହେରିୟର ଗାଡି ଉପରେ ୧.୭୫ ଲକ୍ଷ ଟଙ୍କାର ଛାଡ କରିଛନ୍ତି ।
ଫିଏଟ:
ଅନ୍ୟ ପକ୍ଷରେ ଫିଏଟ କମ୍ପାନୀ ତାର ଫିଏଟ କ୍ରିଶଳର ଜିପ ଉପରେ ୨.୦୬ ଲକ୍ଷ ଟଙ୍କାର ରିହାତି ଦେଇଛନ୍ତି । ପୂର୍ବ ବର୍ଷ ଅର୍ଥାତ ନଭେମ୍ବର ମସାରରେ ଏହା ଉପରେ ୧.୫ ଲକ୍ଷ ଟଙ୍କାର ଛାଡ କରାଯାଇଥିଲା ।
ରେନୋ:
ରେନୋ କମ୍ପାନୀ ନିଜ ଗାଡି ଗୁଡି଼କର ମୂଲ୍ୟ ୧ ଲକ୍ଷ ଟଙ୍କାରୁ ବଢ଼ାଇ ୧.୨୫ ଲକ୍ଷ ଟଙ୍କା ପର୍ଯ୍ୟନ୍ତ କରିଦେଇଛନ୍ତି ।
ବାହନ କମ୍ପାନୀ ଗୁଡିକ ପୁରୁଣା ଗାଡି ଗୁଡିକ ସହ ୨୦୧୯ ମସିହାରେ ଲଞ୍ଚ ହୋଇଥିବା ଗାଡି ଗୁଡିକ ଉପରେ ମଧ୍ୟ ରିହାତି ଦେଇଛନ୍ତି । ଏହି ଗାଡି ଗୁଡିକ ଉପରେ ୧୦,୦୦୦ ଟଙ୍କାରୁ ଆରମ୍ଭ କରି ୧.୧୫ ଟଙ୍କାର ଛାଡ କରିଛନ୍ତି ।