ଦେଶର ସର୍ବକନିଷ୍ଠ କରୋନା ମୃତ୍ୟୁ, ୪୫ ଦିନର ଶିଶୁ ହସ୍ପିଟାଲର ICUରେ ହାରିଲେ ଜୀବନ
ଏସିଆର ବୃହତ୍ତମ ଶିଶୁ ଡାକ୍ତରଖାନା ଭାବରେ ପରିଗଣିତ କାଲାଭାଟୀ ସରାନ୍ ହସ୍ପିଟାଲରେ ଆଇସିୟୁରେ ଚିକିତ୍ସିତ ହେଉଥିବା ସମୟରେ ଦେଶର ସର୍ବକନିଷ୍ଠ କରୋନାଭାଇରସ୍ ରୋଗୀ ପ୍ରାଣ ହରାଇଛନ୍ତି । ସୂଚନା ଅନୁଯାୟୀ, ଏହି ଡାକ୍ତରଖାନାର ୮ ଜଣ କର୍ମଚାରୀ ମଧ୍ୟ Covid-19 ପଜିଟିଭ୍ ଥିଲେ । ଲେଡି ହାର୍ଡିଙ୍ଗ ମେଡିକାଲ କଲେଜ ସହ ଜଡିତ କାଲାବତୀ ସରାନ ହସ୍ପିଟାଲରେ ସଂକ୍ରମିତଙ୍କ ମଧ୍ୟରେ ଡାକ୍ତର ଏବଂ ନର୍ସ ମଧ୍ୟ ରହିଛନ୍ତି । ତେବେ ୧୦ ମାସର ଶିଶୁ ସମେତ ଅନେକ ନିରୀହ ଲୋକ ମଧ୍ୟ କରୋନା ସଂକ୍ରମିତ ହୋଇଛନ୍ତି ବୋଲି କୁହାଯାଉଛି । ଏଥି ସହିତ ଶିଶୁର ପିତା ମଧ୍ୟ କରୋନାରେ ସଂକ୍ରମିତ ହୋଇଛନ୍ତି । ତେବେ ନିକଟରେ ଡାକ୍ତରଖାନାର ଶିଶୁ ୱାର୍ଡରେ ପରିମଳ ପ୍ରକ୍ରିୟା ଆରମ୍ଭ ହୋଇସାରିଛି ।
ଏହା ବ୍ୟତୀତ ଦିଲ୍ଲୀର ଅଲ୍ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (AIIMS) ର ଜଣେ ନର୍ସ ଏବଂ ତାଙ୍କର ୨୦ ମାସର ଶିଶୁ ମଧ୍ୟ କରୋନାରେ ସଂକ୍ରମିତ ହୋଇଛନ୍ତି । ନର୍ସ ତାଙ୍କ ସ୍ୱାମୀଙ୍କ ଦ୍ୱାରା କରୋନା ଜୀବାଣୁ ସଂକ୍ରମିତ ହୋଇଥିବାର ସମ୍ଭାବନା ରହିଛି । କାରଣ ନର୍ସଙ୍କ ସ୍ୱାମୀ ପୂର୍ବରୁ ହିଁ ଜଣେ କରୋନା-ପଜିଟିଭ୍ ରୋଗୀ ବୋଲି ଜଣାପଡିଥିଲା । ତାଙ୍କ ସ୍ୱାମୀ ଦିଲ୍ଲୀର ରାମ ମନୋହର ଲୋହିଆ ହସ୍ପିଟାଲରେ ଚିକିତ୍ସିତ ହେଉଥିଲେ । ଏବେ ସ୍ୱାମୀଙ୍କୁ ଅନ୍ୟ ଏକ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ଏବଂ ସେ ସେଠାରେ ଚିକିତ୍ସିତ ହେଉଛନ୍ତି ।
