ହାର୍ଟଆଟାକରେ ଲୋକପ୍ରିୟ କନ୍ନଡ ଷ୍ଟାର ନୀତିନ ଗୋପୀଙ୍କ ପରଲୋକ, ମୃତ୍ୟୁ ବେଳକୁ ୩୯ ବର୍ଷ ହୋଇଥିଲା
ଆଉ ନାହାନ୍ତି ଲୋକପ୍ରିୟ କନ୍ନଡ ଷ୍ଟାର ନୀତିନ ଗୋପୀ । ହାର୍ଟଆଟାକରେ ତାଙ୍କର ମୃତ୍ୟୁ ହୋଇଥିବା ଖବର ମିଳିଛି। ମୃତ୍ୟୁବେଳକୁ ତାଙ୍କୁ ୩୯ ବର୍ଷ ହୋଇଥିଲା।
କନ୍ନଡ ଫିଲ୍ମ ଇଣ୍ଡଷ୍ଟ୍ରୀ ପାଇଁ ଏକ ଦୁଃଖଦ ଖବର । କନ୍ନଡ ଫିଲ୍ମ ଇଣ୍ଡଷ୍ଟ୍ରୀର ଲୋକପ୍ରିୟ ଅଭିନେତା ନୀତିନ ଗୋପୀଙ୍କ ପରଲୋକ ହୋଇଛି । ଶୁକ୍ରବାର ସକାଳ ହାର୍ଟଆଟାକରେ ୩୯ ବର୍ଷୀୟ ଅଭିନେତାଙ୍କ ମୃତ୍ୟୁ ହୋଇଥିବା ଖବର ମିଳିଛି । ନୀତିନଙ୍କ ମୃତ୍ୟୁରେ ତାଙ୍କ ପରିବାରକୁ ଶକ୍ତ ଧକ୍କା ଲାଗିଛି । ତାଙ୍କ ମୃତ୍ୟୁରେ ସମଗ୍ର କନ୍ନଡ ଫିଲ୍ମ ଇଣ୍ଡଷ୍ଟ୍ରୀରେ ଶୋକର ଛାୟା ଖେଳିଯାଇଛି ।
ଖବର ମୁତାବକ, ନୀତିନ ଗୋପୀ ବାଙ୍ଗାଲୋର ସ୍ଥିତ ଘରେ ଥିବା ବେଳେ ହଠାତ୍ ଛାତିରେ ଯନ୍ତ୍ରଣା ଅନୁଭବ କରିଥିଲେ । ସେ ଅସୁସ୍ଥତା ଅନୁଭବ କରିବାରୁ ତୁରନ୍ତ ତାଙ୍କୁ ହସପିଟାଲରେ ଭର୍ତ୍ତି କରାଯାଇଥିଲା । ହେଲେ ହସପିଟାଲରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଡାକ୍ତରଙ୍କ ଚେଷ୍ଟା କରିବା ସତ୍ତ୍ୱେ ମଧ୍ୟ ଜୀବନ ବଞ୍ଚିପାରିନଥିଲା ।
#NithinGopiDies at 39 Due to Heart Attack; Kannada Actor Was Popular for His Role in #HelloDaddy #NithinGopi #NithinGopiPassesAway #RIPNithinGopi #South #EntertainmentNews https://t.co/GfeeLMHCsP
— LatestLY (@latestly) June 3, 2023
ନୀତିନ ଗୋପୀ କନ୍ନଡ ଫିଲ୍ମ ଏବଂ ଟିଭି ଇଣ୍ଡଷ୍ଟ୍ରୀର ଲୋକପ୍ରିୟ ଅଭିନେତା । ଫିଲ୍ମ ‘ହାଲୋ ଡାଡି’ରେ ତାଙ୍କ ଅଭିନୟ କରି ବେଶ ପ୍ରଶଂସା ସାଉଁଟିଥିଲେ ।
ଫିଲ୍ମ ଛଡା ଅନେକ ଟିଭି ସିରିଅଲରେ କାମ କରିଛନ୍ତି ନୀତିନ । ଅନେକ ତାମିଲ ଶୋ’ରେ ମଧ୍ୟ କାମ କରିଛନ୍ତି । ତେବେ ତାଙ୍କର ମୃତ୍ୟୁ ସମଗ୍ର ଇଣ୍ଡଷ୍ଟ୍ରୀରେ ଶୋକର ଛାୟା ଖେଳିଯାଇଛି । ନୀତିନଙ୍କ ମୃତ୍ୟୁ ସମଗ୍ର କନ୍ନଡ ଫିଲ୍ମ ଇଣ୍ଡଷ୍ଟ୍ରୀ ପାଇଁ ବଡ କ୍ଷତି ।
