ରିଲଞ୍ଚ ହେବ Yamaha RX100 , ଜାଣନ୍ତୁ ଏହା ସତ ନା ଗୁଜବ
ପୂର୍ବ RX100 ସଫଳ ହେବାର କାରଣ ହେଉଛି ଏହାର ଉପଯୁକ୍ତ ପ୍ରାଇସ୍ ଟ୍ୟାଗ । ଯଦି Yamaha ପୂନର୍ବାର ଲଞ୍ଚ କରିବାକୁ ଯାଉଥିବା ଏହି ଭର୍ସନର ମୂଲ୍ୟ କମ୍ପିଟେଟିଭ ପ୍ରାଇସ ପଏଣ୍ଟରେ ରଖେ ତେବେ ଏହା ଅନେକ ବାଇକ ପ୍ରେମୀଙ୍କୁ ଆକର୍ଷିତ କରିବ । ଏହା ଭାରତୀୟ ମଟରସାଇକେଲ ବଜାରରେ ମଧ୍ୟ ପ୍ରଭାବ ପକାଇବ ।
ମଟର ସାଇକେଲ ପ୍ରେମୀମାନଙ୍କ ହୃଦୟରେ Yamaha RX100 ଏକ ସ୍ୱତନ୍ତ୍ର ସ୍ଥାନ ଅଧିକାର କରିଛି । ଏହା ୧୯୮୦ ମସିହାରେ ଲଞ୍ଚ ହୋଇଥିଲା । RX100 ଏକ ଆଇକନିକ ଟୁ ଷ୍ଟ୍ରୋକ ମଟର ସାଇକେଲ ଯାହା ‘ର’ ପାଓ୍ଵାର ସହ ନିଜର ଭିନ୍ନ ପର୍ଫମାନ୍ସ ପାଇଁ ବେଶ ଜଣାଥିଲା । ନିକଟରେYamaha ର ଏହି RX100 ଗାଡ଼ି ରିଲଞ୍ଚ ହେବା ନେଇ ଗୁଜବ ସୃଷ୍ଟି ହୋଇଛି । ତେବେ ଭାରତୀୟ ବଜାରରେ ଏହି RX100 ରିଲଞ୍ଚ ହେଉଛି କି ନାହିଁ ତାହା ଆମେ ଆପଣଙ୍କୁ ଜଣାଇବୁ ।
Yamaha RX100 କୁ ଏକ ମଟର ସାଇକେଲ କୁହାଯିବ ତାହା ନୁହେଁ ଏହା ଅନେକ ବାଇକ ପ୍ରେମୀଙ୍କ ପାଇଁ ଦୁର୍ବଳତା । ପ୍ରତ୍ୟେକ ବାଇକ ପ୍ରେମୀ ଏହି ବାଇକ କିଣିବା ପାଇଁ ସ୍ୱପ୍ନ ଦେଖିଥାନ୍ତି । ଏହି ବାଇକ ରିଲଞ୍ଚ ହେବା ଗୁଜବକୁ ନେଇ କିଛି ବାଇକ ପ୍ରେମୀଙ୍କ ମଧ୍ୟରେ ଖୁବ ଉତ୍ସାହ ଦେଖାଯାଇଛି ।
ଯଦି ଏହି ଗୁଜବକୁ ବିଶ୍ୱାସ କରାଯାଏ ତେବେ, ବର୍ତ୍ତମାନର ଆଧୁନିକ ସମୟରେ ଏହି Yamaha RX100 ଭଲ ଫିଚର ସହ ଅପଗ୍ରେଡ ହେବ ବୋଲି ଆଶା କରାଯାଉଛି । ପୂର୍ବରୁ ଲଞ୍ଚ ହୋଇଥିବା RX100ରେ ଟୁ ଷ୍ଟ୍ରୋକ ଇଞ୍ଜିନ ଥିବା ବେଳେ ରିଲଞ୍ଚ ହେବାକୁ ଥିବା ଗାଡ଼ିରେ କ୍ଲିନର, ଅଧିକ ଫ୍ୟୁଲ ଯୁକ୍ତ ଫୋର ଷ୍ଟ୍ରୋକ ଇଞ୍ଜିନ ରହିଥିବା ଆଶା କରାଯାଉଛି । ତେବେ Yamahaର ଏହି ବାଇକ ଲେଜେଣ୍ଡାରି ପାଓ୍ଵାର ଏବଂ ପର୍ଫମାନ୍ସକୁ ଧରି ରଖୁଛି କି ନାହିଁ ତାହା ଦେଖିବାକୁ ଅପେକ୍ଷା ।
