ବିନିଯୋଗ ହେଉଛି ଏକମାତ୍ର ଉପାୟ ଯାହା ମାଧ୍ୟମରେ ଆପଣ ନିଜ ଏବଂ ଆପଣଙ୍କ ପରିବାରର ଭବିଷ୍ୟତକୁ ସୁରକ୍ଷିତ କରିପାରିବେ। ଏଥିପାଇଁ ଏକାଧିକ ସ୍କିମ୍ ରହିଛି ।ଅନେକ ସେମାନଙ୍କ ଜମାରାଶିକୁ ବ୍ୟାଙ୍କରେ ରଖିଥାନ୍ତି କିମ୍ବା କୌଣସି ସ୍କିମରେ ନିବେଶ କରିଥାନ୍ତି । ଯଦି ଆପଣ ରିସ୍କ ନେବାକୁ ସକ୍ଷମ ତେବେ ଆପଣ ସେୟାର ବଜାର କିମ୍ବା ମ୍ୟୁଚୁଆଲ ଫଣ୍ଡରେ ଟଙ୍କା ନିବେଶ ପାରିପାରିବେ । ହେଲେ ଏମିତି ବି କିଛି ସ୍କିମ୍ ଅଛି ଯେଉଁଥିରେ ବିନା ରିସ୍କରେ ନିବେଶ କରିପାରିବେ । ତେବେ ସୁରକ୍ଷିତ ନିବେଶ ଏବଂ ଭଲ ରିଟର୍ଣ୍ଣ ପାଇବା ପାଇଁ ପୋଷ୍ଟ ଅଫିସର ଏହି ଯୋଜନା (ପୋଷ୍ଟ ଅଫିସ୍ ସେଭିଂ ସ୍କିମ୍) କିସାନ ବିକାଶ ପତ୍ର ଆପଣଙ୍କ ପାଇଁ ବହୁତ ଲାଭଦାୟକ ହୋଇପାରେ ।
ପୋଷ୍ଟ ଅଫିସ ଯୋଜନାଗୁଡ଼ିକ ହେଉଛି ଦୀର୍ଘକାଳୀନ ବିନିଯୋଗ। ଏହି ଯୋଜନାଗୁଡିକ ସେହିମାନଙ୍କ ପାଇଁ ଯେଉଁମାନେ ପାରମ୍ପାରିକ ନିବେଶକୁ ପସନ୍ଦ କରନ୍ତି ଏବଂ ସେମାନଙ୍କର ଦୀର୍ଘମିଆଦି ଦୃଷ୍ଟିକୋଣ ଥାଏ । ଡାକଘର ଯୋଜନାରେ ସରକାରୀ ଗ୍ୟାରେଣ୍ଟି ଉପଲବ୍ଧ ଅର୍ଥାତ୍ ଏଥିରେ କୌଣସି ବିପଦ ନାହିଁ। ଏଠାରେ ଆମେ ଆପଣଙ୍କୁ ଏପରି ଏକ ପୋଷ୍ଟ ଅଫିସ୍ ସ୍କିମ୍ ବିଷୟରେ କହିବାକୁ ଯାଉଛୁ, ଯାହାର ନାମ କିସାନ୍ ବିକାଶ ପତ୍ର ।
କୃଷକଙ୍କ ନିବେଶକୁ ଦ୍ୱିଗୁଣିତ କରିବା ଉଦେଶ୍ୟରେ ଏହାକୁ ଆରମ୍ଭ କରାଯାଇଥିଲା । ତେବେ ବର୍ତ୍ତମାନ ଏହି ସେବା ଏବେ ସମସ୍ତଙ୍କ ପାଇଁ ଉପଲବ୍ଧ । ଏହି ଯୋଜନାରେ ୧୦ ବର୍ଷ ଏବଂ ୪ ମାସ ଅର୍ଥାତ୍ ୧୨୪ ମାସରେ ଆପଣ ଜମାକରାଇଥିବା ଟଙ୍କା ଦ୍ୱିଗୁଣିତ ହୋଇପାରିବ । ଏହି ଜମା ଖାତାରେ ୬.୯% ସୁଧ ମିଳିଥାଏ ।
