ଆଜି ପୁଣି ଲଗାତର ୨୦ ଦିନରେ ପେଟ୍ରୋଲ ଓ ଡିଜେଲ ଦର ବୃଦ୍ଧି, ଜାଣନ୍ତୁ ବର୍ତ୍ତମାନର ମୂଲ୍ଯ କେତେ ?
ନୂଆଦିଲ୍ଲୀ: ଭାରତୀୟ ବଜାରରେ ଆଜି ପୁଣି ବଢିଲା ତୈଳଦର। ଲଗାତର ୨୦ ଦିନରେ ପେଟ୍ରୋଲ ଓ ଡିଜେଲ ଦର ବଢିଛି। ଡିଜେଲ ୧୭ ଓ ପେଟ୍ରୋଲ ଲିଟର ପିଛା ୨୧ପଇସା ବୃଦ୍ଧି ହୋଇଛି। ଫଳରେ ଦିଲ୍ଲୀରେ ପେଟ୍ରୋଲ ଓ ଡିଜେଲ ଦର ୮୦ ଟଙ୍କା ପାର୍ କରିଛି।
ଗତ ୭ ତାରିଖରୁ ୨୫ ତାରିଖ ମଧ୍ୟରେ ଏହି ଦର ବଢିଛି। ଏହା ଭିତରେ ପେଟ୍ରୋଲ ଲିଟର ପିଛା ପ୍ରାୟ ୯ ଟଙ୍କା ଓ ଡିଜେଲ ଲିଟର ଉପରେ ୧୧ ଟଙ୍କା ବଢିଛି। ସେପଟେ ତୈଳ ଦର ବୃଦ୍ଧି ଫଳରେ ସାଧାରଣ ଲୋକଙ୍କ ଭିତରେ ଅସନ୍ତୋଷ ପ୍ରକାଶ ପାଇଛି। ପବ୍ଲିକ ଟ୍ରାନ୍ସପୋର୍ଟ ସହ ଦରଦାମ ବୃଦ୍ଧି ଆଶଙ୍କା ଦେଖାଦେଇଛି ।
ସୂଚନା ଥାଉକି, ପେଟ୍ରୋଲ ଓ ଡିଜେଲ ଉପରେ କେନ୍ଦ୍ର ସରକାର ଭାରୀ ଏକ୍ସାଇଜ୍ ଡ୍ୟୁଟି ବଢାଇଦେଇଥିବାରୁ ତୈଳ ଦର ଲାଗାତାର ବଢି ଚାଲିଛି। କେନ୍ଦ୍ର ସରକାର ପେଟ୍ରୋଲ ଉପରେ ୧୦ ଟଙ୍କା ଓ ଡିଜେଲ ଉପରେ ୧୩ ଟଙ୍କା ଏକ୍ସସାଇଜ ଡ୍ୟୁଟି ଲଗାଇଛନ୍ତି । ଯାହାଫଳରେ ୮୦ଟଙ୍କା ପାର୍ କରିଛି ଡିଜେଲ ଦର। ଯାହା ଭାରତ ଇତିହାସରେ ପ୍ରଥମ ।