ତେବେ ଆସନ୍ତୁ ଜାଣିବା ଏହାର ଡିଜାଇନ ଏବଂ ଫିଚର କଣ ରହିଛି ।
ପୂର୍ବ RX100 ରେ ସାଧାରଣ ଡିଜାଇନ ରହିଥିବା ବେଳେ ରିଲଞ୍ଚ ହେବାକୁ ଥିବା ମଟର ସାଇକେଲରେ ଆଧୁନିକ ଡିଜାଇନର ଏଲିମେଣ୍ଟସ୍ ଏବଂ ଫିଚର ରହିଥିବା ଗୁଜବ ହେଉଛି । ଏହା ବ୍ୟତୀତ, ଉନ୍ନତ ମାନର ଏର୍ଗୋନୋମିକ୍ସ, LED ଲାଇଟିଙ୍ଗ, ଡିଜିଟାଲ ଇନ୍ସଟ୍ରୁମେଣ୍ଟ କ୍ଲଷ୍ଟର ଏବଂ ଅନ୍ୟାନ୍ୟ ଆବଶ୍ୟକୀୟ ଜିନିଷ ସାମିଲ ରହିଛି, ଯାହା ରାଇଡିଙ୍ଗ ର ଏକ୍ସପେରିଏନ୍ସକୁ ବଢାଇବ ।
ତେବେ ଏହାର ଦାମ କେତେ ରହିଛି ଆପଣ ନିଶ୍ଚିତ ଭାବେ ଜାଣିବାକୁ ଚାହୁଁଥିବେ । ପୂର୍ବ RX100 ସଫଳ ହେବାର କାରଣ ହେଉଛି ଏହାର ଉପଯୁକ୍ତ ପ୍ରାଇସ୍ ଟ୍ୟାଗ । ଯଦି Yamaha ପୂନର୍ବାର ଲଞ୍ଚ କରିବାକୁ ଯାଉଥିବା ଏହି ଭର୍ସନର ମୂଲ୍ୟ କମ୍ପିଟେଟିଭ ପ୍ରାଇସ ପଏଣ୍ଟରେ ରଖେ ତେବେ ଏହା ଅନେକ ବାଇକ ପ୍ରେମୀଙ୍କୁ ଆକର୍ଷିତ କରିବ । ଏହା ଭାରତୀୟ ମଟରସାଇକେଲ ବଜାରରେ ମଧ୍ୟ ପ୍ରଭାବ ପକାଇବ ।
Yamaha RX100 ରିଲଞ୍ଚ ନେଇ ଗୁଜବ ସୃଷ୍ଟି ହୋଇଥିବା ବେଳେ Yamaha ଏହି ଖବରକୁ ନେଇ କୌଣସି ଅଫିସିଆଲ ଘୋଷଣା କରିନାହିଁ । ଅନ୍ୟପଟେ ବର୍ତ୍ତମାନ ସୁଦ୍ଧା ମିଳିଥିବା ସୂଚନା କିଛି ସ୍ୱତନ୍ତ୍ର ରିପୋର୍ଟରୁ ପ୍ରକାଶ ପାଇଛି । ତେବେ ବାଇକ ପ୍ରେମୀମାନେ Yamahaର ଅଫିସିଆଲ ଘୋଷଣାକୁ ଅପେକ୍ଷା କରିଛନ୍ତି । ତେବେ ଆପଣYamaha ପ୍ରେମୀ କି? ଆପଣ ଏହି RX100 ବାଇକ କିଣିବା ପାଇଁ ଚାହୁଁଛନ୍ତି କି ? ତେବେ ଆମକୁ କମେଣ୍ଟ ମାଧ୍ୟମରେ ନିଶ୍ଚିତ ଜଣାନ୍ତୁ ଏବଂ ଅଧିକ ଅପଡେଟ୍ସ ପାଇଁ ଆମ ଚ୍ୟାନେଲ କେ ନ୍ୟୁଜ ସହ ଯୋଡ଼ି ହୋଇଥାନ୍ତୁ ।
