ଦମଦାର ଫିଚର୍ସ ସହ କମ ଦାମ୍ରେ ଲଞ୍ଚ ହେଲା Ferrari Roma ସ୍ପୋର୍ଟ କାର, ଘଣ୍ଟାକୁ ଯିବ ୧୦୦ କିଲୋମିଟର
ଇଟାଲୀର ପ୍ରମୁଖ ବାହନ ନିର୍ମାତା କମ୍ପାନୀ Ferrari ଭାରତୀୟ ବଜାରରେ ନିଜର ନୂଆ ସ୍ପୋର୍ଟ କାର ଲଞ୍ଚ କରିଛି । କମ୍ପାନୀ ତରଫରୁ କୁପ ସ୍ପୋର୍ଟ କାର Roma ନୂଆ ଅବତାରରେ ବଜାରକୁ ପ୍ରବେଶ କରିଛି । ଆକର୍ଷକ ଲୁକରେ ପାୱାରଫୁଲ ଇଞ୍ଜିନ ସହ ଆସୁଥିବା ଏହି କାରର ଦାମ ରହିଛି ଖୁବ ଶସ୍ତା । ଏହି କାର ୩.୪ ସେକେଣ୍ଡରେ ୦ ରୁ ୧୦୦ କିଲୋମିଟର ପ୍ରତିଘଣ୍ଟା ଏବଂ ୯.୩ ସେକେଣ୍ଡ ମଧ୍ୟରେ ୨୦୦ କିଲୋମିଟର ପ୍ରତିଘଣ୍ଟାରେ ଯାଇପାରିବ । ଏହାର ହାଇସ୍ପିଡ ୩୨୦ କିଲୋମିଟର ରହିଛି ।
କମ୍ପାନୀର ସୂଚନା ଅନୁଯାୟୀ, ଏହି ଗାଡ଼ିର ଦାମ ୩,୭୬ କୋଟି ଟଙ୍କାରୁ ଆରମ୍ଭ ହୋଇଛି । ଏହି କାରରେ ଅନେକ ନୂଆ ଅପଡେଟ ରହିଛି । ମିଡିଆ ରିପୋର୍ଟସ ଅନୁଯାୟୀ, ଏହି ନୂଆ ମଡେଲରେ ୭୦% ପର୍ଯ୍ୟନ୍ତ ଅପଡେଟ କରାଯାଇଛି । କିନ୍ତୁ ଏହାର ଲୁକ ପୂର୍ବ ମଡେଲ ଭଳି ରଖାଯାଇଛି । ଡିଜାଇନ କଥା ଧ୍ୟାନକୁ ଆଣିଲେ ଜଣାପଡେ ଏଥିରେ LED ହେଡଲ୍ୟାମ୍ପ ସହିତ ହୋରିଜୋଣ୍ଟାଲ ମାଉଣ୍ଟେଡ LED ଡେ ଟାଇମ ରନିଂ ଲାଇଟ୍ସ ରହିଛି ।
ଏହାର ଇଣ୍ଟେରିୟରରେ କମ୍ପାନୀ ତରଫରୁ ଦମଦାର ଫିଚର୍ସ ସାମିଲ କରାଯାଇଛି । ୧୬ ଇଞ୍ଚର କର୍ବି ଫୁଲୀ ଡିଜିଟାଲ ଇନଷ୍ଟ୍ରୁ ମେଣ୍ଟ କନସୋଲ ଏବଂ ଥ୍ରୀ ସ୍ପୋକ ଷ୍ଟିୟରିଂ ହ୍ୱିଲ ଦିଆଯାଇଛି । ୨ଟି ସିଟ ରହିବା ସହ ଫ୍ଲୋଟିଂ ସେଣ୍ଟର କନସୋଲ ରହିଛି । ମଲ୍ଟିପୁଲ ଏୟାରବେଗ ସହିତ କାରରେ ଆଣ୍ଟି ଲକ ବ୍ରେକିଂ ସିଷ୍ଟମ, ଇଲେକଟ୍ରିକ ବ୍ରେକଫୋର୍ସ ଡିଷ୍ଟିବ୍ୟୁସନ, କ୍ରେନ୍ସ ସେଂସର୍ସ ଭଳି ଫିଚର୍ସ ସୁବିଧା ରହିଛି ।