କୈଲାଶଙ୍କ ଖେରଙ୍କ ବିରୋଧରେ ଆସିଲା ଯୌନ ଶୋଷଣ ଅଭିଯୋଗ, ମହିଳା ପତ୍ରକାର କଲେ ଚାଂଚଲ୍ୟକର ଖୁଲାସା
ବଲିଉଡର ଲୋକପ୍ରିୟ ଗାୟକ କୈଲାଶ ଖେରଙ୍କ ବିରୋଧରେ ସଙ୍ଗୀନ ଅଭିଯୋଗ । ଯୌନ ଶୋଷଣ ଅଭିଯୋଗ ନାନା ପାଟେକରଙ୍କ ପରେ ଏବେ ଫସିଲେ କୈଲାଶ ଖେର । ଜଣେ ଫଟୋ ଜର୍ଣ୍ଣାଲିଷ୍ଟ କୈଲାଶଙ୍କ ସହ ମଡେଲ୍ କୁଲଫି ସେୟଦଙ୍କ ବିରୋଧରେ ଏହି ଅଭିଯୋଗ ଆଣିଛନ୍ତି । ନାନା ପାଟେକରଙ୍କ ବିରୋଧରେ ତନୁଶ୍ରୀ ଅଭିଯୋଗ ଆଣିବା ପରେ ବଲିଉଡରେ ଆରମ୍ଭ ହୋଇଛି #Mee Too ଅଭିଯାନ । ଆଉ ଏହି ଅଭିଯାନରେ ସାମିଲ୍ ହୋଇ ଫଟୋ ଜର୍ଣ୍ଣାଲିଷ୍ଟ ନତାଶା । ନତାଶା ଟ୍ବିଟରରେ ପୋଷ୍ଟ କରି କହିଛନ୍ତି ମୋର #Mee Too ଅଭିଯାନ ସିଙ୍ଗର କୈଲାଶ୍ ଖେର ଏବଂ ମଡେଲ୍ ଜୁଲଫିଙ୍କ ବିରୋଧରେ ।
(1)
My #MeToo has singer Kailesh Kher & model Zulfi Syed, from when I was a newly appointed young woman photographer at Hindustan Times in Bombay, 2006.
Tweeting this thread for all to draw strength & speak out
❤️@photowallah@shubhangisapien@TheRestlessQuil@AnooBhu@weeny— Natasha Hemrajani (@radiantbear) 6 October 2018
ନତାଶାଙ୍କ ଅନୁଯାୟୀ ଘଟଣାଟି ହେଉଛି ୨୦୦୬ର ଯେତେବେଳେ ସେ ହିନ୍ଦୁସ୍ତାନ ଟାଇମ୍ସରେ ଜଣେ ଫଟୋ ଜର୍ଣ୍ଣାଲିଷ୍ଟ ଭାବରେ ଜଏନ୍ କରିଥିଲେ । ସେହି ସମୟରେ ନିଜର ଜଣେ ମହିଳା ସହକର୍ମୀଙ୍କ ସହ କୈଲାଶଙ୍କ ଘରକୁ ଇଣ୍ଟରଭ୍ୟୁ ଏବଂ ଫଟୋ ଆଣିବାକୁ ଯାଇଥିଲେ ନତାଶା । ଆଉ ଇଣ୍ଟରଭ୍ୟୁ ସମୟରେ କୈଲାଶ୍ ଖେର ତାଙ୍କ ନିକଟରେ ବସିଗଲେ ଏବଂ ବାରମ୍ବାର ସେମାନଙ୍ଗ ଜଙ୍ଘ ଛୁଇଁବାକୁ ଚେଷ୍ଟା କରୁଥିଲେ। ତେବେ ସେଠାରୁ ଆସିବା ପରେ ଏନେଇ ଲେଖିବାକୁ ଚାହିଁଥିଲେ ହେଲେ ତାଙ୍କ ସହ ଯାଇଥିବା ସହକର୍ମୀ ମନା କରିଥିଲେ । କାରଣ ସତ କହିଲେ ସୁଦ୍ଧା ଏନେଇ କିଛି ବି ଖବର ପେପରରେ ଛପାଯିବନି । ତେଣୁ ବାଧ୍ୟ ହୋଇ ସେମାନେ ଚୁପ୍ ରହିଥିଲେ। ସେହିପରି ମଡେଲ୍ ଜୁଲଫି ମଧ୍ୟ ଜବରଦସ୍ତ କିସ୍ କରିଥିଲେ । କିନ୍ତୁ ପରଦିନ ଏନେଇ ନତାଶାଙ୍କ ଠାରୁ କ୍ଷମା ମାଗିଥିଲେ ।
Kailash Kher
From a journalist in Muscat pic.twitter.com/6edAfH0S6T
— Sandhya Menon (@TheRestlessQuil) 5 October 2018
କେବଳ ନତାଶା ନୁହଁନ୍ତି ଜଣେ ବିଦେଶୀ ପତ୍ରକାର ମଧ୍ୟ କୈଲାଶଙ୍କ ବିରୋଧରେ ସମାନ ଅଭିଯୋଗ ଆଣିଛନ୍ତି । ଏନେଇ ପତ୍ରକାର ଜଣକ ନିଜର ଜଣେ ବନ୍ଧୁ ତଥା ଲେଖିକା ସଂଧ୍ୟା ମେନନଙ୍କୁ ଚିଠି ଲେଖିଥିଲେ ଯେ – ହେ ସଂଧ୍ୟା, କାଶ୍ ସେଦିନ ମୋ ପାଖେ ଏତିକି ସାହସ ଥାନ୍ତା ଯେ ନିଜ ନାଁ ଜାହିର କରିପାରିଥାନ୍ତି । କିନ୍ତୁ ସିଙ୍ଗର୍ କୈଲାଶ ଖେରଙ୍କ ବିରୋଧରେ #Mee Too ଅଭିଯାନରେ ସାମିଲ୍ ହେବାକୁ ଚାହୁଁଛି ।
ପତ୍ରକାରଙ୍କ ଅଭିଯୋଗ ଅନୁଯାୟୀ, କୈଲାଶ୍ ଖେର ମସ୍କଟର ଏକ ବୁଟିକ୍ ରେ ପହଂଚିଥିଲେ । ସେଠରେ ଅନ୍ୟ କିଛି ମହିଳା, ଫଟୋଗ୍ରାଫର୍ ଏବଂ ତାଙ୍କ ବସ୍ ମଧ୍ୟ ଥିଲେ । ଏହି ସମୟରେ ସେ କୈଲାଶଙ୍କ ନିକଟରେ ବସିଥିଲେ । ଆଉ କୈଲାଶ୍ କୌଣସି ନା କୌଣସି ବାହାନାରେ ତାଙ୍କ ଜଙ୍ଘ ଛୁଇଁବାକୁ ଚେଷ୍ଟା କରୁଥିଲେ । ଆଉ ଯେଉଁଭଳି ଭାବରେ ତାଙ୍କୁ ଛୁଇଁଥିଲେ ତାହା ଠିକ୍ ନଥିଲା । ଏନେଇ ସେ ନିଜ ବସଙ୍କୁ ମଧ୍ୟ କହିଥିଲେ । ହେଲେ ସେ ଏହାକୁ ହସରେ ଉଡାଇଦେଇଥିଲେ ।
