ହୋଣ୍ଡା କାରସ୍ ଭାରତରେ ନିଜର କାରର ସେବାକୁ ସାଧାରଣ ଲୋକଙ୍କ ପାଖକୁ ପହଁଚାଇବା ପାଇଁ ଏକ ଖାସ୍ ସ୍କିମ୍ ଲଞ୍ଚ କରିଛି। ହୋଣ୍ଡା ଗ୍ରାହକଙ୍କ ପାଇଁ ଏକ ଖାସ୍ ‘ସ୍ମାର୍ଟ ଇଏମଆଇ’ ସ୍କିମ୍ ବାହାର କରିଛି। କମ୍ପାନୀ ଏଥିପାଇଁ Tranzlease ସହିତ ଚୁକ୍ତି କରିଛି। ଏହି ସ୍କିମ ଦ୍ୱାରା କମ୍ପାନୀ ଗ୍ରାହକଙ୍କୁ ନିଜ କାରକୁ ଲିଜରେ ଦେବ।
‘ସ୍ମାର୍ଟ ଇଏମଆଇ’ ସ୍କିମ ଅଟୋ ଫାଇନାନ୍ସ ଭଳି ଅଟେ। କିନ୍ତୁ ଏହି ସ୍କିମର ଅବଧି ସମୟରେ ହିଁ ଗାଡିର ଇନସୁରାନ୍ସ, ମ୍ୟାଣ୍ଟେନାନ୍ସ, ରେଜିସଷ୍ଟ୍ରେସନ୍ ଏବଂ ଫାଇନାନ୍ସ ମଧ୍ୟ ସାମିଲ ହେବ। ସେହିପରି ଲିଜରେ ଏହା ଲେଖାଯାଇଛି ଯେ ଯଦି ଆପଣ ବାହନ କିଣିବାକୁ ଚାହୁଁଛନ୍ତି କିମ୍ବା ନିଜ ଟଙ୍କା ଫେରସ୍ତ ଚାହୁଁଥାନ୍ତି ତେବେ ଗାଡିର ରିଟେଲ ଭେଲ୍ୟୁ ହିସାବରେ ଟଙ୍କା ଏବଂ ବୋନସ୍ ଫେରସ୍ତ ମିଳିବ।
କାର ଲିଜ୍ ଏବଂ କାର ଲୋନ ମଧ୍ୟରେ ପାର୍ଥକ୍ୟ ହେଉଛି ଅବଧି ଶେଷ ହେବା ଭିତରେ ହିଁ କାରର ରିସେଲ ଭେଲ୍ୟୁ କାଟି ଦିଆଯାଏ। ଏଥିପାଇଁ ଆପଣଙ୍କୁ କେବଳ କମ୍ ଆକାଉଣ୍ଟ ଦେବାକୁ ହେବ। ସେହିପରି ଗାଡିର ଇନସୁରାନ୍ସ ଏବଂ ମେଣ୍ଟେନାନ୍ସର ଦାମ ମଧ୍ୟ କାର ଲିଜିଂ କମ୍ପାନୀ ଏଥିରେ ସାମିଲ କରିଥାଏ। ସେହିପରି ହୋଣ୍ଡାର ଏହି ନୂଆ ସ୍ମାର୍ଟ ଇଏମଆଇ ଅବଧି ଲୋନ୍ ରାଶିରେ କମ୍ ହୋଇଥାଏ ଏବଂ ଅତିରିକ୍ତ ସୁବିଧା ମଧ୍ୟ ମିଳିବ।
ଆପଣଙ୍କୁ ଜଣାଇବାକୁ ଚାହିଁବୁ ଯେ ୩୬ ମାସର ଏହି ସ୍କିମରେ ଗ୍ରାହକ ୪୫ ହଜାର କିଲୋମିଟର ପଯ୍ୟର୍ନ୍ତ କାର ଡ୍ରାଇଭ୍ କରିପାରିବେ। ଯାହାପରେ ଏକ୍ସଟ୍ରା କିଲୋମିଟରର ଟଙ୍କା କମ୍ପାନୀ ପରେ ନିଷ୍ପତ୍ତି କରିବ। ଏବେ ସୁବିଧା ମୁମ୍ବାଇ ଏବଂ ଦିଲ୍ଲୀରେ ଉପଲବ୍ଧ କରାଇଛି। କମ୍ପାନୀ ଏହା ମଧ୍ୟ ଜଣାଇଛଚି ଯେ ଆପଣ ନୂଆ ଇମଆଇ ସ୍କିମର ଲାଭ ଉଠାଇପାରିବେ ନି ନାହିଁ ଆପଣ ଆପଣଙ୍କ ନିକଟସ୍ଥ ହୋଣ୍ଡା ଡିଲରସିପରେ ପଚାରିପାରିବେ।