ଚାକିରୀ କରୁଥିବା ଲୋକଙ୍କୁ ସରକାର ଦେଲେ ବଡ ପୁରସ୍କାର, ଗ୍ରାଚ୍ୟୁଇଟି ପାଇଁ ଆଉ କରିବାକୁ ପଡ଼ିବନି ଅପେକ୍ଷା
ଦେଶର ଉଭୟ ସଂଗଠିତ ତଥା ଅସଂଗଠିତ ଶ୍ରମିକଙ୍କୁ ସୁବିଧା ଯୋଗାଇବା ପାଇଁ ରାଜ୍ୟସଭା ଦ୍ୱାରା ନୂତନ ଶ୍ରମ ବିଲ୍ ଅନୁମୋଦନ କରାଯାଇଥିଲା । ଚାକିରୀ କରୁଥିବା ଲୋକମାନେ ଏହି ନିୟମ ଦ୍ୱାରା ଉପକୃତ ହେବେ । ବର୍ତ୍ତମାନ ଗ୍ରାଚ୍ୟୁଇଟିରେ ନିୟୋଜିତ ଲୋକଙ୍କୁ ଆଉ ପାଞ୍ଚ ବର୍ଷ ଅପେକ୍ଷା କରିବାକୁ ପଡିବ ନାହିଁ । ପାଞ୍ଚ ବର୍ଷ ପରିବର୍ତ୍ତେ ଏବେ ମାତ୍ର ଏକ ବର୍ଷରେ ଗ୍ରାଚ୍ୟୁଇଟି ମିଳିବ ।
ଏବେ ଗ୍ରାଚ୍ୟୁଇଟିର ଲାଭ ପାଇବାକୁ ହେଲେ ଗୋଟିଏ କମ୍ପାନୀରେ ଅତି କମରେ ପାଞ୍ଚ ବର୍ଷ କାମ କରିବା ଆବଶ୍ୟକ । ନୂତନ ବ୍ୟବସ୍ଥା ଅନୁଯାୟୀ, ବର୍ତ୍ତମାନ ଚୁକ୍ତିନାମା ଭିତ୍ତିରେ କାର୍ଯ୍ୟ କରୁଥିବା କର୍ମଚାରୀମାନେ ଚୁକ୍ତିନାମା ଅବଧି ନିର୍ବିଶେଷରେ ସେମାନଙ୍କ ବେତନ ସହିତ ଗ୍ରାଚ୍ୟୁଇଟିର ଲାଭ ପାଇପାରିବେ ।
କଣ ଏହି ଗ୍ରାଚ୍ୟୁଇଟି ?
କମ୍ପାନୀ ତରଫରୁ କର୍ମଚାରୀମାନଙ୍କୁ ଗ୍ରାଚ୍ୟୁଇଟି ଦିଆଯାଏ । ଏହାର ସର୍ବାଧିକ ସୀମା ହେଉଛି ୨୦ ଲକ୍ଷ ଟଙ୍କା । କର୍ମଚାରୀ ଗୋଟିଏ କମ୍ପାନୀରେ ୨୦ ବର୍ଷ କାମ କରିଥିଲେ ଏବଂ ତାଙ୍କର ଅନ୍ତିମ ଦରମା ହେଉଛି ୬୦ ହଜାର ଟଙ୍କା । ଏହି ଦରମା ୨୬ ଦ୍ୱାରା ବିଭକ୍ତ ହୋଇଥାଏ, କାରଣ ୨୬ ଦିନ ଗ୍ରାଚ୍ୟୁଇଟି ପାଇଁ ବିବେଚନା କରାଯାଏ । ଯେଉଁଥିରୁ ୨,୩୦୭ ଟଙ୍କା ଆୟ ହୋଇଥାଏ ।
ବର୍ତ୍ତମାନ ଚାକିରିର ସମୁଦାୟ ବର୍ଷକୁ ୧୫ରେ ଗୁଣନ୍ତୁ, କାରଣ ବର୍ଷରେ ୧୫ ଦିନ ଆଧାରରେ ଗ୍ରାଚ୍ୟୁଇଟି ଗଣନା କରାଯାଏ । ଏହି ଅବଧି ଆସିବ ୩୦୦ ଯାହାକି ୨,୩୦୭ ଦ୍ୱାରା ପୁନର୍ବାର ଗୁଣନ କଲେ ମୋଟ ଗ୍ରାଚ୍ୟୁଟି ୬,୯୨,୧୦୦ ଟଙ୍କା ହୋଇଯିବ ।
ଏହି ବିଲ୍ ପାରିତ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ଅଫିସିଆଲ୍ ଟ୍ୱିଟର ଆକାଉଣ୍ଟରେ ଲେଖିଛନ୍ତି ଯେ ଦୀର୍ଘ ଦିନ ଧରି ଆବଶ୍ୟକ ହେଉଥିବା ଶ୍ରମ ସୁଧାର ସଂସଦରେ ପାରିତ ହୋଇଛି । ଏହି ସୁଧାର ଗୁଡିକ ଆମର ପରିଶ୍ରମୀ ଶ୍ରମିକମାନଙ୍କୁ ଲାଭ ପହଞ୍ଚାଇବା ସହିତ ଅର୍ଥନୈତିକ ବିକାଶକୁ ପ୍ରୋତ୍ସାହିତ କରିବ ।
