ସକାଳକୁ କରନ୍ତୁ ଆହୁରି ମଜାଦାର, ଆଜି ଘରେ ବ୍ରେଡ ସାହାଯ୍ୟରେ ବନାନ୍ତୁ ପିଲାମାନଙ୍କ ମନ ପସନ୍ଦର ବ୍ରେକଫାଷ୍ଟ
ଆବଶ୍ୟକୀୟ ସାମଗ୍ରୀ
- ବ୍ରେଡ ୪ ପିସ୍
- ଘିଅ ୧ ଚାମଚ
- ପିଆଜ ଗୋଟିଏ
- ଟମାଟୋ ଗୋଟିଏ
- କଞ୍ଚାଲଙ୍କା ୨ ଟି
- ଧନିଆପତ୍ର
- ହଳଦୀ ଗୁଣ୍ଡ
- ଲଙ୍କାଗୁଣ୍ଡ
- ଧନିଆ ଗୁଣ୍ଡ
- ସୋରିଷ
- ତେଲ
- ସ୍ଵାଦ ଅନୁସାରେ ଲୁଣ
ପ୍ରସ୍ତୁତି ପ୍ରଣାଳୀ
ପ୍ରଥମେ ଏକ ପ୍ୟାନରେ ବ୍ରେଡକୁ ଘିଅ ଲଗାଇ ଭଲଭାବେ ସେକି ଦିଅନ୍ତୁ । ଆଉ ତାପରେ ଏହି ବ୍ରେଡକୁ ଛୋଟ ଛୋଟ ଖଣ୍ଡ କରି କାଟିଦିଅନ୍ତୁ । ବର୍ତ୍ତମାନ୍ ଆଉ ଏକ ପ୍ୟାନରେ କିଛି ତେଲ ଗରମ୍ କରି ସେଥିରେ ସୋରିଷ ଫୁଟାଇ ଦିଅନ୍ତୁ । ତାପରେ ସେଥିରେ ପିଆଜ ଓ କଞ୍ଚାଲଙ୍କା ପକାଇ ଭାଜନ୍ତୁ । ଟିକିଏ ଭାଜି ହୋଇଗଲା ପରେ ସେଥିରେ ଟମାଟୋ, ଲଙ୍କାଗୁଣ୍ଡ, ହଳଦୀଗୁଣ୍ଡ, ଧନିଆ ଗୁଣ୍ଡ ଓ ଲୁଣ ପକାଇ ଭଲଭାବେ ଗୋଳାଇ ଦିଅନ୍ତୁ ଏବଂ ଏହାକୁ କିଛି ସମୟ ପର୍ଯ୍ୟନ୍ତ ଫ୍ରାଏ କରନ୍ତୁ । ଏହା ଭଲଭାବେ ଫ୍ରାଏ ହୋଇଗଲା ପରେ ସେଥିରେ କାଟି ରଖିଥିବା ବ୍ରେଡକୁ ପକାଇ ମିକ୍ସ କରିଦିଅନ୍ତୁ ଏବଂ ଏହାକୁ ୫ ମିନିଟ୍ ପର୍ଯ୍ୟନ୍ତ ଭାଜି ଶେଷରେ ସେଥିରେ ଧନିଆପତ୍ର କାଟି ପକାଇଦିଅନ୍ତୁ । ବର୍ତ୍ତମାନ ପ୍ରସ୍ତୁତ ହୋଇଗଲା ଆପଣଙ୍କର ସ୍ଵାଦିଷ୍ଟ ବ୍ରେକଫାଷ୍ଟ । ଏହାକୁ ଆପଣ ଗରମ୍ ଗରମ୍ ପିଲାମାନଙ୍କୁ ଖାଇବାକୁ ଦିଅନ୍ତୁ ।
