ଜୀବନ-ମୃତ୍ୟୁ ସହ ସଂଘର୍ଷ କରୁଥିବା ଅମନଙ୍କୁ ନୂଆ ଜୀବନ ଦେଲେ ସୋନୁ, ୧୨ ବର୍ଷ ପରେ ନିଜ ପାଦରେ ହେବେ ଠିଆ
ଅଭିନେତା ସୋନୁ ସୁଦ ନିଜ କାମ ଯୋଗୁଁ ସବୁବେଳେ ଚର୍ଚ୍ଚାରେ। ସୋନୁ ସୁଦଙ୍କୁ କରନାଲ ସ୍ଥିତ ଓ୍ବିର୍କ ହସ୍ପିଟାଲର ଯୁବ ନ୍ୟୁରୋ ସର୍ଜନ ଡାକ୍ତର ଅଶ୍ବିନୀଙ୍କ ଭରପୂର ସହଯୋଗ ମିଳୁଛି। ସୋନୁ ସୁଦଙ୍କ ଯୋଗୁଁ ଗତ ୧୨ବର୍ଷ ହେବ ଜୀବନ-ମୃତ୍ୟୁ ସହ ସଂଘର୍ଷ କରୁଥିବା ଛତିଶଗଡ଼ର ଅମନଙ୍କୁ ନୂଆ ଜୀବନ ମିଳିଛି।
ମେରୁଦଣ୍ଡ ହାଡ଼ରେ ସମସ୍ୟା ଭୋଗୁଥିବା ଅମନ ଗତ ୧୨ବର୍ଷରୁ ବିଛଣାରେ ପଡ଼ିଥିଲେ। ଅମନଙ୍କ ବାପା ଭଡ଼ାଘରେ ରହୁଥିଲେ ଏବଂ ଭଡ଼ା ଅଟୋ ଚଲାଉଥିଲେ। ଅର୍ଥ ସମସ୍ୟା ଏବଂ ମହଙ୍ଗା ଚିକିତ୍ସା କାରଣରୁ ନିଜ ପୁଅକୁ କଷ୍ଟ ପାଉଥିବା ଦେଖିବା ଛଡ଼ା ସେମାନଙ୍କ ପାଖରେ ଆଉ କୌଣସି ରାସ୍ତା ନଥିଲା। କିନ୍ତୁ ବିଛଣାରେ ପଡ଼ି ଅମନ ଏପରି ଏକ ରାସ୍ତା ବାହାର କରିଥିଲେ ଯାହା ଫଳରେ ତାଙ୍କ ନିଜ ଗୋଡ଼ରେ ଛିଡ଼ା ହେବାର ସ୍ବପ୍ନ ପୂରଣ ହୋଇପାରିଛି। ଏବେ ଅମନଙ୍କ ବାପା -ମାଆ ସୋନୁ ସୁଦ ଏବଂ ଡାକ୍ତର ଅଶ୍ବିନୀଙ୍କ ପ୍ରଶଂସା କରି କରି ଥକୁ ନାହାନ୍ତି କାରଣ ଏହି ୨ଜଣଙ୍କ ଯୋଗୁଁ ଅମନଙ୍କ ଆଶା ପୂରଣ ହୋଇପାରିଛି।
@SonuSood सर @GovindAgarwal_ सर बस आप ही सहारा हो मेरा परिवार मेरा इलाज कराने असमर्थ है मैंने अपनी ज़िंदगी के 12 साल खो दिए है covid के कारण कोई रिश्तेदार मदद नही कर रहा है आपसे गुज़ारिश है मेरी मदद कीजिए मार्च में मेरा ऑपरेशन होना था पर अब तक नहीं हो पाया 🙏🙏😔 pic.twitter.com/q5yhnPTLiZ
— Amanjeet Singh (@Amanjee93981478) November 16, 2020
ସୋନୁ ସୁଦଙ୍କ ସହାୟତାରେ ଅମନଙ୍କ କରନାଲର ଓ୍ବିର୍କ ହସ୍ପିଟାଲରେ ନ୍ୟୁରୋ ସର୍ଜନ ଡାକ୍ତର ଅଶ୍ବିନୀଙ୍କ ଦେଖାଶୁଣାରେ ଚିକିତ୍ସା ହୋଇଥିଲା। ଅମନଙ୍କ ପାଟି ଦେଇ ମେରୁଦଣ୍ଡ ହାଡ଼ର ସର୍ଜରି ହୋଇଥିଲା ଯାହା ଦୀର୍ଘ ସମୟ ଧରି ଚାଲିଥିଲା। କିନ୍ତୁ ଏବେ ଅମନଙ୍କ ମୁହଁରେ ଦେଖାଦେଇଥିବା ହସ ତାଙ୍କ ଭବିଷ୍ୟତ କହୁଛି। ଅମନଙ୍କୁ ନୂଆ ଜୀବନ ଦେଇଥିବା ଡାକ୍ତର ଅଶ୍ବିନୀ ଏବେ ସୁଦ୍ଧା ପାଖାପାଖି ୧ହଜାର
ମସ୍ତିସ୍କ ଏବଂ ମେରୁଦଣ୍ଡ ହାଡ଼ ସର୍ଜରି କରି ସାରିଛନ୍ତି। ଡାକ୍ତର ଅଶ୍ବିନୀ ନିଜକୁ ଭାଗ୍ୟଶାଳୀ ବୋଲି କହୁଛନ୍ତି, କାରଣ ସୋନୁଙ୍କ ପାଇଁ ତାଙ୍କୁ ଏପରି ବ୍ୟକ୍ତିଙ୍କୁ ସାହାଯ୍ୟ କରିବାର ସୁଯୋଗ ମିଳିଥିଲା।
