ନୂଆ ବର୍ଷରେ ବୃହସ୍ପତି ପ୍ରବେଶ କରିବେ ମେଷ ରାଶିରେ, ଏହି ତିନି ରାଶିର ବ୍ୟକ୍ତି ହେବେ ଲାଭବାନ
ଆସୁଥିବା ନୂଆ ବର୍ଷ ୨୦୨୩ରେ ମେଷ ରାଶିରେ ଉଦୟ ହେବେ ଦେବ ଗୁରୁ ବୃହସ୍ପତି । ବୃହସ୍ପତି ୨୦୨୩ ଏପ୍ରିଲ ୨୯ ତାରିଖରେ ମେଷ ରାଶିରେ ପ୍ରବେଶ କରିବେ । ଯାହାର ପ୍ରଭାବ ୧୨ଟି ଯାକ ରାଶି ଉପରେ ପଡ଼ିବ । ତେବେ ତିନିଟି ନିର୍ଦ୍ଦିଷ୍ଟ ରାଶି ପାଇଁ ବହୁତ ଭଲ ରହିଛି । ଏହି ରାଶିର ବ୍ୟକ୍ତିମାନଙ୍କର ଧନଲାଭ, ଚାକିରିରେ ପଦୋନ୍ନତି ଆଦି ହେବ ।
ସିଂହ, ମୀନ ଏବଂ କର୍କଟ ରାଶିର ବ୍ୟକ୍ତିମାନଙ୍କୁ ବୃହସ୍ପତିଙ୍କ ଉଦୟ ମଙ୍ଗଳକାରୀ ହେବ । ସିଂହରାଶିର ବ୍ୟକ୍ତିମାନେ ମାନ ସମ୍ମାନ ପାଇବେ ଏବଂ ଧନଲାଭ ହେବାର ଆଶା ରହିଛି । ଭାଗ୍ୟ ଉଦୟ ଯୋଗୁଁ ବିଦେଶ ଯାତ୍ରାର ମଧ୍ୟ ସମ୍ଭାବନା ରହିଛି । ସେହିପରି ଛାତ୍ର ଛାତ୍ରୀମାନେ ପରୀକ୍ଷା ଆଦିରେ ଭଲ କରିବେ ।
ମୀନ ରାଶିର ବ୍ୟକ୍ତିଙ୍କ ପାଇଁ ବୃହସ୍ପତିଙ୍କ ପ୍ରଭାବରୁ ଧନ ଲାଭର ଯୋଗ ରହିଛି । ଅଟକି ରହିଥିବା କାମ ଏବଂ ଧନ ହାତକୁ ଆସିବ । ଏହି ସମୟରେ ଆପଣ ପୁଞ୍ଜି ଖଟାଇଲେ ଲାଭବାନ ହେବେ ।
କର୍କଟ ରାଶିର ବ୍ୟକ୍ତି ବୃହସ୍ପତିଙ୍କ ଉଦୟ ସମୟରେ ଚାକିରିରେ ପ୍ରମୋସନ୍ ପାଇବେ । ସେହିପରି ଚାକିରି ଆଶାୟୀମାନଙ୍କ ପାଇଁ ସୁଯୋଗ ଆସିବ ।
