ବଲିଉଡ ଅଭିନେତା ସଲମାନଙ୍କ ବଙ୍ଗଳାରେ ଲୁଚିଥିଲା ଅପରାଧୀ
ଏକ ଘଟଣାର ତଦନ୍ତ କରିବା ସମୟରେ ମୁମ୍ବାଇ ପୋଲିସ ପ୍ରଖ୍ୟାତ ଅଭିନେତା ସଲମାନ ଖାନଙ୍କ ବଙ୍ଗଳା ଚଢ଼ଉ କରିଛି ।ଏହା ସହ ବଙ୍ଗଳାର ଦେଖାରଖା କରୁଥିବା ଜଣେ ବ୍ୟକ୍ତିଙ୍କୁ ମଧ୍ୟ ଗିରଫ କରିଛି । ୬୨ ବର୍ଷୀୟ ଏହି ବ୍ୟକ୍ତି ଜଣକ ପ୍ରାୟ ୨୦ ବର୍ଷ ଧରି ପୋଲିସ ଆଢୁଆଳରେ ରହି ସଲମାନ ଖାନଙ୍କ ବଙ୍ଗଳାର ଦେଖାରଖା କରି ଆସୁଛନ୍ତି । କିନ୍ତୁ ଅନ୍ୟ ପଟରେ ପ୍ରାୟ ୨୯ ବର୍ଷ ହେବ ମୁମ୍ବାଇ ପୋଲିସ ଏହି ଅପରାଧୀଙ୍କୁ ଖୋଜୁଛି | ସୂତ୍ର ଅନୁଯାୟୀ ସଲମାନଙ୍କ ବଙ୍ଗଳାରୁ ଗିରଫ ହୋଇଥିବା ଏହି ବ୍ୟକ୍ତିଙ୍କ ନାମ ହେଉଛି ଶକ୍ତି ଶୀଧେସ୍ୱର ରାଣା ।
ସଲମାନଙ୍କ ବଙ୍ଗଳାରେ ସେ କାମ କରୁଥିବା ଖବର ମୁମ୍ବାଇ ପୋଲିସକୁ ତାଙ୍କର ଏକ ଗୁପ୍ତଚର ପାଖରୁ ହିଁ ମିଳିଥିଲା । ମୁମ୍ବାଇ ପୋଲିସର କ୍ରାଇମ ବ୍ରାଞ୍ଚ ଦଳ ସୂଚନା ପାଇ ପୁରା ଏକ ଯୋଜନା ପ୍ରସ୍ତୁତ କରି ସଲମାନଙ୍କ ଏହି ବଙ୍ଗଳା ଉପରେ ଚଢ଼ଉ କରିଥିଲେ । ମୁମ୍ବାଇ ପୋଲିସ ବଙ୍ଗଳାର ଚାରିପଟରୁ ବଙ୍ଗଳାକୁ ଘେରି କରି ରହିଥିଲା । ପୋଲିସ କୁ ଦେଖି ରାଣା ସେଠାରୁ ପଳାୟନ କରିବା ପାଇଁ ଉଦ୍ୟମ କରୁଥିଲେ ମଧ୍ୟ ସଫଳ ହୋଇପାରିନଥିଲା । ପୋଲିସ ସୂତ୍ରରୁ ପ୍ରକାଶ ଯେ ୧୯୯୦ ମସିହାରେ ରାଣା ଓ ତାର ଚାରିଜଣ ସାଙ୍ଗଙ୍କୁ ପୋଲିସ ଏକ ଚୋରି ମାମଲାରେ ଗିରଫ କରିଥିଲା ।
ଏହା ସହ ପଢନ୍ତୁ: ଜୀବନର ପ୍ରତିବନ୍ଧକକୁ ଖାତିର୍ ନକରି ଉଦାହରଣ ପାଲଟିଛନ୍ତି ଦିପଜ୍ୟୋତି
କିନ୍ତୁ ପରେ ଜାମିନରେ ଜେଲ ବାହାରକୁ ଆସିଥିବା ବେଳେ ସଦାବେଳେ ପୋଲିସ ଠାରୁ ଖସିବାକୁ ଚେଷ୍ଟା କରୁଥିଲା । କୋର୍ଟର ବାରମ୍ବାର ଡକରା ପରେ ମଧ୍ୟ ଯେତେବେଳେ ରାଣା କୋର୍ଟ ଆଦେଶ ଅମାନ୍ୟକରି କୋର୍ଟ ପରିସରରେ ପହଂଚି ନଥିଲା । ତେଣୁ କରି ତା ବିରୋଧରେ ଏକ ଜାମିନ ବିହୀନ ପରୱାନା ଜାରି କରାଯାଇଛି । ସହରରୁ ରାଣାର ଗାୟବ ହେବା ପରେ ବି ମୁମ୍ବାଇ ପୋଲିସ ବହୁ ଦିନ ଧରି ତାର ସନ୍ଧାନରେ ଥିଲେ । ବିଶେଷ ସୂତ୍ରରୁ ଖବର ପାଇବା ପରେ ପୋଲିସ ନିଜ ଟିମ ସହ ସଲମାନ ଙ୍କ ସେହି ବଙ୍ଗଳାରେ ପହଞ୍ଚି ଯାଇଥିଲେ ।
