ସୁପରଷ୍ଟାରରୁ ନାଇଟ୍ କ୍ଲବ୍ ଡିଜେ, ଏବେ ପୁଣି ଇଣ୍ଡଷ୍ଟ୍ରୀକୁ କମ୍ବ୍ୟାକ୍ କରି କଲେ କମାଲ
ବେଷ୍ଟ ମେଲ୍ ଡେଭ୍ୟୁର ପୁରସ୍କାର ହାସିଲ କରିଥିବା ଏହି ଅଭିନେତା ବଡିଉଡର ଅନେକ ଫିଲ୍ମରେ କାମ କରିଛନ୍ତି । ଏହା ସହ ଲୋକମାନେ ତାଙ୍କ ଅଭିନୟ ସହିତ ତାଙ୍କ ଲାଇଫ୍ଷ୍ଟାଇଲ୍ କୁ ନେଇ ମଧ୍ୟ ପାଗଳ ଥିଲେ । ୯୦ ଦଶକର ଏହି ପ୍ରସିଦ୍ଧ ଅଭିନେତା ସମସ୍ତଙ୍କ ମନରେ ରାଜ କରିବା ଆରମ୍ଭ କରିଥିଲେ । ସବୁକିଛି ଠିକ୍ ଚାଲିଥିଲା କିନ୍ତୁ ତାପରେ ଏକ ସମୟ ଆସିଲା ଯେତେବେଳେ ଏହି ଷ୍ଟାରଙ୍କ କ୍ୟାରିୟରରେ ଅନେକ ଅସୁବିଧା ହୋଇଥିଲା । ଆଜି ତାଙ୍କ ଜନ୍ମଦିନ ଅବସରରେ, ଜାଣିବା ଯେ କିପରି ଭାବେ ସେ ତାଙ୍କ ଅଭିନୟ କ୍ୟାରିୟରରେ ଆଗକୁ ଯାଇଥିଲେ ।
ବଲିଉଡ ଅଭିନେତା ବବି ଦେଓଲଙ୍କୁ କିଏ ବା ନଜାଣେ, ସେ ତାଙ୍କ ଅଭିନୟ ଜରିଆରେ ସମସ୍ତଙ୍କ ମନରେ ଘର କରିରହିଛନ୍ତି । ଆଜି ତାଙ୍କ ଜନ୍ମଦିନ ଅବସରରେ, ଜାଣିବା ଯେ କିପରି ଭାବେ ସେ ତାଙ୍କ ଅଭିନୟ କ୍ୟାରିୟରରେ ଆଗକୁ ଯାଇଥିଲେ । ତେବେ ବଲିଉଡର ଏହି ଷ୍ଟାର୍ କିଡ୍ ଯିଏ ତାଙ୍କର ପ୍ରଥମ ଫିଲ୍ମରୁ ହିଁ ପୂରା ଇଣ୍ଡଷ୍ଟ୍ରୀରେ ହଇଚଇ ସୃଷ୍ଟି କରିଥିଲେ । ଏପରି ଭାବେ ତାଙ୍କ ପିତାମାତାଙ୍କ ଠାରୁ ମିଳିଥିବା ଅଭିନୟ ଗୁଣ ଏବଂ ତାର ଦକ୍ଷତା ସହିତ, ବବି ଦେଓଲ ନିଜର ପରିଶ୍ରମ ଦ୍ୱାରା ବଲିଉଡରେ ଏକ ଭଲ ସ୍ଥାନ ହାସଲ କରିଥିଲେ । କିନ୍ତୁ ଏପରି ଏକ ସମୟ ଥିଲା ଯେତେବେଳେ ବବି ଦେଓଲଙ୍କ ନାମ ବଲିଉଡରେ ବହୁତ ପ୍ରସିଦ୍ଧ ଥିଲା । ଏହା ସହ ଇଣ୍ଡଷ୍ଟ୍ରୀର ପ୍ରତ୍ୟେକ ନିର୍ଦ୍ଦେଶକ ବବି ଦେଓଲଙ୍କୁ ତାଙ୍କ ଫିଲ୍ମରେ କାଷ୍ଟ କରିବାକୁ ଚାହୁଁଥିଲେ ।
ତେବେ ବେଷ୍ଟ ମେଲ୍ ଡେଭ୍ୟୁର ପୁରସ୍କାର ହାସିଲ କରିଥିବା ଏହି ଅଭିନେତା ବଡିଉଡର ଅନେକ ଫିଲ୍ମରେ କାମ କରିଛନ୍ତି । ଏହା ସହ ଲୋକମାନେ ତାଙ୍କ ଅଭିନୟ ସହିତ ତାଙ୍କ ଲାଇଫ୍ଷ୍ଟାଇଲ୍ କୁ ନେଇ ମଧ୍ୟ ପାଗଳ ଥିଲେ । ୯୦ ଦଶକର ଏହି ପ୍ରସିଦ୍ଧ ଅଭିନେତା ସମସ୍ତଙ୍କ ମନରେ ରାଜ କରିବା ଆରମ୍ଭ କରିଥିଲେ । ସବୁକିଛି ଠିକ୍ ଚାଲିଥିଲା କିନ୍ତୁ ତାପରେ ଏକ ସମୟ ଆସିଲା ଯେତେବେଳେ ଏହି ଷ୍ଟାରଙ୍କ କ୍ୟାରିୟରରେ ଅନେକ ଅସୁବିଧା ହୋଇଥିଲା । ତାଙ୍କର ଫିଲ୍ମ ଗୁଡ଼ିକ ଗୋଟିଏ ପରେ ଗୋଟିଏ ଫ୍ଲପ୍ ହୋଇଗଲା ଏବଂ ତାଙ୍କ କ୍ୟାରିୟର୍ ଗ୍ରାଫ୍ ତଳକୁ ଖସିବାକୁ ଲାଗିଲା ।
