ପରଲୋକରେ ଲୋକପ୍ରିୟ କଣ୍ଠଶିଳ୍ପୀ ଶାରଦା ରାଜନ
ପରଲୋକରେ ଲୋକପ୍ରିୟ କଣ୍ଠଶିଳ୍ପୀ ଶାରଦା ରାଜନ । କଣ୍ଠଶିଳ୍ପୀ ତଥା ସ୍ବର ସଂଯୋଜିକା ଶାରଦା ରାଜନଙ୍କ ୮୬ବର୍ଷ ବୟସରେ ଦେହାନ୍ତ ହୋଇଥିବା ଜଣାପଡ଼ିଛି । ସେ ଗତ କିଛି ଦିନ ହେଲାଣି କର୍କଟ ରୋଗରେ ପୀଡ଼ିତ ଥିଲେ ।
ନୂଆଦିଲ୍ଲୀ: ପରଲୋକରେ ଲୋକପ୍ରିୟ କଣ୍ଠଶିଳ୍ପୀ ଶାରଦା ରାଜନ । ୮୬ବର୍ଷ ବୟସରେ ଦେହାନ୍ତ ହୋଇଥିବା ଜଣାପଡ଼ିଛି । କଣ୍ଠଶିଳ୍ପୀ ତଥା ସ୍ଵର ସଂଯୋଜିକା ଶାରଦା ରାଜଙ୍କ ଗତ କିଛି ଦିନ ହେଲାଣି କର୍କଟ ରୋଗରେ ପୀଡ଼ିତ ଥିଲେ । ତେବେ ଚଳଚ୍ଚିତ୍ର ସୂରଜରେ ଥିବା ‘ତିତଲୀ ଉଡି’ ଗୀତ ପାଇଁ ତାଙ୍କୁ ଲୋକପ୍ରିୟତା ମିଳିଥିଲା ।
ଆନ୍ ଇଭନିଙ୍ଗ ଇନ୍ ପ୍ୟାରିସ୍, ଆରାଉଣ୍ଡ ୱାର୍ଲ୍ଡ, ଗୁମନାମ୍, ସପ୍ନୋ କା ସୌଦାଗର, କଲ ଆଜ ଔର କଲ, ଭଳି ଚଳଚ୍ଚିତ୍ର ପାଇଁ ମଧ୍ୟ ସେ ଗୀତ ଗାଇଥିଲେ । ସେହି ସମୟରେ ସେ ଅଭିନେତ୍ରୀ ରାଜଶ୍ରୀଙ୍କ ପାଇଁ ଅନେକ ଗୀତ ଗାଇଥିଲେ । ଏହାସହିତ ବୈଜନ୍ତୀମାଲା, ମୁମତାଜ, ରେଖା, ଶର୍ମିଲା ଟାଗୋର, ହେମା ମାଲିନିଙ୍କ ପରି ଅଭିନେତ୍ରୀମାନଙ୍କ ପାଇଁ ସ୍ୱର ଦେଉଥିଲେ ।
ସୂଚନା ଥାଉକି, ତାଙ୍କର ସମ୍ପୂର୍ଣ୍ଣ ନାମ ଶାରଦା ରାଜନ ଆୟଙ୍ଗର । ସେ ଏକ ତାମିଲ ପରିବାରରେ ଜନ୍ମଗ୍ରହଣ କରିଥିଲେ। ଫିଲ୍ମ ଇଣ୍ଡଷ୍ଟ୍ରିରେ ତାଙ୍କର ପ୍ରବେଶ ରାଜ କପୁରଙ୍କ କାରଣରୁ ହୋଇଥିଲା । ରାଜ କପୁର ହିଁ ତାଙ୍କୁ ସଙ୍ଗୀତ ନିର୍ଦ୍ଦେଶକ ଶଙ୍କର-ଜୟକିଶାନଙ୍କ ସହ ପରିଚିତ କରାଇଥିଲେ । ଏହା ପରେ ତାଙ୍କୁ ଫିଲ୍ମ ସୂରଜରେ ଗାଇବାର ପ୍ରଥମ ସୁଯୋଗ ମିଳିଥିଲା ।
View this post on Instagram
ତାଙ୍କର ଡେବ୍ୟୁ ଫିଲ୍ମ ପାଇଁ ତାଙ୍କୁ ମହମ୍ମଦ ରଫିଙ୍କ ସହ ଫିଲ୍ମଫେୟାର ପୁରସ୍କାର ମଧ୍ୟ ମିଳିଥିଲା । ଲତା ମଙ୍ଗେଶକର ଏବଂ ଆଶା ଭୋସଲେ ସେହି ସମୟର ଅଧିକାଂଶ ଚଳଚ୍ଚିତ୍ରରେ ଗୀତ ଗାଉଥିଲେ। ଏହି ସମୟରେ ଶାରଦାଜୀଙ୍କର ସ୍ବର ଏକ ବଡ଼ ପରିବର୍ତ୍ତନ ଆଣିଥିଲା । ଲୋକମାନେ ତାଙ୍କ ସ୍ୱରକୁ ଭଲପାଇବା ଦେଇଥିଲେ ।