ସଙ୍କଟ ସମୟରେ ସହାୟତା କରିବ PF ଆକାଉଣ୍ଟ ; ଗୋଟିଏ ଦିନରେ ୧ ଲକ୍ଷ ଟଙ୍କା ଉଠାଇ ପାରିବେ ଆକାଉଣ୍ଟଧାରୀ, ଜାଣନ୍ତୁ ପ୍ରୋସେସ୍
ଆର୍ଥିକ ସଙ୍କଟ ସମୟରେ ପିଏଫ୍ ଆକାଉଣ୍ଟ ଆପଣଙ୍କୁ ତତ୍କାଳ ସାହାଯ୍ୟ ଯୋଗାଇପାରିବ । ସଙ୍କଟ ସମୟରେ ଯଦି ଆପଣଙ୍କୁ ମୋଟା ଅଙ୍କରେ ଟଙ୍କାର ଦରକାର ହୁଏ ତେବେ PF (EPFO) ଆପଣକୁ ସାହାଯ୍ୟ କରିବ। ଏହା ପୂର୍ବରୁ ବିଶ୍ୱାସ କରାଯାଉଥିଲା ଯେ PF ରୁ ଟଙ୍କା ଉଠାଇବା ଏକ କଷ୍ଟକର ଏବଂ ଲମ୍ବା ପ୍ରକ୍ରିୟା । କିନ୍ତୁ କର୍ମଚାରୀଙ୍କ ପ୍ରୋଭିଡେଣ୍ଟ ଫଣ୍ଡ ସଂଗଠନ (ଇପିଏଫଓ) ଏହାର ଗ୍ରାହକମାନଙ୍କ ପାଇଁ ଏକ ନୂତନ ପଦକ୍ଷେପ ନେଇଛି।
ଯଦି ଆପଣଙ୍କୁ ତୁରନ୍ତ ଟଙ୍କା ଦରକାର, ତେବେ କୌଣସି ସଦସ୍ୟ କାଗଜ ବିନା (PF ପ୍ରତ୍ୟାହାର) ତାଙ୍କ ଆକାଉଣ୍ଟରୁ ଏକ ଲକ୍ଷ ଟଙ୍କା ପର୍ଯ୍ୟନ୍ତ ଟଙ୍କା ଉଠାଇ ପାରିବେ। ସଙ୍କଟ ସମୟରେ ନିୟୋଜିତ ଲୋକଙ୍କୁ EPFO ଏହି ସୁବିଧା ପ୍ରଦାନ କରୁଛି। ଏହି ଟଙ୍କା କେବଳ ମେଡିକାଲ ଆଡଭାନ୍ସ ଦାବି ଅନୁଯାୟୀ ଉପଲବ୍ଧ ହେବ। ଇପିଏଫଓ ଦ୍ୱାରା ଜାରି ସ୍ମାରକପତ୍ର ଅନୁଯାୟୀ ଯଦି ଜୀବନ ପ୍ରତି ବିପଦ ଥିବା ରୋଗୀର ଡାକ୍ତରଖାନାରେ ଭର୍ତ୍ତି ହେବା ପାଇଁ ଜରୁରୀକାଳୀନ ଆବଶ୍ୟକତା ଥାଏ, ତେବେ ପିଏଫ ଆକାଉଣ୍ଟଧାରୀ ଏହି ସୁବିଧା ସୁଯୋଗ ନେଇପାରିବେ।
ମେଡିକାଲ ଆଡଭାନ୍ସ ଦାବି ଅନୁଯାୟୀ କର୍ମଚାରୀଙ୍କ ପାଇଁ ଆବେଦନ କରିବା ପାଇଁ କିଛି ଜରୁରୀ ସର୍ତ୍ତ ରହିଛି। ଉଦାହରଣ ସ୍ୱରୂପ, ଆବେଦନକାରୀଙ୍କ ରୋଗୀଙ୍କୁ ସରକାରୀ / ପବ୍ଲିକ୍ ସେକ୍ଟର ୟୁନିଟ୍ / CGHS ପ୍ୟାନେଲ୍ ହସ୍ପିଟାଲରେ ଭର୍ତ୍ତି ହୋଇଥିବା ଦରକାର। ଯଦି ଆପଣ ଜରୁରୀକାଳୀନ ପରିସ୍ଥିତିରେ ଏକ ଘରୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି, ତେବେ ଏ ସମ୍ପର୍କରେ ତଦନ୍ତ କରାଯିବ। କେବଳ ଏହି ପ୍ରକ୍ରିୟା ପରେ ଆପଣ ଡାକ୍ତରୀ ଦାବି ପାଇଁ ଆବେଦନ ପୂରଣ କରିପାରିବେ।
