ଗ୍ରାହକଙ୍କ ପାଇଁ ଆଜି ଏକ ଭଲ ଖବର। ଆଜି ପେଟ୍ରୋଲ ଏବଂ ଡିଜେଲ ଉଭୟ ଦାମରେ ହ୍ରାସ ଘଟିଛି। ଡିଜେଲ ଦାମରେ ୫୦ ପଇସା ପର୍ୟ୍ୟନ୍ତ ହ୍ରାସ ପାଇଛି। ସେହିପରି ପେଟ୍ରୋଲ ବିଷୟରେ କହିବା ତ ଏଥିରେ ମଧ୍ୟ ୫୦ ପଇସା ହ୍ରାସ ଘଟିଛି। ତେବେ ଏହାପୂର୍ବରୁ ୩୦ ଜୁଲାଇରେ ଦିଲ୍ଲୀ ସରକାର ଡିଜେଲ ଦାମରେ ୮.୩୬ ଟଙ୍କା ହ୍ରାସ କରାଯାଇଥିଲା, ଯାହାପରେ ଦିଲ୍ଲୀରେ ଡିଜେଲର ଦାମ ବଜାରରେ ୭୩.୫୬ ଟଙ୍କା ପ୍ରତି ଲିଟର ହୋଇଯାଇଥିଲା। ଆଜି ଭୁବନେଶ୍ୱରରେ ପେଟ୍ରୋଲ ଲିଟର ପିଛା ରହିଛି ୮୧ ଟଙ୍କା ୪୪ ପଇସା । ସେହିପରି ଡିଜେଲ ପ୍ରତି ଲିଟର ପିଛା ରହିଛି ୭୭.୪୧ ଟଙ୍କା।
କେମିତି ଜାଣିବେ ଆପଣଙ୍କ ସହରରେ କେତେ ଅଛି ଦାମ
ପେଟ୍ରୋଲ ଏବଂ ଡିଜେଲ ଦାମ ଆପଣ SMS ମାଧ୍ୟମରେ ମଧ୍ୟ ଜାଣିପାରିବେ। ଇଣ୍ଡିଆନ ଅଏଲ ୱେବସାଇଟ ଅନୁଯାୟୀ ଆପଣଙ୍କୁ ଏବଂ ନିଜ ସହରର କୋଡ ଲେଖି ୯୨୨୪୯୯୨୨୪୯ ନମ୍ବରକୁ ପଠାଇବାକୁ ହେବ। ପ୍ରତି ସହରର କୋଡ ଅଲଗା ଅଲଗା ରହିଥାଏ। ଯାହା ଆପଣଙ୍କୁ ଆଇସିଓଏଲ ୱେବସାଇଟରୁ ମିଳିଯିବ।
ପ୍ରତିଦିନ ଛଅଟା ବେଳେ ବଦଳିଯାଏ ମୂଲ୍ୟ
ସୂଚନା ମୁତାବକ ପ୍ରତ୍ୟେକ ଦିନ ସକାଳ ୬ଟା ରେ ପେଟ୍ରୋଲ ଏବଂ ଡିଜେଲ୍ ଦାମରେ ପରିବର୍ତ୍ତନ ହୋଇଥାଏ। ପେଟ୍ରୋଲ ଏବଂ ଡିଜେଲ ମୂଲ୍ୟରେ ଏକ୍ସାଇଜ୍ ଡ୍ୟୁଟି, ଡିଲର କମିଶନ ଏବଂ ଅନ୍ୟାନ୍ୟ ଜିନିଷ ଯୋଡିବା ପରେ ଏହାର ମୂଲ୍ୟ ପ୍ରାୟ ଦ୍ୱିଗୁଣିତ ହୁଏ | ବୈଦେଶିକ ମୂଲ୍ୟ ସହିତ ଅନ୍ତର୍ଜାତୀୟ ବଜାରରେ ଅଶୋଧିତ ମୂଲ୍ୟ କ’ଣ ତାହା ଉପରେ ନିର୍ଭର କରି ପେଟ୍ରୋଲ ଏବଂ ଡିଜେଲ ମୂଲ୍ୟ ପ୍ରତିଦିନ ବଦଳିଥାଏ।