ବଲିଉଡ ଅଭିନେତ୍ରୀ ତଥା ଭାରତୀୟ କ୍ରିକେଟ ଟିମ୍ କ୍ୟାପଟେନ ବିରାଟ କୋହଲିଙ୍କ ପତ୍ନୀ ଅନୁଷ୍କା ଶର୍ମା ଏକ ଫଟୋ ନିଜ ଇନ୍ଷ୍ଟଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଯେଉଁଥିରେ ଅନୁଷ୍କା ଯୋଗ କରୁଥିବା ବେଳେ ବିରାଟ ତାଙ୍କୁ ସାହାଯ୍ୟ କରୁଥିବା ସ୍ପଷ୍ଟ ନଜର ଆସୁଛନ୍ତି । ଏହି ଫଟୋଟିକୁ ଅନୁଷ୍କା ନିଜ ଇନ୍ଷ୍ଟଗ୍ରାମ ଆକାଉଣ୍ଟରେ ପୋଷ୍ଟ କରିବା ସହ ଏହାର କ୍ୟାପ୍ସନରେ ଲେଖିଛନ୍ତିକି, ‘ଗର୍ଭାବସ୍ଥା’ ସମୟରେ ତାଙ୍କ ଡାକ୍ତର ତାଙ୍କୁ ଶୀର୍ଷାସନ କରିବା ପାଇଁ ପରାମର୍ଶ ଦେଇଛନ୍ତି । ଏହି ଆସନ କରିବା ଖୁବ କଷ୍ଟ ଦାୟକ ହୋଇଥିବାରୁ ଏହାକୁ ଏକାକୀ କରିବା ଅସମ୍ଭବ ହୋଇପଡୁଛି ।
View this post on Instagram
ଏହି କାରଣରୁ ଏହି ଆସନ ଟିକୁ କରିବାରେ ଅଧିକାଂଶ ସମୟରେ ତାଙ୍କ ସ୍ୱାମୀ ହିଁ ତାଙ୍କୁ ସାହାଯ୍ୟ କରୁଥିବା କହିଛନ୍ତି ଅନୁଷ୍କା । ଏହି ସମୟରେ ଆସନରେ ସନ୍ତୁଳନ ରକ୍ଷା କରିବା ସହିତ ଅତିରିକ୍ତ ସୁରକ୍ଷା ଦେଇଥାନ୍ତି ବିରାଟ । ଆଉ ଏକ ପୋଷ୍ଟରେ ଅନୁଷ୍କା ଲେଖିଛନ୍ତି, “ଯୋଗ ହେଉଛି ତାଙ୍କ ଜୀବନର ଏକ ଅବିଚ୍ଛେଦ୍ୟ ଅଙ୍ଗ । ତାଙ୍କ ଚିକିତ୍ସା ଦାୟିତ୍ୱରେ ଥିବା ଡାକ୍ତର ଏଧରଣର ଆସନ କରିବାକୁ ପରାମର୍ଶ ଦେଇଛନ୍ତି ।” ଏଗୁଡ଼ିକୁ ସେ ଅନ୍ୟ ସମୟରେ ଖୁବ ସହଜରେ କରି ପାରୁଥିବା ବେଳେ ଗର୍ଭାବସ୍ଥା ସମୟରେ କିନ୍ତୁ କିଛିଟା କଠିନତାର ସାମ୍ନା କରିବାକୁ ପଡୁଛି ।
କହିରଖିବା ଉଚିତ ହେବକି, ବର୍ତ୍ତମାନ ସମୟରେ ବିରାଟ ଟିମ ଇଣ୍ଡିଆ ସହ ଅଷ୍ଟ୍ରେଲିଆ ଗସ୍ତରେ ଅଛନ୍ତି । ଦିନିକିଆ ସିରିଜର ପ୍ରଥମ ଦୁଇଟି ଯାକ ମ୍ୟାଚରେ ବିଫଳତାର ସାମ୍ନା କରିଛି ଟିମ ଇଣ୍ଡିଆ । ସିରିଜର ଶେଷ ମ୍ୟାଚ ବୁଧବାର ହେବା ନେଇ ସ୍ଥିର ହୋଇଛି । ଏହାପରେ ଆରମ୍ଭ ହେବ ଟି20 ସିରିଜ । କିନ୍ତୁ ଡିସେମ୍ବର 17 ତାରିଖ ଟେଷ୍ଟ ସିରିଜ ଆରମ୍ଭ ହେବା ପୂର୍ବରୁ କୋହଲି ଭାରତ ଫେରି ଆସିବା ନେଇ ଶୁଣାଯାଉଛି । ପତ୍ନୀଙ୍କ ଡେଲିଭରି ପୂର୍ବରୁ ବିରାଟ ଫେରିଆସିବା ନେଇ ଅନୁମାନ କରାଯାଉଛି ।