ଚାକିରି କରୁଥିବା ଲୋକଙ୍କ ଆର୍ଥିକ ସଙ୍କଟକୁ ଦୃଷ୍ଟିରେ ରଖି ଇପିଏଫଓ ଏପରି ସୁବିଧା ଦେଉଛି । ଏହି ସୁବିଧା ଅଧିନରେ ଆପଣ କେବଳ ୧ ଲକ୍ଷ ଟଙ୍କା ପର୍ଯ୍ୟନ୍ତ ଆଡଭାନ୍ସ ଉଠାଇପାରିବେ । ଯଦି ଆପଣ କାର୍ଯ୍ୟ ଦିବସରେ ଆବେଦନ କରୁଛନ୍ତି, ତେବେ ପରଦିନ ଆପଣଙ୍କ ଟଙ୍କା ଆକାଉଣ୍ଟକୁ ଟ୍ୟାନ୍ସଫର ହୋଇଯିବ । ଟଙ୍କା କେବଳ ମେଡିକାଲ କ୍ଲେମ୍ ଅନୁଯାୟୀ ମିଳିବ । ଏହି ମେଡିକାଲ ଡିସଚାର୍ଜ ହେବାର ୪୫ ଦିନ ମଧ୍ୟରେ ମେଡିକାଲ ସ୍ଲିପ୍ ଜମା କରିବାକୁ ପଡିବ ।
ତେବେ ଆସନ୍ତୁ ଜାଣିବା ଟଙ୍କା ଉଠାଇବାର ପ୍ରକ୍ରିୟା…
– ପ୍ରଥମେ ଆପଣ ଅଫିସିଆଲ୍ ୱେବସାଇଟ୍ www.epfindia.gov.in ରେ ଅନଲାଇନ୍ ଆଡ଼ଭାନ୍ସ କ୍ଲେମ ନେଇପାରିବେ ।
–unifiedportalmem.epfindia.gov.in ରୁ ମଧ୍ୟ ଆଡଭାନ୍ସ ଦାବି କରାଯାଇପାରିବ ।
– ଏଠାରେ ଆପଣଙ୍କୁ ଅନଲାଇନ୍ ସେବା ଉପରେ କ୍ଲିକ୍ କରିବାକୁ ପଡିବ ।
– ବର୍ତ୍ତମାନ ଆପଣଙ୍କୁ ଦାବି (ଫର୍ମ -31,19,10C ଏବଂ 10D) ପୂରଣ କରିବାକୁ ପଡିବ ।
– ଏହା ପରେ ନିଜ ବ୍ୟାଙ୍କ ଆକାଉଣ୍ଟର ଶେଷ ୪ ଅଙ୍କ ଏଣ୍ଟର କରି ଯାଞ୍ଚ କରିବାକୁ ପଡିବ ।
– ବର୍ତ୍ତମାନ ଆପଣଙ୍କୁ Proceed for Online Claim ଉପରେ କ୍ଲିକ୍ କରିବାକୁ ପଡିବ ।
– ଡ୍ରପ୍ ଡାଉନ୍ ରୁ PF Advance କୁ (Form 31) ସିଲେକ୍ଟ କରିବାକୁ ପଡିବ ।
– ଏହା ପରେ ଆପଣଙ୍କୁ ଟଙ୍କା ଉଠାଇବାର କାରଣ ମଧ୍ୟ ଦେବାକୁ ପଡିବ ।
– ବର୍ତ୍ତମାନ ଆପଣଙ୍କୁ ରାଶି ଏଣ୍ଟର୍ କରିବାକୁ ପଡିବ ଓ ଚେକର ସ୍କାନ୍ କପି ଅପଲୋଡ୍ କରିବାକୁ ପଡିବ ।
– ଏହା ପରେ ନିଜ ଠିକଣା ଓ ସମ୍ପୂର୍ଣ୍ଣ ବିବରଣୀ ପୂରଣ କରିବାକୁ ପଡିବ ।
– Get Aadhaar OTP ଉପରେ କ୍ଲିକ୍ କରନ୍ତୁ ଓ ଆଧାର ଲିଙ୍କ୍ ହୋଇଥିବା ମୋବାଇଲରେ ଆସିଥିବା OTPକୁ ଏଣ୍ଟର କରନ୍ତୁ ।
– ଏବେ ଆପଣଙ୍କ ଦାବି ଦାଖଲ ହୋଇଯିବ ।
