ପଂଜାବ ନ୍ୟାସନାଲ ବ୍ୟାଙ୍କ ଠକେଇ ମାମଲା, ପଳାତକ ନୀରବ ମୋଦୀଙ୍କୁ ଆଜି ଲଣ୍ଡନ ୱେଷ୍ଟମିନିଷ୍ଟର କୋର୍ଟରେ କରାଯିବ ହାଜର

ଲଣ୍ଡନ: ପଂଜାବ ନ୍ୟାସନାଲ ବ୍ୟାଙ୍କ ଠକେଇ ମାମଲାର ପଳାତକ ନୀରବ ମୋଦୀଙ୍କୁ ଆଜି ଲଣ୍ଡନ ୱେଷ୍ଟମିନିଷ୍ଟର କୋର୍ଟରେ ହାଜର କରାଯିବ । ନିୟମିତ ରିମାଣ୍ଡ ଶୁଣାଣି ଲାଗି ତାଙ୍କୁ ଭିଡିଓ ଲିଙ୍କରେ କୋର୍ଟରେ ହାଜର କରାଯିବ । ଲଣ୍ଡନର ୱ୍ଵାର୍ଡୱ୍ଵର୍ଥ ଜେଲରେ ଏବେ ଅଛନ୍ତି ନିରବ ମୋଦୀ । ଭାରତକୁ ପ୍ରତ୍ୟାବର୍ତ୍ତନ ନେଇ ମେ ୧୧ ତାରିଖରୁ ୱେ୍ଵଷ୍ଟ ମିନିଷ୍ଟର କୋର୍ଟରେ ଶୁଣାଣି ଆରମ୍ଭ ପାଇଁ ଦିନ ଧାର୍ଯ୍ୟ ହୋଇଛି ।

୨୦୧୮ ମସିହାରେ ଲଣ୍ଡନ ପୋଲିସ ତାଙ୍କୁ ଗିରଫ କରିଥିଲା । ଗତ ମେ ମାସରୁ ନୀରବ ମୋଦୀଙ୍କୁ ୱ୍ଵାର୍ଡୱ୍ଵର୍ଥ ଜେଲରେ ରଖାଯାଇଛି। ପଂଜାବ ନ୍ୟାସନାଲ ବ୍ୟାଙ୍କରୁ ୯ ହଜାର କୋଟି ଠକେଇ କରି ଭାରତରୁ ଖସିଯାଇ ଲଣ୍ଡନରେ ନୀରବ ମୋଦୀ ଆତ୍ମଗୋପାନ କରିଥିଲେ। ଗିରଫ ପରେ ବାରଂବାର ଜାମିନ ପାଇଁ ଆବେଦନ କରିଥିଲେ ମଧ୍ୟ ଜାମିନ ନାମଂଜୁର ହୋଇଛି। ପ୍ରତ୍ୟର୍ପଣଲାଗି ଭାରତ ସରକାର ଉଦ୍ୟମ ଜାରି ରଖିଛନ୍ତି।