କିସାନ ବିକାଶ ପତ୍ର ଯୋଜନାରେ ଆପଣଙ୍କୁ ପ୍ରମାଣପତ୍ର ଭାବରେ ନିବେଶ କରିବାକୁ ପଡ଼ିଥାଏ । ଆପଣ ଏହି ପ୍ରମାଣପତ୍ରକୁ ୧୦୦୦ ଟଙ୍କା, ୫୦୦୦ ଟଙ୍କା, ୧୦୦୦୦ ଟଙ୍କା ଏବଂ ୫୦୦୦୦ ଟଙ୍କା ଭାବରେ କିଣିପାରିବେ । ୫୦୦୦୦ରୁ ଅଧିକ ନିବେଶ ଉପରେ ପ୍ୟାନ କାର୍ଡ ବାଧ୍ୟତାମୂଳକ ଥିବାବେଳେ ୧୦ ଲକ୍ଷ କିମ୍ବା ଏହାଠାରୁ ଅଧିକ ନିବେଶ ଉପରେ ଆୟ ପ୍ରମାଣ ଜମା କରିବାକୁ ପଡ଼ିବ, ଯେମିତିକି ଇନକମ ଟ୍ୟାକ୍ସ ରିଟର୍ଣ୍ଣ, ସାଲାରୀ ସ୍ଲିପ ଏବଂ ବ୍ୟାଙ୍କ ଷ୍ଟେଟମେଣ୍ଟ । ଏହାଛଡ଼ା ପରିଚୟ ପତ୍ର ମଧ୍ୟ ଦେବାକୁ ପଡ଼ିଥାଏ ।
ଏହି ଯୋଜନା ଅନୁଯାୟୀ କୌଣସି ଭାରତୀୟ ନାଗରିକ ଯାହାର ବୟସ ୧୮ ବର୍ଷରୁ ଅଧିକ ହୋଇଥାଏ ସେ ଏହି ଆକାଉଣ୍ଟ ଖୋଲାଇପାରିବେ । ତେବେ ଆକାଉଣ୍ଟ ଖୋଲିବାର ସର୍ବାଧିକ ବୟସ ସୀମା ବିଷୟରେ କୁହାଯାଇନାହିଁ । ତେବେ ୧୦ ବର୍ଷରୁ ୧୮ ବର୍ଷରୁ କମ୍ ନାବାଳକଙ୍କ ନାମରେ ବି କେଭିପି ସାର୍ଟିଫିକେଟ କିଣିପାରିବେ ।
ଏହି ଯୋଜନାର ଅନ୍ୟ ସୁବିଧା ମୁତାବକ ଆପଣଙ୍କୁ ବ୍ରାଞ୍ଚ ଟ୍ରାନ୍ସଫର କରିବାର ବିକଳ୍ପ ରହିଛି । ଏହାସହ ଆପଣ ସଂଚୟ କରିବାର ୨.୬ ବର୍ଷ ପରେ ଆପଣଙ୍କ ଅସୂୁବିଧା ସମୟରେ ଆପଣ ପଲିସି ଭାଙ୍ଗି ସମ୍ପୂର୍ଣ୍ଣ ଟଙ୍କା ଉଠାଇ ପାରିବେ । କିଷାନ ବିକାଶ ପତ୍ରରେ ନିବେଶ କଲେ ଏସବୁ ସୁବିଧା ସହ ଆପଣଙ୍କୁ କରଛାଡ ସୁବିଧା ମିଳିଥାଏ । ଏହାସହ ଆପଣ ସିଙ୍ଗଲ କିମ୍ବା ଜଏଣ୍ଟ ଭାବେ ଏହି ପଲିସି ନେଇପାରିବେ । ଏହା ଏକ ଫିକ୍ସ ଡିପୋଜିଟ ସ୍କିମ । ଏଥିରେ ଆପଣ ଗୋଟିଏ ଥର ଜମା କରିବେ । ଏହି ସ୍କିମରେ ଆପଣ ସର୍ବନିମ୍ନ ୧ ହଜାର ଟଙ୍କା ଜମା କରିପାରିବେ । ଏଥିରେ ନିବେଶ ନେଇ କୌଣସି ଲିମିଟ ନାହିଁ । କେନ୍ଦ୍ର ସରକାର ୧୯୯୮ ମସିହାରେ ଏହି ଯୋଜନାର ଆରମ୍ଭ କରିଥିଲେ ।