ଘରେ ଟ୍ରାଏ କରନ୍ତୁ “ଅମୃତଶରୀ ମସଲା ବାଇଗଣ”, ଥରେ ଚାଖିଲେ କହିବେ ବାଃ ବାଃ
ଅମୃତଶରୀ ମସଲା ବାଇଗଣର ଟେଷ୍ଟ ଖୁବ ବଢିଆ । ଏହା ଏକ ଚଟପଟା ସ୍ୱାଦିଷ୍ଟ ରେସିପି । ଯାହାକୁ ଆପଣ ଅତି ସହଜରେ ପ୍ରେସର କୁକର, କଡେଇ କିମ୍ବା ପ୍ୟାନରେ ପ୍ରସ୍ତୁତ କରିପାରିବେ । ଯାହାକୁ ଭାତ, ରୁଟି କିମ୍ବା ଅନ୍ୟ କୌଣସି ଆଇଟମ ସହ ଖାଇପାରିବେ । ତେବେ ଜାଣି ରଖନ୍ତୁ ଏହାର ପ୍ରସ୍ତୁତି ପ୍ରଣାଳୀ ।
ଆବଶ୍ୟକୀୟ ସାମଗ୍ରୀ:
୩୫୦ ଗ୍ରାମ ବାଇଗଣ
୧ ଟମାଟୋ
୮ଟି ଭ୍ରୁଶୃଙ୍ଗ ପତ୍ର
ଗୋଟେ ଛୋଟ ଚାମଚ ଅଦା
୨ ଚାମଚ ତେନ୍ତୁଳି
୨ ଚାମଚ ଚିନି
୪ ବଡ ଚାମଚ ତେଲ
୧ ଚାମଚ ସୋରିଷ
୩ ରୁ ୪ କପ ପାଣି
ମସଲା ପାଇଁ:
ଗୋଟେ ଚାମଚ ପାନମଧୁରୀ
୨ ଚାମଚ ନଡ଼ିଆ
୨ ଚାମଚ ଧନିଆ ଗୁଣ୍ଡ
ଗୋଟେ ଚୁଟକୀ ଜୁଆଣି
୧ ଚାମଚ ଲଙ୍କା ଗୁଣ୍ଡ
ଗୋଟେ ଚାମଚ ଆମଚୁର ପାଉଡର
ଗୋଟେ ଛୋଟ ଚାମଚ ହଳଦୀ
ଗୋଟେ ଛୋଟ ଚାମଚ ଗରମ ମସଲା
ଗୋଟେ ଚାମଚ ଲୁଣ
ପ୍ରସ୍ତୁତି ପ୍ରଣାଳୀ:
ପ୍ରଥମେ ବାଇଗଣକୁ ଭଲ ଭାବରେ ଧୋଇ ଚାରି ଫାଳ କରି କାଟି ଦିଅନ୍ତୁ । ଗୋଟେ ପାତ୍ରରେ ଏବେ ସମସ୍ତ ମସଲା ମିଶାନ୍ତୁ । ଏବେ ପ୍ରେସର କୁକର କିମ୍ବା କଡେଇରେ ତେଲ ଗରମ କରନ୍ତୁ । ତେଲ ଗରମ ହୋଇଆସିଲେ ଅଦା ପକାନ୍ତୁ । କିଛି ସେକେଣ୍ଡ ପରେ କଟାଯାଇଥିବା ଟମାଟୋ ଦିଅନ୍ତୁ । ଗୋଟେ ମିନିଟ ପରେ ମସଲା ଦିଅନ୍ତୁ । କିଛି ସମୟ ପରେ ବାଇଗଣ ଓ ଲୁଣ ପକାନ୍ତୁ । ଏବେ ସେଥିରେ ଗୋଟେ କପ ପାଣି ଦେଇଦେବେ । ଭଲ ଭାବରେ ମିଶାନ୍ତୁ ଆଉ ମାଧ୍ୟମ ଆଞ୍ଚରେ ୨ ଟି ସିଟି ଦିଅନ୍ତୁ କିମ୍ବା ଅନ୍ୟ ପାତ୍ରରେ ବସଉଥିଲେ ଛାଡି ଦିଅନ୍ତୁ । ଥଣ୍ଡା ହେବା ପରେ ପ୍ରେସର କୁକର ଖୋଲି ଦିଅନ୍ତୁ । ତେନ୍ତୁଳି ଓ ଚିନି ଦେଇ ମାଧ୍ୟମ ଆଁଚରେ ୧ ମିନିଟ ଯାଏଁ ବସାନ୍ତୁ । ଏବେ ସେଥିରେ ତାଜା ଧନିଆ ପତ୍ର ଦିଅନ୍ତୁ ଆଉ ଅନ୍ୟ ମାନଙ୍କ ପାଇଁ ପରଶି ଦିଅନ୍ତୁ ।
