ବଲିଉଡ ହିଟ ମ୍ୟାନ ଭାବେ ଜଣା ଆୟୁଷ୍ମାନ୍ ଖୁରାନା ସାଧାରଣତଃ ଉନ୍ନତ ଧରଣର ବିଷୟଧର୍ମୀ ସିନେମା ମାନ ନେଇ ଦର୍ଶକଙ୍କୁ ଭେଟି ଦେଇଥାନ୍ତି । କିଛି ଦିନ ତଳେ ହିଁ ତାଙ୍କ ଅଭିନୀତ ସିନେମା ‘ଶୁଭ ମଙ୍ଗଳ ଜ୍ୟାଦା ସାବଧାନ’ ଟ୍ରେଲର ରିଲିଜ ହୋଇଥିଲା । ଯାହାକୁ ଲୋକେ ବି ଖୁବ ପସନ୍ଦ କରିଛନ୍ତି । ପ୍ରକୃତରେ ଫିଲ୍ମରେ ଆୟୁଷ୍ମାନ୍ ଏକ ‘ଗେ’ ଭୂମିକାରେ ହିଁ ଅଭିନୟ କରିଛନ୍ତି କିନ୍ତୁ ଆୟୁଷ୍ମାନ୍ଙ୍କ ଏହି ଭିନ୍ନ ଅନ୍ଦାଜକୁ ନେଇ ତାଙ୍କ ପୁଅଙ୍କ ପ୍ରତିକ୍ରିୟା ନେଇ ପତ୍ନୀ ତାହିରା କଶ୍ୟପ ଏକ ଭିନ୍ନ ମତ ରଖିଛନ୍ତି । ତାହିରା ନିଜ ପୁଅର ଏଭଳି ଉତ୍ତର ଶୁଣି ସେ ନିଜେ ବି ଭାବବିହ୍ଵଳ ହୋଇ ଯାଇଥିବା କହିଛନ୍ତି ।
ଫିଲ୍ମ ଟିକୁ ଦେଖି ଯେବେ ସେ ନିଜ ପୁଅକୁ ପଚାରିଥିଲେ କି ତାକୁ ‘ଗେ’ ର ମାନେ ଜଣା ଅଛି କି ନାହିଁ । ପୁଅ ଏହାର ଜାବାବରେ କହିଥିଲା କି ହଁ ତାକୁ ଜଣା ଅଛି ‘ଗେ’ର ମାନେ କଣ । ମା’ ତାହିରା ଯେବେ ପୁଅର ଏଥିରେ କୌଣସି ଆପତ୍ତି ଅଛି କି ନାହିଁ ପଚାରି ଥିଲେ ତାର ସେଥିରେ କିଛି ବି ଆପତ୍ତି ନାହିଁ ବୋଲି କହିଥିଲା । ପୁଅର ଏଭଳି ମନ୍ତବ୍ୟ ଶୁଣି ତାଙ୍କ ଆଖିରେ ଲୁହ ଅସିଜାଇଥିଲା ବୋଲି ତାହିରା ଅତ୍ୟନ୍ତ ଭାବବିହ୍ୱଳ ହୋଇ କହିଛନ୍ତି । କିଛିଦିନ ତଳେ ଆୟୁଷ୍ମାନ୍ କହିଥିଲେ କି ତାଙ୍କ ପିତା ପି ଖୁରାନା ଓ ମା’ ପୁନମ ମଧ୍ୟ ଶୁଭ ମଙ୍ଗଳ ସାବଧାନର ଟ୍ରେଲରକୁ ଖୁବ ପସନ୍ଦ କରିଛନ୍ତି ।
ସେମାନେ ଏହି ସିନେମାର ଟ୍ରେଲରକୁ ଅନେକ ଥର ମଧ୍ୟ ଦେଖିସାରିଲେଣି । ପରିବାର ଲୋକଙ୍କ ଏପରି ଉତ୍ସାହ ଦେଖି ସେ ଓ ତାଙ୍କ ଟିମର ପରିଶ୍ରମ ଆଜି ସଫଳ ହୋଇଥିବା କଥା କହିଛନ୍ତି ଆୟୁଷ୍ମାନ୍ । କହି ରଖିବା ଉଚିତ ହେବ କି ‘ଶୁଭ ମଙ୍ଗଳ ସାବଧାନ’ରେ ଆୟୁଷ୍ମାନ୍ଙ୍କ ବ୍ୟତୀତ ଜିତେନ୍ଦ୍ର କୁମାର ବି ମୁଖ୍ୟ ଭୂମିକାରେ ଅଛନ୍ତି । ଏହା ବାଦ ଏଥିରେ ନିନା ଗୁପ୍ତା ଓ ଗଜରାଜ ବି ମୁଖ୍ୟ ନିଭାଉଥିବା ଜଣା ଯାଇଛି । ହିତେଶଙ୍କ ନିର୍ଦ୍ଦେଶିତ ଏହି ସିନେମା ଟି ଫେବୃଆରୀ ୨୧ରେ ହିଁ ପରଦା ଉପରକୁ ଆସିବ ।