ବେପରୁଆ ଗାଡ଼ି ଚାଳନା ଅଭିଯୋଗରେ ଅଭିନେତା ରଜତ ବେଦୀଙ୍କ ବିରୋଧରେ ମାମଲା ରୁଜୁ କରିଛି ମୁମ୍ବାଇ ପୋଲିସ। ମୁମ୍ବାଇର ଅନ୍ଧେରୀ ସ୍ଥିତ ଡିଏନ୍ ନଗର ପୋଲିସ ରଜତଙ୍କ ବିରୋଧରେ ଜଣେ ବ୍ୟକ୍ତିଙ୍କୁ ଗାଡ଼ି ଧକ୍କା କରିଥିବା ନେଇ ମାମଲା ରୁଜୁ କରିଛି। ମୁମ୍ବାଇ ପୋଲିସଠାରୁ ମିଳିଥିବା ପ୍ରାଥମିକ ସୂଚନା ମୁତାବକ, ରଜତ ସୋମବାର ସନ୍ଧ୍ୟା ୬ ଟାରେ ଜୁହୁ-ଅନ୍ଧେରୀ ଅଞ୍ଚଳରେ ଯାଉଥିବା ବେଳେ ଜଣେ ବ୍ୟକ୍ତିଙ୍କୁ ଗାଡ଼ି ଧକ୍କା କରିଥିଲେ।
Mumbai: Case registered against actor Rajat Bedi in DN Nagar PS for allegedly hitting a person with his car in Andheri area
The actor brought the injured to Cooper hospital, where he (actor) told he had hit the victim with his car. Victim admitted to hospital: DN Nagar police
— ANI (@ANI) September 7, 2021
ଡିଏନ୍ ନଗର ପୋଲିସ ଷ୍ଟେସନ୍ର ବରିଷ୍ଠ ଅଧିକାରୀ ମିଲିନ୍ଦ କୁରଦେ କହିଛନ୍ତି, ରଜତ ନିଜେ ହିଁ ଗାଡ଼ି ଚଲାଉଥିଲେ। ସେ ରାସ୍ତା ପାର ହେଉଥିବା ରାଜେଶ ଧୁତ ନାମକ ଜଣେ ବ୍ୟକ୍ତିଙ୍କୁ ଗାଡ଼ି ଧକ୍କା କରିଥିଲେ। ଘଟଣା ପରେ ରଜତ ଉକ୍ତ ବ୍ୟକ୍ତିଙ୍କୁ ନିକଟସ୍ଥ କୁପର ହସ୍ପିଟାଲରେ ଭର୍ତ୍ତି କରାଇଥିଲେ। ପୀଡ଼ିତ ପରିବାର ଲୋକଙ୍କ ଅଭିଯୋଗକ୍ରମେ ପୋଲିସ ଆଇପିସି ଧାରା ୨୭୯ ଓ ୩୩୮ ରେ ତାଙ୍କ ବିରୋଧରେ ମାମଲା ରୁଜୁ କରି ତଦନ୍ତ ଚଳାଇଛି।
“Rajat Bedi brought the injured man to hospital. The actor claimed that the pedestrian was drunk and suddenly came in front of the car,” the police said.https://t.co/xN21TXWgkg
— The Indian Express (@IndianExpress) September 7, 2021
ଅନ୍ୟପଟେ ଦୁର୍ଘଟଣାଗ୍ରସ୍ତ ରାଜେଶ ଧୁତଙ୍କ ଅବସ୍ଥା ଗୁରୁତର ରହିଛି। ଘଟଣା ବିଷୟରେ ଜଣାପଡ଼ିବା ପରେ ସ୍ଥାନୀୟ ପୋଲିସ କୁପର ହସ୍ପିଟାଲରେ ପହଞ୍ଚିବା ବେଳେ ଅଭିନେତା ରଜତ ସେଠାରୁ ଯାଇସାରିଥିଲେ। ମୁମ୍ବାଇ ପୋଲିସ ଖୁବ୍ଶୀଘ୍ର ତାଙ୍କୁ ଥାନାକୁ ଡାକି ବୟାନ ନେବ ବୋଲି କହିଛି। ଉକ୍ତ ଘଟଣା ବିଷୟରେ ଅଧିକ ତଦନ୍ତ ପାଇଁ ପୋଲିସ ସ୍ଥାନୀୟ ଅଞ୍ଚଳର ସିସିଟିଭି ଫୁଟେଜ୍ ଯାଞ୍ଚ କରୁଥିବା ଜଣାଯାଇଛି।