ତେବେ ସେ ହଠାତ୍ କାମ ପାଇବା ବନ୍ଦ କରିଦେଲେ ଏବଂ ପରେ ଧୀରେ ଧୀରେ ସେ ଫିଲ୍ମ ଇଣ୍ଡଷ୍ଟ୍ରୀରୁ ଅଦୃଶ୍ୟ ହୋଇଗଲେ । ଏହି ସମୟ ମଧ୍ୟରେ ସେ ଦିଲ୍ଲୀର ଏକ ନାଇଟ୍ କ୍ଲବରେ ଡିଜେ ଭାବରେ ମଧ୍ୟ କାମ କରିଥିଲେ । ତାଙ୍କର ଡାଉନ୍ଫ୍ଲପ୍ ଅନେକ ସମୟ ପର୍ଯ୍ୟନ୍ତ ଜାରି ରହିଲା ଏବଂ ଅଭିନେତା ୧୦ ବର୍ଷ ପର୍ଯ୍ୟନ୍ତ ଗୋଟିଏ ବି ଫିଲ୍ମ ପାଇଲେ ନାହିଁ ।
କିନ୍ତୁ କୁହାଯାଏ ଯେ ଯିଏ ଥରେ ପଡେ ସେ ନିଶ୍ଚିତ ଭାବେ ଉଠେ । ତେବେ ଶେଷରେ ଦିନ ଆସିଛି ଯେତେବେଳେ ସେ ଫିଲ୍ମରେ ଅଭିନୟ କରିବାର ଏକ ସୁବର୍ଣ୍ଣ ସୁଯୋଗ ପାଇଲେ । ଏହି ସୁଯୋଗକୁ ସୁପରଷ୍ଟାର ସଲମାନ ଖାନଙ୍କ ବ୍ୟତୀତ ଅନ୍ୟ କେହି ଦେଇନାହାଁନ୍ତି, ଯାହାକୁ ଇଣ୍ଡଷ୍ଟ୍ରୀର ଭଗବାନ ପିତା କୁହାଯାଏ । ସଲମାନ ତାଙ୍କୁ ତାଙ୍କ ଫିଲ୍ମରେ କାମ କରିବାକୁ ସୁଯୋଗ ଦେଇଥିଲେ । ଏହା ପରେ ତାଙ୍କର ୱେବ୍ ସିରିଜ୍ ଆସିଥିଲା ଯେଉଁଥିରେ ସେ ପୁଣି ବାବା ନିରାଲା ଭୂମିକାରେ ସବୁଅଡେ ହଇଚଇ ସୃଷ୍ଟି କରିଥିଲେ । ତେବେ ଏହି ପରି ଭାବେ ବବି ଦେଓଲ ତାଙ୍କ କ୍ୟାରିୟରରେ ଅନେକ ଉତ୍ଥାନ-ପତନ ଦେଖିଥିଲେ କିନ୍ତୁ ହାର ମାନିନଥିଲେ ।
ସେ ପୁଣିଥରେ ୱେବ୍ ସିରିଜ୍ ‘ଆଶ୍ରମ’ରୁ ଏକ ନୂତନ ପରିଚୟ ପାଇଲେ । ଏହି ସିରିଜ୍ରେ ତାଙ୍କର ନକାରାତ୍ମକ ଚରିତ୍ରକୁ ବହୁତ ପ୍ରଶଂସା କରାଯାଇଥିଲା ଏବଂ ସେ ଲାଇମ୍ ଲାଇଟ୍ ରେ ଆସିଥିଲେ । ୨୦୨୩ ମସିହାରେ ସନ୍ଦୀପ ରେଡ୍ଡୀ ଭଙ୍ଗାଙ୍କ ଫିଲ୍ମ ‘ଆନିମଲ’ ମୁକ୍ତିଲାଭ କରିଥିଲା, ଯାହା ବକ୍ସ ଅଫିସରେ ବ୍ଲକବଷ୍ଟର ବୋଲି ପ୍ରମାଣିତ ହୋଇଥିଲା । ରଣବୀର କପୁରଙ୍କ ଅଭିନୀତ ଫିଲ୍ମରେ ବବି ଦେଓଲଙ୍କୁ ମଧ୍ୟ ଦେଖିବାକୁ ମିଳିଥିଲା ।
ଫିଲ୍ମରେ ଜଣେ ଭିଲେନ୍ ଭୂମିକାରେ ଅଭିନୟ କରିବା ପରେ ମଧ୍ୟ ବବି ଦେଓଲ ହିରୋଙ୍କ ଅପେକ୍ଷା ଅଧିକ ପ୍ରଶଂସା ପାଇଥିଲେ । ଏହି ଫିଲ୍ମରେ ଅଭିନେତା ମୁକ ଗ୍ୟାଙ୍ଗଷ୍ଟର ଅବରାର ହକଙ୍କ ଭୂମିକାରେ ଅଭିନୟ କରିଥିଲେ, ଯେଉଁଥିପାଇଁ ତାଙ୍କୁ ବହୁତ ପ୍ରଶଂସା ମିଳିଥିଲା । ଫିଲ୍ମରେ ତାଙ୍କୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଥିଲେ । ବର୍ତ୍ତମାନ ବବି ଦେଓଲଙ୍କ ପାଖରେ ଫିଲ୍ମର ଲାଇନ୍ ଲାଗିଛି । ତେବେ ଖୁବ୍ ଶୀଘ୍ର ସେ ଏକ ବଡ ଫିଲ୍ମରେ ଡେବ୍ୟୁ କରିବାକୁ ଯାଉଛନ୍ତି ବୋଲି ଖବର ରହିଛି ।
