ଆର ମାଧବନ୍ ଓ ଅନୁଷ୍କା ସେଟ୍ଟୀଙ୍କ ସସ୍ପେନ୍ସ ଥ୍ରୀଲର ଫିଲ୍ମ ‘ନିଃଶବ୍ଦମ୍’ର ଟ୍ରେଲର ଜାରି ହୋଇଛି। ଅକ୍ଟୋବର ୨ରେ ଆମାଜନ ପ୍ରାଇମ୍ ଭିଡିଓରେ ନିଃଶବ୍ଦମ୍ର ଓ୍ଵାର୍ଲ୍ଡ ଓ୍ଵାଇଡ୍ ପ୍ରିମିୟର କରାଯିବ। ବର୍ତ୍ତମାନ କେବଳ ତେଲୁଗୁ, ତାମିଲ ଓ ମାଲାୟାଲମ୍ ପ୍ରମୁଖ ତିନିଟି ଭାଷାରେ ଫିଲ୍ମର ଟ୍ରେଲର ରିଲିଜ୍ ହୋଇଛି। ମାଲାୟାଲମ୍ର ଟ୍ରେଲରକୁ ଡବିଂ କରି ରିଲିଜ୍ କରାଯାଇଛି। ତେବେ ଫିଲ୍ମ ବିଷୟରେ ଘୋଷଣା କରାଯିବ ବେଳେ ଏହା ହିନ୍ଦୀ ଓ ଇଂରାଜୀରେ ହେବ ବୋଲି କୁହାଯାଇଥିଲା ।
ଦେଖନ୍ତୁ ଭିଡିଓ:
Video Courtesy: Amazon Prime Video India
ନିଃଶବ୍ଦମ୍ର ଟ୍ରେଲରରୁ କାହାଣୀ ବିଷୟରେ କିଛି କିଛି ବୁଝାପଡ଼ୁଛି। ଫିଲ୍ମର କାହାଣୀ ଆମେରିକାରେ ସିଏଟଲ ସହରର ବୋଲି ଦର୍ଶାଯାଇଛି। ବ୍ୟାକ୍ଗ୍ରାଉଣ୍ଡରେ ଏକ ଭୂତ କୋଠରୀ ରହିଛି। ଫିଲ୍ମରେ ଅନୁଷ୍କା ଜଣେ ମୁକ-ବଧିର ଚିତ୍ରଶିଳ୍ପୀ ଭୂମିକାରେ ଅଭିନୟ କରିଛନ୍ତି। ମାଧବନ୍ ଜଣେ ବିଖ୍ୟାତ ସଙ୍ଗୀତକାର ଏନ୍ଥନୀ ଭୂମିକାରେ ନଜର ଆସିଛନ୍ତି। ଉଭୟଙ୍କ ମଧ୍ୟରେ ପ୍ରେମ ହେଉଛି। ଟ୍ରେଲରରୁ ଫିଲ୍ମଟି ରୋଚକପୂର୍ଣ୍ଣ ହୋଇଥିବ ବୋଲି ଆଶା କରାଯାଉଛି।
ନିଃଶବ୍ଦମ୍ର ନିର୍ଦ୍ଦେଶନା ଦେଉଛନ୍ତି ହେମନ୍ତ ମଧୁକର। ଚଳିତବର୍ଷ ଏପ୍ରିଲରେ ଫିଲ୍ମ ରିଲିଜ୍ ହେବାର ଥିଲା। କିନ୍ତୁ ଲକ୍ଡାଉନ୍ ଯୋଗୁ ଫିଲ୍ମର ରିଲିଜ୍ ତାରିଖ ଘୁଞ୍ଚିଛି।