ସାଧାରଣତଃ ଲୋକ ମାନଙ୍କୁ ଘର କିମ୍ବା କାର କିଣିବା ପାଇଁ ହୋମଲୋନ ଅଥବା ଅଟୋଲୋନ ନେବାକୁ ପଡିଥାଏ ଏବଂ ଏହି ଲୋନ ମିଳିବା ଏତେବି ସହଜ ହୋଇନଥାଏ । ସେଥିପାଇଁ ଲୋକମାନଙ୍କୁ ଅନେକ ଦିନ ପର୍ଯ୍ୟନ୍ତ ବ୍ୟାଙ୍କର ଚକ୍କର କାଟିବାକୁ ପଡିଥାଏ କିନ୍ତୁ ବର୍ତ୍ତମାନ କେବଳ ଏକ ଘଂଟାରେ ଆପଣଙ୍କୁ ହୋମ ଓ ଅଟୋ ଲୋନ ମିଳିପାରିବ ଏବଂ ଏଥିପାଇଁ ମଧ୍ୟ ଆପଣଙ୍କୁ କୌଣସି ସ୍ଥାନକୁ ଯିବାର ଆବଶ୍ୟକତା ପଡ଼ିବ ନାହିଁ ।
ବର୍ତ୍ତମାନ ଦେଶର ସରକାରୀ ବ୍ୟାଙ୍କ ଗୁଡିକ ମାତ୍ର ୫୯ ମିନିଟରେ ହୋମ ଏବଂ ଅଟୋ ଲୋନ ପ୍ରଦାନ କରିବା ପ୍ରସ୍ତୁତିରେ ଲାଗିପଡିଛନ୍ତି । ନ୍ୟୁଜ ଏଜେନ୍ସି ପିଟିଆଇ ଅନୁସାରେ ପବ୍ଲିକ ସେକ୍ଟରର ବ୍ୟାଙ୍କ ଗୁଡିକ ମଧ୍ୟ ଏହି ସ୍କିମ ଉପରେ କାମ କରିବା ଆରମ୍ଭ କରିଦେଇଛନ୍ତି ।
ଏହି ବିଷୟରେ ସୂଚନା ଦେଇ ବ୍ୟାଙ୍କ ଅଫ ଇଣ୍ଡିଆର ଜେନେରାଲ ମ୍ୟାନେଜର ସୁନୀଲ କୁମାର କହିଛନ୍ତି ଆମେ ବର୍ତ୍ତମାନ ଏହି ସ୍କିମ ଉପରେ କାମ କରୁଛୁ । ଅତିଶୀଘ୍ର ବ୍ୟାଙ୍କ ତରଫରୁ ୫୯ ମିନିଟ ମଧ୍ୟରେ ହୋମ ଓ ଅଟୋ ଲୋନ ଭଳି ସୁବିଧା ଗ୍ରାହକ ମାନଙ୍କୁ ପ୍ରଦାନ କରିବ ସେହିଭଳି ଇଣ୍ଡିଆନ ଓଭରସିଜ ବ୍ୟାଙ୍କ ମଧ୍ୟ ଏହି ସ୍କିମ ଉପରେ କାମ କାରୁଅଛି ।
ଏଥିପାଇଁ ବ୍ୟାଙ୍କ ‘psbloansin59minutes.com’ ରେ ଏହି ସୁବିଧା ଆରମ୍ଭ କରିବ ବୋଲି ନିଷ୍ପତ୍ତି ନେଇଛି । ବର୍ତ୍ତମାନ ଏହି ପୋର୍ଟାଲରେ ମାଇକ୍ରୋ, ସ୍ମଲ ଏବଂ ମିଡିୟମ ଇଣ୍ଡଷ୍ଟ୍ରି ଗୁଡିକୁ ୫୯ ମିନିଟ ମଧ୍ୟରେ ୧ କୋଟି ପର୍ଯ୍ୟନ୍ତ ଲୋନ ଦେବାର ଯୋଜନା ଆରମ୍ଭ ହୋଇଛି ।
ଏହାସହ ପଢନ୍ତୁ ୨୦୦୦ଟଙ୍କିଆ ହୋଇଯିବ କି ବ୍ୟାନ୍ ! ଜାଣନ୍ତୁ ସାକ୍ଷାତକାରରେ ସାମ୍ବାଦିକଙ୍କୁ କଣ କହିଲେ ଅର୍ଥ ମନ୍ତ୍ରୀ ?
ବ୍ୟାଙ୍କର ଏହି ନିଷ୍ପତ୍ତି ପରେ ସାଧାରଣ ଲୋକ ମାନଙ୍କୁ ଲୋନ ନେବା ପାଇଁ ସୁବିଧା ହେବ । ସୂଚନା ଅନୁଯାୟୀ ଏହି ହୋମ ଏବଂ ଅଟୋ ଲୋନ ନେବାର ପ୍ରକ୍ରିୟା ଶେଷ ହେବ ପାଇଁ ଏକ ସପ୍ତାହରୁ ଉର୍ଦ୍ଧ୍ୱ ସମୟ ଲାଗିବ ।