ଖରାଦିନେ ପାଣିରେ ଭିଜେଇ ଖାଆନ୍ତୁ କଞ୍ଚା ବାଦାମ; ଏସିଡିଟି, ମୋଟାପଣ ଦୂର ହେବା ସହିତ ଡାଇବେଟିସ୍ ବି ରହିବ ନିୟନ୍ତ୍ରିତ
ବାଦାମ ସ୍ୱାସ୍ଥ୍ୟ ପାଇଁ ବେଶ୍ ଲାଭଦାୟକ ହୋଇଥାଏ। ଏଥିରେ ଭିଟାମିନ୍ ବି, ବି୧, ବି୩, ବି୯ ଏବଂ ମିନେରାଲ, ମ୍ୟାଗ୍ନେସିୟମ୍, ଫସ୍ଫରସ୍ ଓ କପର୍ ଭରପୂର ମାତ୍ରାରେ ରହିଛି। ଏତିକି ନୁହେଁ, ବାଦାମକୁ ମୋନୋ ଏବଂ ପଲିଅନସ୍ୟାଚୁରେଟେଡ୍ ଫ୍ୟାଟ୍ସର ଭଲ ସ୍ରୋତ ମଧ୍ୟ କୁହାଯାଇଥାଏ। ଏଥିରେ କମ୍ କାର୍ବୋହାଇଡ୍ରେଟସ୍ ଏବଂ ଅଧିକ ପ୍ରୋଟିନ ରହିଛି। ଯଦି ଆପଣ କଞ୍ଚା ବାଦାମକୁ ପାଣିରେ ଭିଜେଇ ଖାଇବେ, ତ ଏହାର ଫାଇଦା ଆହୁରି ବଢ଼ିଯିବ। ଆଜି ଆମେ କହିବୁ ଭିଜା ବାଦାମ ଖାଇଲେ କ’ଣ ସବୁ ଫାଇଦା ମିଳିଥାଏ।
-ଏସିଡିଟି ସମସ୍ୟା ଥିଲେ, ଆପଣଙ୍କ ପାଇଁ ଭିଜା କଞ୍ଚା ବାଦାମର ସେବନ ଫାଇଦାଯୁକ୍ତ ହୋଇପାରେ। କାରଣ, ଏଥିରେ ଥିବା ପୋଟାସିୟମ୍, କପର୍, କ୍ୟାଲ୍ସିୟମ, ମାଙ୍ଗାନିଜ୍ ଓ ଆଇରନ ପେଟ ସହ ଜଡ଼ିତ ସମସ୍ୟାକୁ ଦୂର କରିବାରେ ସାହାଯ୍ୟ କରିଥାଏ।
-ଭିଜା ହୋଇଥିବା କଞ୍ଚା ବାଦାମ ଖାଇଲେ ଡାଇବେଟିସ୍ ସମସ୍ୟାକୁ କଣ୍ଟ୍ରୋଲ କରାଯାଇ ପାରିବ। ଖରାଦିନେ ଭିଜା ବାଦାମ ସେବନ ଦ୍ୱାରା ବ୍ଲଡ୍ ସୁଗାର ଲେବଲକୁ ନିୟନ୍ତ୍ରିତ ରଖାଯାଇ ପାରିବ।
-ଯଦି ଆପଣଙ୍କ ଶରୀରରେ ରକ୍ତର ଅଭାବ ରହିଛି, ତ ପାଣିରେ ବାଦାମ ଭିଜେଇ ଖାଆନ୍ତୁ। ଏହା ଆଇରନରେ ଭରପୂର ହୋଇଥାଏ, ଯାହା ରକ୍ତ ଅଭାବକୁ ଦୂର କରିବାରେ ସାହାଯ୍ୟ କରିଥାଏ।
-ଯଦି ଆପଣ ଓଜନ କମ୍ କରିବାକୁ ଚାହୁଁଛନ୍ତି, ତ ଭିଜା ବାଦାମ ଆପଣଙ୍କ ପାଇଁ ଭଲ ଅପଶନ ହୋଇପାରେ। ଏଥିରେ କାର୍ବୋହାଇଡ୍ରେଟସ୍ ଭରପୂର ମାତ୍ରାରେ ରହିଛି। ଭିଜା ବାଦାମକୁ ସକାଳ ଜଳଖିଆରେ ଖାଇଲେ ଓଜନ ହ୍ରାସ ହୋଇପାରେ।
-ଏଥିରେ ପ୍ରୋଟିନ ରହିଛି। ଯଦି ଆପଣ ମସଲ୍ସ ବଢ଼ାଇବାକୁ ଚାହାଁନ୍ତି, ତ ନିଜ ଡାଏଟ୍ରେ ଭିଜା ବାଦାମ ସାମିଲ କରନ୍ତୁ। ଏଥିରେ ଥିବା ପୋଷକ ତତ୍ତ୍ୱ ମସଲ୍ସ ବନାଇବାରେ ସାହାଯ୍ୟ କରିଥାଏ।
