କମିବନି ସ୍ୱଳ୍ପ ସଞ୍ଚୟକାରୀଙ୍କ ସୁଧହାର, ୨୪ ଘଣ୍ଟା ଭିତରେ ନିଷ୍ପତ୍ତି ପ୍ରତ୍ୟାହର କରି ଟ୍ଵିଟ୍ ଯୋଗେ ସୂଚନା ଦେଲେ ଅର୍ଥମନ୍ତ୍ରୀ
କେନ୍ୟୁଜ୍(ବ୍ୟୁରୋ): କମିବନି ସ୍ୱଳ୍ପ ସଞ୍ଚୟକାରୀଙ୍କ ସୁଧହାର । ୨୪ ଘଣ୍ଟା ଭିତରେ ନିଷ୍ପତ୍ତି ପ୍ରତ୍ୟାହର କଲେ କେନ୍ଦ୍ର ସରକାର । ସୁଧହାର ପୂର୍ବ ପରି ଅପରିବର୍ତ୍ତିତ ରହିବା ନେଇ ଟ୍ଵିଟ୍ କରି ସୂଚନା ଦେଇଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ନୂଆ ଆର୍ଥିକ ବର୍ଷରେ ନୂଆ ନୀତି ଲାଗୁ ହୋଇଥାନ୍ତା । ଫଳରେ ସ୍ୱଳ୍ପ ଜମା ଯୋଜନାରେ ନିବେଶ କରୁଥିବା ବ୍ୟକ୍ତିଙ୍କୁ ଝଟ୍କା ଲାଗିଥାନ୍ତା । ହେଲେ ଏହି ନିଷ୍ପତ୍ତି ପ୍ରତ୍ୟାହାର କରିଛନ୍ତି ସରକାର । ଅର୍ଥମନ୍ତ୍ରୀ ଟ୍ଵିଟ୍ କରି କହିଛନ୍ତି, ସୁଧହାର ପୂର୍ବ ପରି ଚାଲୁ ରହିବ ।
Interest rates of small savings schemes of GoI shall continue to be at the rates which existed in the last quarter of 2020-2021, ie, rates that prevailed as of March 2021.
Orders issued by oversight shall be withdrawn. @FinMinIndia @PIB_India— Nirmala Sitharaman (@nsitharaman) April 1, 2021
ମାର୍ଚ୍ଚ ୨୦୨୧ ଦର ଚାଲୁ ରହିବ ବୋଲି କହିଛନ୍ତି ନିର୍ମଳା ସୀତାରମଣ । ପୂର୍ବ ପରି ପିପିଏଫରେ ଟଙ୍କା ଡିପୋଜିଟ କଲେ ୭ ଦଶମିକ ୧ ପ୍ରତିଶତ ସୁଧ ମିଳିବ । NCS ସୁଧହାର ଓ ସୁକନ୍ୟା ସମୃଦ୍ଧି ଯୋଜନାରେ ବି ସୁଧ ପୂର୍ବ ପରି ହିଁ ରହିବ । ସୁକନ୍ୟା ସମୃଦ୍ଧି ଯୋଜନାରେ ପୂର୍ବ ପରି ସୁଧହାର ୭.ଦଶମିକ ୬ ପ୍ରତିଶତ ରହିବ ।
