ଆଜି ହିଁ ଘରେ ବନାନ୍ତୁ ‘ଲେମନ୍ ଫିସ୍ ତାଓ୍ୱା ଫ୍ରାଏ’
କେନ୍ଯୁଜ୍: ମାଛ ପ୍ରାୟ ସମସ୍ତଙ୍କ ପସନ୍ଦ। ମାଛରେ ପ୍ରସ୍ତୁତ ଅନେକ ଖାଦ୍ଯ ଆପଣ ଖାଇଥିବେ। ମାଛ ବେସରଠାରୁ ଆରମ୍ଭ କରି ମାଛ ମସଲା, ମାଛ ଝୋଳ ଇତ୍ଯାଦି । ତେବେ ଆଜି ଆସନ୍ତୁ ମାଛରେ ପ୍ରସ୍ତୁତ ଏକ ଭିନ୍ନ ରେସିପି ବିଷୟରେ ଆମେ ଆପଣଙ୍କୁ ଜଣାଇବୁ । ରେସିପିଟିର ନା ହେଉଛି ‘ଲେମନ୍ ଫିସ୍ ତାଓ୍ୱା ଫ୍ରାଏ’।
‘ଲେମନ୍ ଫିସ୍ ତାଓ୍ୱା ଫ୍ରାଏ’ ପ୍ରସ୍ତୁତ କରିବାକୁ ଆବଶ୍ୟକ ସାମଗ୍ରୀ:
.ମାଛ
.ଲୁଣ
.ହଳଦୀଗୁଣ୍ଡ
.ସୋରିଷ
.ଶୁଖିଲା ଲଙ୍କା
.ରସୁଣ ବଟା
.ପୋଦିନା ବଟା
.ଲେମ୍ବୁରସ
.କଞ୍ଚାଲଙ୍କା
.ରିଫାଇନ୍ ତେଲ୍
.କଦଳୀପତ୍ର
.କଦଳୀ ପାଟୁଙ୍ଗା
‘ଲେମନ୍ ଫିସ୍ ତାଓ୍ୱା ଫ୍ରାଏ’ ପ୍ରସ୍ତୁତି କରିବା ପ୍ରଣାଳୀ:
-ପ୍ରଥମେ ରୋହି ମାଛରେ ସ୍ୱାଦ ଅନୁସାରେ ଲୁଣ, ହଳଦୀଗୁଣ୍ଡ, ସୋରିଷ, ଶୁଖିଲା ଲଙ୍କା, ରସୁଣ ବଟା, ପୋଦିନା ବଟା, ଲେମ୍ବୁରସ ଦେଇ ଭଲବାବେ ଗୋଳାନ୍ତୁ।
-ଏହା ପରେ ଗୋଟା କଞ୍ଚାଲଙ୍କା ଓ ରିଫାଇନ୍ ତେଲ୍ ମାଛରେ ପକାଇ ଗୋଳାଇ ଦିଅନ୍ତୁ।
-କଦଳୀପତ୍ରରେ ତେଲ ଲଗାଇ ମସଲା ଗୋଳା ମାଛ ଓ ଗୋଟା କଞ୍ଚାଲଙ୍କାକୁ ରଖି ଭଲଭାବେ ଗୁଡ଼େଇ କଦଳୀ ପାଟୁଙ୍ଗାରେ ବାନ୍ଧିଦିଅନ୍ତୁ।
-ଏହାପରେ ତାୱାରେ ତେଲ ଗରମ କରି ମାଛ ଭର୍ତ୍ତି କଦଳୀ ପତ୍ରକୁ ଭଲକି ସେକନ୍ତୁ।
-ଏବେ ପ୍ରସ୍ତୁତ ହୋଇଗଲା ଚଟପଟା ‘ଲେମ୍ବୁ ପୋଦିନା ମାଛ’।
