ବିଗବସ୍ 14 : ସିନିୟର ମାନଙ୍କୁ ରିପ୍ଲେସ କରିବାକୁ ଶୋ’ରେ ଏଣ୍ଟ୍ରି କରିବେ ରଶ୍ମି ଦେଶାଇ, ଆସୀମ ଓ ଗୌତମ ଗୁଲାଟି
ବିଗବସ୍ 14 ର ଫର୍ମାଟ୍ ସାମାନ୍ୟ ବଦଳିଛି । ନୂତନ ପ୍ରତିଯୋଗୀମାନଙ୍କ ସହିତ ସିଦ୍ଧାର୍ଥ ଶୁକ୍ଲା, ହିନା ଖାନ ଏବଂ ଗୌହର ଖାନଙ୍କୁ ସିନିୟର ଭାବେ ଦେଖିବାକୁ ମିଳିଛି । ଶୋ ଆରମ୍ଭରେ ହୋଷ୍ଟ ସଲମାନ ଖାନ କହିଥିଲେ ଯେ ଏହି ସିନିୟରମାନେ ଦୁଇ ସପ୍ତାହ ରହିବେ ଏବଂ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବେ ।
ତେବେ ଦୁଇ ସପ୍ତାହ ଏବେ ପୁରା ହେବାକୁ ଯାଉଛି ଏବଂ ଖବର ରହିଛି ଯେ ଏହି ସିନିୟରମାନଙ୍କୁ ବଦଳାଇବାକୁ ନୂଆ ସିନିୟରମାନେ ଆସୁଛନ୍ତି । ଆସିମ୍ ରିଆଜ୍ (ସିଜନ୍ 13 ର ପ୍ରଥମ ରନର୍ ଅପ୍), ରଶ୍ମୀ ଦେଶାଇ ଏବଂ ଗୌତମ ଗୁଲାଟି (ସିଜନ୍ 8 ର ବିଜେତା) ଏହି ଶୋ’ରେ ପ୍ରବେଶ କରିବାର କାର୍ଯ୍ୟକ୍ରମ ରହିଛି । ଯଦିଓ ଏନେଇ ଚ୍ୟାନେଲ ପକ୍ଷରୁ କୌଣସି ଘୋଷଣା କରାଯାଇ ନାହିଁ । ସେ ଯାହା ବି ହେଉ, ବିଗ୍ ବସ୍ ବିଷୟରେ ସମସ୍ତ ଜିନିଷ ଲୁଚାଇ ରଖାଯାଇଥାଏ ।
ଏହି ସିନିୟରମାନେ ହିନା ଖାନ ଏବଂ ଗୌହର ଖାନଙ୍କ ସ୍ଥାନ ନେବେ । କୁହାଯାଉଛି ଯେ ସିଦ୍ଧାର୍ଥ ଶୁକ୍ଲା ସୋ’ରେ ରହିବେ। ଶୋ’ର ନିର୍ମାତାମାନେ ତାଙ୍କୁ ବର୍ତ୍ତମାନ ଅପସାରଣ କରିବାକୁ ଚାହୁଁନାହାଁନ୍ତି କାରଣ ସେ ସିଦ୍ଧାର୍ଥଙ୍କ ଲୋକପ୍ରିୟତାରୁ ବହୁତ ଲାଭବାନ ହେଉଛନ୍ତି । ତେବେ ବର୍ତ୍ତମାନ ସିଦ୍ଧାର୍ଥ ଏବଂ ଅସୀମଙ୍କୁ ଏକାଠି ଦେଖିବା ମଜାଦାର ରହିବ । ସମସ୍ତେ ଜାଣନ୍ତି ଯେ ସିଜନ 13ରେ ଉଭୟଙ୍କ ମଧ୍ୟରେ ବହୁତ ବିବାଦ ଦେଖାଦେଇଥିଲା ଏବଂ ପୂର୍ବଥର ଏତେ ଅପଶବ୍ଦ ବ୍ୟବହାର କରାଯାଇଥିଲା ଯେ ସଲମାନ ଖାନ ବି ରାଗି ଯାଇଥିଲେ । ଏହାସହିତ ରଶ୍ମୀ ଦେଶାଇ ଏବଂ ସିଦ୍ଧାର୍ଥଙ୍କ ମଧ୍ୟରେ ବି ଅତ୍ୟଧିକ ମାତ୍ରାରେ ଝଗଡା ହୋଇଥିଲା ।
