ଛୋଟ ଠାରୁ ବଡ ସମସ୍ତଙ୍କର କୁକିଜ ଖୁବ ପସନ୍ଦ । ସ୍ନାକ୍ସ ସମୟରେ ଚାହା କିମ୍ବା କଫି ସହିତ ଯଦି ଭଳି କି ଭଳି କୁକିଜ ମିଳିଯାଏ ତେବେ ମଜା 10 ଗୁଣା ବଢିଯାଏ । କିନ୍ତୁ ଅଧିକାଂଶ ଲୋକେ ଏହି କୁକିଜ ବଜାରରୁ କିଣି ଖାଇଥାନ୍ତି । ଏହାର ପ୍ରସ୍ତୁତି ପ୍ରଣାଳୀ ଜାଣି ନଥିବାରୁ ଘରେ ବନାଇ ପାରନ୍ତି ନାହିଁ । କିନ୍ତୁ ଜାଣନ୍ତି କି ଆପଣ ବି ଅତି ସହଜରେ ଓ ଖୁବ କମ ସାମଗ୍ରୀରେ ନିଜେ କୁକିଜ ପ୍ରସ୍ତୁତ କରି ଖାଇପାରିବେ ।
ତେବେ ଜାଣି ରଖନ୍ତୁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ:
– ଦେଢ଼ କପ ଅଟା କିମ୍ବା ମଇଦା
– ଗୋଟେ ଚାମଚ ବେକିଙ୍ଗ ସୋଡା଼
– ଗୋଟେ ଚାମଚ ଲୁଣ
– ଗୋଟେ ଚାମଚ କର୍ଣ୍ଣଷ୍ଟାର୍ଚ୍ଚ
– କିଛି ପରିମାଣର ବଟର
– ଗୋଟେ କପ ଚିନି
– ଅଧା କପ ବ୍ରାଉନ ସୁଗାର ବା ଚିନି
– ଗୋଟେ ଚାମଚ ଭାନିଲା ଏସେନ୍ସ
– ପାଣି
– ଗୋଟେ ବଡ ଚାମଚ କୋକୋ ପାଉଡର
– କିଛି ଚକୋଲେଟ ଚିପ୍ସ
ପ୍ରସ୍ତୁତି ପ୍ରଣାଳୀ:
ପ୍ରଥମେ ନିଜ ଓଭାନକୁ 350 ଡିଗ୍ରୀ ଫାରେନ ହିଟରେ ପ୍ରି -ହିଟ କରନ୍ତୁ । ଆଉ ଏବେ ଟ୍ରେରେ ସିଲଭର ପେପର ରଖନ୍ତୁ । ଏବେ ଅନ୍ୟ ଏକ ପାତ୍ରରେ ଅଟା, କର୍ଣ୍ଣଷ୍ଟାର୍ଚ୍ଚ, ଲୁଣ, ବେକିଙ୍ଗ ସୋଡ଼ା, ଲୁଣ ଭଲ ଭାବରେ ମିଶାଇ ନିଅନ୍ତୁ | ଏବେ ନିଜ ମିକ୍ସରରେ ବଟର ସହ କ୍ରିମକୁ ଚିକ୍କଣ ହେବା ପର୍ଯ୍ୟନ୍ତ ମିଶାନ୍ତୁ । ଏବେ ସେଥିରେ ଭାନିଲା ଓ ପାଣି ମିଶାନ୍ତୁ । ଏବେ ଏଥିରେ ଅଟା ମିଶାନ୍ତୁ । ଏବେ ନିଜ ପସନ୍ଦ ଅନୁସାରେ କୋକୋ ପାଉଡ଼ର ଓ ଟୁଟି ଫ୍ରୁଟି ମିଶାନ୍ତୁ | ମିଶ୍ରଣଟି ଚିକ୍କଣ ନ ହେବା ଯାଏଁ ମିଶାନ୍ତୁ । ଏବେ ପୂର୍ବରୁ ପ୍ରସ୍ତୁତ ହୋଇଥିବା ଟ୍ରେ ରେ ମିଶ୍ରଣକୁ ଦେଇ 13 ରୁ 15 ମିନିଟ ପର୍ଯ୍ୟନ୍ତ 350 ଡିଗ୍ରୀରେ ବେକ କରନ୍ତୁ । ଏହା ପରେ ଥଣ୍ଡା ହେବା ପର୍ଯ୍ୟନ୍ତ ଛାଡି ଦିଅନ୍ତୁ । ଟ୍ରେ ରୁ ବାହାର କରି ଚାଖନ୍ତୁ ଓ ସମସ୍ତଙ୍କୁ ଚଖାନ୍ତୁ । ଚାହିଁଲେ ଏୟାର ଟାଇଟ କଣ୍ଟେନରରେ ରଖି କିଛି ଦିନ ଯାଏଁ ବ୍ୟବହାର କରିପାରିବେ ।